قصيدة طيف السراب ...
طرى في البال هوجاس شعور خفت تفسيره
شعور يوم لاقيتك .. نسى باله و هوجاسه
تقوله : نفترق لازم عسى يا علها خيره
واقول إن كانها فرقا ؟؟ عساها ضعف مقياسه
خبرتك ما تقول إلا كلام دون تبريره
علامه هالحكي كله لسانك يومها داسه ؟
سكنت الروح في روحي بنى لك خافقي ديره
تطاول في مبانيها و لكن إنهدم ساسه
حسبت ان الفؤاد بطلعتك بيطير مع طيره
و اثر طيري بجنحانه غدى عباس فرناسه
كسرت من الغلا قلبي بعد ما طاب تجبيره
شربت من العطش دمعي بعدما إمتلى كاسه
تصور هالعقل طيف السراب و زان تصويره
ألا وش حيلته عقل ضرب باخماسه اسداسه
يعانق هالألم روحي.. عرف للطيب تقديره
حلف في داخلي هالجرح لاماينحني راسه
خطاي إني عطيت الود منهو (لا) حسن سيره
مثيل الخل في السكر إلى من إختلط .. حاسه
حبيبي وش لنا والحب دام الحب تصبيره !!
بعيد الفرق .. وش جاب اسود الكربون ... لألماسه
حبيبي للأسف ما عاد قلبي ينتفض غيره
تريح من جميع احساس قلب مات بإحساسه
حبيبي و الوداع الحل كانه ما بقى غيره
أمانه بس لا تنسى تشيل الحب فأكياسه
طرى في البال هوجاس شعور ( صح ) تفسيره
شعور يومي اطريته .. رميت البال .. بأنجاسه
قصيدة لا باس ...
عامين واردى طبع بي .. يرفع الراس
عامين حتى من ظلمني .. نصرته
لا باس ياللي ما تعرفون لا باس
الله وعدني بالستر لا سترته
يارب سامح من مشى يفتن الناس
عبدك بيهلك لو رحل ما غفرته
لا هو لقى في داخلي للردى ساس
و لا أنا اللي عن رخومه حظرته
إلين وسوس للشياطين وسواس
وانا سكت ..و أدري اني قهرته
يطرد ورى بنت أحمد بقطع الانفاس
هذا مع اني جالسه... منتظرته
ومن حر مابه قال يكتب لها احساس !!
مايدري اني عقبها كم شكرته
أبدعت شعري مير ما شلت هوجاس
كني بألاقي جنتي لا نشرته ؟؟
مو ذنبي انه من تراب و انا الماس
حاسد وانا من قبل يحسد عذرته
يارب انا ما همني حكي الادناس
مادام قلبي بالنقاوة عمرته
واللي تبجح بين معشوقة وكاس
لي الشرف كاني بطيبي غدرته
فالجود جيد ... لكن العرق دساس
وحكي بأقوله.. في السكوت اختصرته
عامين..واردى من حكى.. رافع الراس
والناصر اللي ما نصرني .. نصرته