الشعور اللي اعيشه فـي غيابـك
هز ذكرى ساكنه بقصى خفوقـي
والدموع اللي بكتني عنـد بابـك
احرقت هالدم في مجرى عروقـي
جعل همن بالحشى يازين صابـك
يعتريني بالحزن يا ساس ذوقـي
ماضـي الايـام بالتفكيـر جابـك
من غلاتك ترسمك اقـلام شوقـي
العقل شـارد وتفكيـري سهابـك
ابدع الابيات وابحر مـع طروقـي
آتنفس عطرك اللـي فـي ثيابـك
بوسط احضانك تناهيدي تروقـي
المشاعر خاضعه لحضرت جنابـك
آمريني معك ما يقـوى عقوقـي
لو يطول البعد ما اشكـي عذابـك
اعشق التعذيب لو تسلب حقوقـي
لا تبين في سماء حبـي سحابـك
ترعد الدنيـا وتسبقهـا بروقـي
في ديار القيض يشقيني سرابـك
من ضما الاشواق والقلب الشفوقي
مظلمن ليلي وهمساتـي تهابـك
خايفن تبطي بنورك يـا شروقـي
راق لى