مرمرية
ما شاء الله عليكى
بجد منورة صدفة بحواريها وشوارعها
وسحاليها وضفادعها هههههههههههههه
منور بيك يا ابو انس
ابو انس
ابو انس
منورنى
بس بلاش ضفادع
عشان انس مش يزعل
آخر حاجة كنت اتوقعها انك تكونى علوم
مش ماشية معاكى خالص ولا مع شخصيتك المرحة
تعرف انى انا كمان مش مصدقة
علوم دى اخدت زهرة شبابى هههههه
حبيناكى كلنا من قلوبنا
ربنا لا يحرمنا تواجدك العطر
وانتوا كمان حبايبى ربنا يديم المعروف
اية ام انس مش طبخة انهاردة ولا اية
فين الوليمة بتاعتك
والآن مع الأسئلة
ايون حبيبتنا
وشخصيتك
انا بردة قولت اكيد فية كارثة جاية ورا الكلام الحلو دة هههههههههه
يا ترى الناظرة اللى خلاتك تنضفى الحوش بتشوفيها .... ولو شفتيها هتقوليلها إيه ؟
انا لو شفتها مش هقول ليها حاجة
انا هخليها تلم ورق الشوارع هههههههه
انا مش بطيقها اساسا
إزاى حضرتك تروحى رحلة ترجعى منها وش الفجر مع دكتور غريب ها ؟؟؟ لا انتى أختى ولا أعرفك هههههههههههههههه
لا اختك وتعرفنى
بامارة بيدو وانس اللى بيقولولى يا عمتو يا مفترية
واسالهم كدة هههههههههه
لا ماهو احنا مش كنا لو حدنا
احنا كان معانا معيد تانى ههههههههههههههه
يعنى الدكتور والمعيد كان فاضل العميد ههههههههههه
وبعدين احنا ما عندناش بنات ترجع قبل الفجر ههههههههه
وبعدين من أى مركز فى الغربية ؟ شكلك بلديات المدام ... هههههههههههههههه
لا دة بقى خلية على الخاص
لحسن كدة هتفضح على شبكات النت
وان شاء الله ام انس تطلع بلدياتى
عشان ابقى اختها رسمى ماتعرفش تهرب منى هههههههههه
يا ترى فى السيكشن بتاع تشريح الأرنب عملتى إيه ؟؟
اة يا نى
قول فى سكشن تشريح الفيران عملت اية ههههههههههه
الارانب اكمنها غالية كانوا جايبين ارنبين بس
والمعدين هما اللى شرحوها
واحنا اتفرجنا وهكذا فى تشريح الحمام
اى حاجة غالية كانوا بيقلبونا فيها
والكارثة ان العمال كانوا بيخدوها ياكلوها بعد ما بنشرحها
دة انا كنت فى كلية عهاااااااااات ههههههههه
بس بقى
الكارثة كانت فى تشريح الفيران والضفادع والسحالى
يا ختى يا ختى يا ختى
كنت بفلسع من السكاشن دى واروح اتحايل على المعيد فى اخر السكشن انة ياخدلى غيابى
اة يع فكرتنى يا ابو انس
على ما أذكر قلب الأرنب غرفة واحدة من غير صالة و حمام ومطبخ صح ؟! ههههههههههههه
هههههههههههههههه اية دة انت كنت معانا فى التشريح ولا اية هههههههههه
بس ضيف عندك بقى المنور دة فى الارانب الحديثة هههههههه
ولو فيه عضو حاسس بتقصير معاكى وبيعتذرلك ..... تقوليله إيه ؟؟
اقولة ولا يهمك احنا اخوات
وما فيش ما بين الخيرين حساب
واخد منة 5 جنية حق المصالحة ههههههههه
العلوم ... مش حباها ..... يا ترى كان نفسك تدخلى إيه ؟؟
بص يا فندم
وانا فى الابتدائى
كان نفسى ابقى سفيرة وروحت قولت لبابا هو السفير دة بيدرس اية
قالى اقتصاد وعلوم سياسية وعلى ذلك اخدت الكلمة وحفظتها كل ما حد يسالنى عاوزة تدخلى اية اقتصاد وعلوم سياسية
كنت بخض الناس ههههههههههه
وفى نفس السن دة كنت بردة نفسى اكون صحافية اكتب فى جرايد او اكون مراسلة
وطبعا الحلمين ضاعووا
لانى عرفت انى عشان اكون سفيرة لازم حد من عيلتى يكون سفير
وطبعا بم ان علتى كلها سفرة ولله الحمد ضاع الحلم هباءا هههههههههه
وبالنسبة للصحافة
امى كانت بتخاف عليا بقى وعارفة انى دماغى جزمة وانى لسانى طويل فى السياسى
قالتلى صحافة اية عاوزة تودينا فى داهية
يا سيتى يهديكى يرضيكى
لو حصل حاجة هيشدوا بابا وهيسبوكى ما فيش فايدة ههههههههههه
طلعت ثانوى
كنت عاوزة اكون مهندسة ديكور
وكان مجموعى فى الثانوى يدخلنى هندسة
بس للاسف لانى كنت علمى علوم مش علمى رياضة ضاع الحلم التالت
وطبعا هتسئلوا اية مش دخلتى علمى رياضة
لان بابا وماما كانوا شايفنى عبقرية
وكان نفسهم ابقى صيدلانية او طبيبة زيهم زى كل الاهالى
بس انا عمر ما دة كان حلمى
دة انا كان بيغمن عليا من تشريح الضفدعة يبقى هشرح انسان
وفى النهاية اراد الله
ان ادخل علوم اللى عمرها ماجت فى خيالى اساسا
وهذة قصتى مع احلامى الفاشلة هههههههه
لو كنتى قاضى هتحكمى بالأحكام دى على مين ؟
بإحالة الأوراق للمفتى ابو منون هههههههههه
بالسجن المؤبد ساجدة
بالأشغال الشاقة اميرة زمانى
بالبراءة انا طبعا ههههههههههه
رأفة بحالك وباللى جرالك من أكرم والمفترية الجديدة
ساجدة .... نكتفى بهذا القدر
تسلم استاذ أكرم على اختياراتك المتميزة \
اية اللى دخل ساجدة فى الموضوع انا ناقصة ههههههههههههههه
نورتنا ابو انس
وسلملى على المدام
بلدياتى ان شاء الله