السلام عليكم
نفسنا فى الوحدة الإسلامية ...
أمل كل المسلمين ... ولكن للوحدة تضحيات ...
ولا بد لها من أسلحة قوية ... أولها العلم ... بعد الإيمان
..................................
بالعلم نصنع معجــــــزات
والوحدة عاوزة تضحيات
طريقها كله مغــــــــريات
وفرق بتلعب خد وهـــات
....................................
يغــرونا مـــرة بالـبـنـات
ومرة خمـر ومشروبات
ومرة نت ومــــرة شات
والشات يجر لعـاهرات
....................................
عاوزينا نقعد للشاشات
بحر وفنادق وبلاجـــات
مليانة فسق وملهـيـات
متع عيونك من سكـات
..............................
وايّاك تصنّع ic هـــات
أو يوم تفكر فى الآلات
وتقول لى مصنع سيارات
يومها المعونة مقطوعات
.................................
عمّر دماغك تعمـــــيرات
متقولش مين فى غزة مات
كل عيش ودور فى البارات
على شغل بين الراقصـــات
................................
فِرَق ولِيهَا مخططـــات
قدرت تخلينا فـ شتـات
وقطّعِت كل الصـــلات
فَرِّق تَسُدْ .. حتى الفُرَات
..................................
يا رب نِصحَى مْنِ الثبات
يبقالنا رأى وتصريحات
ونرجّع العهد اللى فات
بالعلم نصنع معجزات
....................................
والوحدة عاوزة تضحيات
أبو عبد الرحمن
02-02-2009, 01:14 AM
مـتـع عـيـونـك مـن سكـــات ..... !!
رد: مـتـع عـيـونـك مـن سكـــات ..... !!
