سألت بستاني

[أبو عبد الرحمن]

إخواني وأخواتي زوار وأعضاء وإدارة صدفة
سلام الله عليكم ورحمته وبركاته

يسعدني أن أقدم لكم آخر ماكتبت
بعنوان

سألت بستاني

سألت بستانى : الورد ليه بيموت أوام والشوك بيفضل
لو يوم تفتح وردتي فى التانى تدبل
واذا يوم فرحت لفرحتى الناس بتزعل
احتار دليلي و ضحكتي مش راضيه تكمل
وكل ما احبس دمعتى سجَّانها يفشل
كُلَّ امَّا سَرَّع خطوتي السكه تطول
تايه وتاهت وِجهِتي ومش قادر أوصل
حتى القريب من دايرتي ما عاد بيوصِل
والكل ليه صاير غريب والغربه تقتل
بحر الحياة من غير شطوط والشط عزِّل
والمركب اللى تشيلنى يوم موتورها يعطل
والموج يكسر جسمها أضطر أنزل
والقرش سانن سنته بيقولي شهِّل
والكون بقى بذرة لمون جواها حنظل
بالله عليك : الورد ليه بيموت أوام
والشوك بيفضل؟!

قال : ياابني رحمة ربنا أوسع وأشمل
قادر بعدْلُه وحكمته للكون يبدِّل
قادر يفرج كربنا والغيث ينزِّل
لكن بشرط نوحده وعداه ما نسأل
ونسير فى طوعه ونلتزم هديه المنزل
وكلام رسوله نطبقه فى كل معمل
ونعيش بلا كذب ونفاق والغش يرحل
ونجيب طبق نملاه محبة ونشربه أو حتى جردل

ونجيب نفر من كل دار ندِّيله معول
ونقوله كسَّر صخرنا للأرض عمَّر
بدِّل صفار اللون وخلِّي زرعنا للكون يخضر
عافر وسابق خطوتك إياك تقصر
إيدك ف إيد صاحبك وأخوك والجار هنكبر
املا القناني بالعسل والشهد الأصفر
واستغنى عن رغدك يومين والطَّرشه صدَّر
للبودره والبانجو الَّلعين ولْدِينك انصُر
الثورة مش بس بكلام دا المعنى أكبر
الثورة علم وفاس ودين مش فن أكشر
خلانا فى البيت مسجونين وعيونَّا دمَّر
خلَّى الولاد متعلقين باللعب أكتر
خلّى الأعادي يسبقوا واحنا بنصغر

بالدين نداوي علتك يا قلب حجر
بالدين هترجع هيبتك يا حاج أزهر
بالفاس هتكتر ميتك يا نيل ... نصدَّر
بالعلم تفلح خطتك يا ابني وتعبر
بالحب ترجع فرحتك والمولى تشكر
والورده لو عاشت يومين فيهم تخلي الكون معطر
والغمسة فى الجنة بسنين بس المهم انك تشمَّر

مع أرق تحياتي
أبو عبد الرحمن – محمد حامد

[marmer]

بالدين نداوي علتك يا قلب حجر
بالدين هترجع هيبتك يا حاج أزهر
بالفاس هتكتر ميتك يا نيل ... نصدَّر
بالعلم تفلح خطتك يا ابني وتعبر


كلامكصدق

ابو عبد الرحمن

ياريت نفهمة ونعمل بية

واحنا هنكون باذن الله احسن بنى ادمين

تسلم للقلم القلم

[أبو عبد الرحمن]

تسلمى مرمريه

بارك الله فيكِ

يا رب تصل مصر لبر الأمان

ونحدد وجهتنا بجد

ونصل لأمنياتنا

تقبلى تقديري

[طارق سرور]

قال : ياابني رحمة ربنا أوسع وأشمل
قادر بعدْلُه وحكمته للكون يغيَّر
قادر يفرج كربنا والغيث ينزِّل
لكن بشرط نوحده وعداه ما نسأل
ونسير فى طوعه ونلتزم هديه المنزل

الله على ما سطرت هنا أخى
كلمات تموج بعطر الإيمان
فائق شكرى وتقديرى أخى أبو عبد الرحمن

[أبو عبد الرحمن]

بارك الله فيك أخي الحبيب طارق

جزاك الله خيرا للمرور الطيب

أسأل الله تعالى أن يحبب الله إلينا الإيمان ويزينه فى قلوبنا

[نور]

