[أبو عبد الرحمن]

المشاركة الأصلية كتبت بواسطة hazin

بسم الله الرحمن الرحيم اخواتى الاعزاء مش عايز اطول عليكم فى الكلام انا عايز اديكم نبذة عن حياتى وتقولولى رأيكم او نصايحكم انا اسمى محمود عمرى 23 سنة اتسرعت وخطبت وانا عندى 19 سنة معيا دبلوم صنايع وكنت فى معهد موسيقي عربية بس سيبته علشان المصاريف غالية وبعدين موضوع الخطوبة اخدنى لمهم انى اتحطيت فى مسؤلية الشغل وداير الشقى وبقيت عامل (سورى) زى الحمار فى السقية الناس كلها فكرت انى علشان خطبت بدرى ان هنخ او هتعب وافركش لكن الحمد لله عدى اربع سنوات وانا فى تقدم الحمد لله ودلوقتى كتبت كتابي وقريب انشاء الله الدخلة انا مبسوط جدا انى انشاء الله هتجوز بدرى بس انا خايف حاسس انى هكون مش مستقر فى حياتى الزوجية بسبب المسؤلية الكبيرة الى هكون فيها اولا انا نسيت اقولكم انى شغال فى شركة الزفت(السجاير) بس مش متثبت يعنى ممكن اتكرش فى اى وقت مع العلم انى من ابناء العاملين المهم وشغال بعد الظهر لحد بالليل متأخر فى مطعم دليفري بالفيسبا بتاعتى مع انى خايف على مستقبلى من عدم تثبيتى فى الشركة حتى الان الا انى خايف اكتر لانى عايز اسيبها خلص لانى حاسس بأنى شغال فى حاجة حرام وكمان الدليفري ده انا كرهته اولا من تحكم الناس واصحاب العمل ثانيا من مخاطر الحوادث الى شفتها بعينى كذا مرة وربنا الحمد لله نجنى منها وكمان الشرطة الظالمة انا مش عارف اعمل ايه انا فى دايرة مغلقة وعمال الف حوالين نفسي بالله عليكم ادونى اى حل ممكن اعمله وادونى ارأكم يسر الله اموركم وجزاكم الله خيرا والسلام عليكم ورحمة الله

أخى الحبيب .... حزين

يا صاحب الهم ..... إن الهم منفرج

أبشر بخير .... إن الفارج الله


دائما يأتى الفرج بعد الشدة ..... لا تقلق أخى من المستقبل

فالمستقبل بيد الله عز وجل .... حاول تبحث عن عمل آخر .... إن شاء الله هتلاقى

أنا عارف ان الأمر صعب شوية ... لكن معلش حاول

وبعدين ما تقولش اتسرعت ..... فيه شباب بيتجوزوا على 18 سنة وبيتحملوا المسئولية

سيدنا أسامة بن زيد كان أصغر منك وكان قائد جيوش المسلمين

والحياة عاوزة كفاح .... وتعب ... هى دى طبيعة الحياة .... ربنا بيقول : ولقد خلقنا الإنسان فى كبد ( يعنى تعب ومشقة ) والراحة فى الجنة ان شاء الله

أوعى تفكر تسيب خطيبتك ..... جزاها الله خير ... اتمسك بيها .... وما تنساش إن ربنا بيقول
إن يكونوا فقراء يغنهم الله من فضله

والإنسان اللى يريد العفاف .... ربنه هيعفه .... وهيوسع رزقه

أول ما تتجوز هتلاقى رزق يجيلك من حيث لا تحتسب

ما تخاف من الرزق ..... ربنا هيوسع عليك

وكلنا على فكرة فى الدايرة اللى بتقول عليها

لكن الراجل ... المؤمن ... هو اللى يرضى بقضاء الله عز وجل ... ويصبر على الشدائد والمحن

ولا تنسى أن الدنيا سجن المؤمن وجنة الكافر


ولو تساوى عند الله جناح بعوضة .. ما سقى الكافر منها شربة ماء


أهم شئ تبحث عن شغل بعيد عن السجاير والمحرمات ..... أهم شئ

عشان ربك يبارك فى الرزق .... وقوى صلتك بربنا .... حافظ على الصلاة والأذكار

وصاحب الناس الأخيار الطيبين .... أهل الصلاة والعبادة


إبعد عن أى صاحب يجرك للمعصية .... أو يشجعك على ترك الصلاة

بر أبوك ووالدتك .... لو عايشين .... وخليهم يدعولك



ربنا يعينك وييسر أمرك

ويفرج كربك

ويكتب لك الخير


تقبل خالص دعواتى لك بالصحة والعافية