المملكـه بأقلوبنـا تبقـى علـى طـول الزمـان
نحبـهـا ونحبـهـا ونحبـهـا لأخــر مــدى
المملكـه هـي امنـا مـن حبهـا نشـرب حنـان
نمـوت لأجـل ترابهـا وارواحنـا الهـا فــدى
المملكه هـي عزنـا هـي فخرنـا هيـه الأمـان
من دونها يهون كـل العمـر وان متنـا اشهـدى
المملكـه منهـا ظهـر نـور الهدايـه للعـيـان
رحمه لمن يمشـي علـى سنـة محمـد واهتـدى
المملكـه الهـا بقلـوب المسلميـن اعظـم مكـان
قبلة جميع المسلميـن مـن ارضهـا بـان الهـدى
ملوكها اعظم ملـوك الأرض عـز ورفـع شـان
الله يعزاللـي يعـز الديـن مـن درب الــردى
ياخـادم البيتيـن همـك ذالوطـن يبقـى مصـان
تصون عـرض بلادنـا وتبـدد اطمـاع العـدى
يا خادم البيتين لـك منـا الـولاء عهـد وضمـان
شمران تعلـن لـك ولاهـا سيـدي فعـل وشـدى
ياخـادم البيتيـن لـك بأقلوبنـا كــل امتـنـان
بيعـة وفـاء شعبـك يرددهـا ويتبعهـا صــدى
تموت ما ترضـى الوطـن يجيـه ذل ولا يهـان
ياسيدي لوخـان بعـض النـاس قلنـا لـه بـدى
ما خان دينه والوطن غيـر الهـدان ابـن الهـدان
واللي يحب ارض الوطن والديـن قلنـا لـه قـدى
ياسيدي مـن حـظ هـذا الشعـب قاصيهـم ودان
الخير في عهدك كثيـر غيـث الـى منـه بـدى
ياولد ابو تركي عسى مثـواه فـي روض الجنـان
وحد وطن ولم شعب مـن بعـد ماهـو مشـردى
وحد وطن بالطيب للي يستحق الطيب ما هو بالسنان
واللـي يخالـف مالـه الا السيـف جعلـه للفـدى
ولـي عهـد المملكـه سلطـان عـون ولا يعـان
الا مـن اللـي لـه نصـوم وبالليالـي سـجـدى
وزيـر جيـش المملكـه يبـان وقـت الأمتحـان
يقـود جيشـه للنصـر ذيـب الا مـنـه عــدى
ال السعـود ملوكنـا مـادام شـرع الله يـصـان
اعمالهـم عنـد الله المعبـود ماتـذهـب ســدى
الله يعـزك ياوطـن مــن المـذلـه والـهـوان
يا مهبـط الوحـي السمـاوي المنيـر المرشـدى
لعـل يسلـم موطنـي مـن كـل حاسـد وجبـان
نمشـي وبالله الكريـم وسـنـة نـبـي يقـتـدى
يقوله اللـي طـول عمـره للوطـن هـذا مـدان
زهير بـن حمـدان حبـه للوطـن لأخـر مـدى