بالدين نداوي علتك يا قلب حجر
بالدين هترجع هيبتك يا حاج أزهر
بالفاس هتكتر ميتك يا نيل ... نصدَّر
بالعلم تفلح خطتك يا ابني وتعبر
بالحب ترجع فرحتك والمولى نشكر

من يسمع ويرى تلك الحروف
ليتعلم منك حب مصر والخير
اسال الله ان لايطول ليل الخوف
وان يطل علينا نهار مشرق بالحب والخير
يعمر بلادنا ويروى ارضنا
ديما حروفك اخى ابوعبد الرحمن
هى حروف تتناثر فى زوايا صدفة
لتعطينا الامل وبشاراات بانتظار الفرح
اسال المولى ان يقربنا منه ويغفر لنا ويعفو عنا
وان نرى يوما تتفجر فيه ينابيع الخير
دمت رائع بكل مايسكبه عطر قلمك
خالص الشكر والاحترام

[أبو عبد الرحمن]

المشاركة الأصلية كتبت بواسطة نور

بالدين نداوي علتك يا قلب حجر
بالدين هترجع هيبتك يا حاج أزهر
بالفاس هتكتر ميتك يا نيل ... نصدَّر
بالعلم تفلح خطتك يا ابني وتعبر
بالحب ترجع فرحتك والمولى نشكر

من يسمع ويرى تلك الحروف
ليتعلم منك حب مصر والخير
اسال الله ان لايطول ليل الخوف
وان يطل علينا نهار مشرق بالحب والخير
يعمر بلادنا ويروى ارضنا
ديما حروفك اخى ابوعبد الرحمن
هى حروف تتناثر فى زوايا صدفة
لتعطينا الامل وبشاراات بانتظار الفرح
اسال المولى ان يقربنا منه ويغفر لنا ويعفو عنا
وان نرى يوما تتفجر فيه ينابيع الخير
دمت رائع بكل مايسكبه عطر قلمك
خالص الشكر والاحترام

بارك الله فيكِ أختى الكريمة نور

ودائما تأتى ردودك الطيبة المتفاعلة

لتثلج صدري

وتشعرني بقيمة لما كتبت

وإن كانت كلماتي بسيطة

تقبلى احترامي وتقديري

[ابو عمر المصرى]

أبدعت,,,,,
,,,,,,,وتألقت
سلمت لنا يمناك على كل حرف خطته,,,
,,,,,,على كل كلمة رسمتها
عذرا,, لتقبل عباراتي المتواضعة,,,
فلم اجد الحروف التي تليق بسمو قلمك ,,
,,,,التي قد تلملم ردا يناسب روعة ما قدمته
لك ودي وجل تقديري,,

[سعيد القاضي]

الثورة مش بس بكلام دا المعنى أكبر
الثورة علم وفاس ودين مش فن أكشر
خلانا فى البيت مسجونين وعيونَّا دمَّر
خلَّى الولاد متعلقين باللعب أكتر
خلّى الأعادي يسبقوا واحنا بنصغر

بالدين نداوي علتك يا قلب حجر
بالدين هترجع هيبتك يا حاج أزهر
بالفاس هتكتر ميتك يا نيل ... نصدَّر
بالعلم تفلح خطتك يا ابني وتعبر
بالحب ترجع فرحتك والمولى تشكر
أبو عبد الحمن
----------------------------
لله درك يا أبا عبد الرحمن
شخَّصتَ الداء..ووصفت الدواء::..
فالكلام والهتافات والأناشيد و التمثيليات.. لا تكفي
لكن
بالدين..والعلم.. والعمل.. والمحبة.. تنهض الأمة
فهل من مجيب؟؟؟؟؟

[أبو عبد الرحمن]

المشاركة الأصلية كتبت بواسطة ابو عمر المصرى

أبدعت,,,,,
,,,,,,,وتألقت
سلمت لنا يمناك على كل حرف خطته,,,
,,,,,,على كل كلمة رسمتها
عذرا,, لتقبل عباراتي المتواضعة,,,
فلم اجد الحروف التي تليق بسمو قلمك ,,
,,,,التي قد تلملم ردا يناسب روعة ما قدمته
لك ودي وجل تقديري,,

بارك الله فيك أخي الحبيب أبو عمر

مرورط العطر يسعدني

تقبل أسمى آيات الشكر والتقدير لمرورك الطيب

دمت فى حفظ المولى