مالك يا قلبي نبضتك مكتومة
وكل دقة منها نسمعها حزينة
و كمان ياقلبي ضحكتك راحت
كأن عمرك ماعرفت لك مينا
لو كان بإيدي ياقلبي كنت رويتك
بمية ورد وعلقت لك زينة
عارف إن جواك يا قلبي هم
وحاجات كتير وجروح دفينة
مش عارف ألتمس لك عذر
بس كل ما أتمني لك هيا السكينة
نفسي تفضل يا قلبي طاير حر
ماتسبش نفسك مربوط رهينة
لو كنت تقدر يا قلبي كنت عملتها
ماهو كل واحد مكتوب علي جبينه
إمتي يعرف يبطل حب
وإمتي حيسيب السفينة
لو كنت تقدر يا قلبي كنت عملتها
بس أنت عارف أنك بين إيدين أمينة
سيب نفسك يا قلبي وحب
خلينا نطلع حبنا وهوا كل ما فينا
خللي نبضتك وضحكتك ترجع
تجلجل في كل نواحي المدينة
وعجبي