تجيني طيف يا عمري على جنحان شوقـي لـك
أخاف أرمش من عيوني وأبعثر صورة وصالـك
حبيبي لا تجيني قول وين أنت؟ وأنا أجـي لـك
أبيك تقول وين أنت وعلى عيوني أنا أسعى لـك
وربي فوق روس الشوك لآ أخلي القلب يمشي لك
واخلي ظلالي يسبقنـي قبـل يحضنـي منزالـك
ثواني بس أبتهندم من عيونـك وأبهـدي لـك
في عينـك ضحكـةٍ حتـى تكحـل عيـن عذالـك
يقولوا الناس: بغيابي تشب القلـب ويضـوي لـك
حنيني ومن وهج شوقه يميـل القلـب لآ مالـك
قضى دمعي من عيوني أبي من عينك أبكي لـك
أبنثر من ورا عيوني دمـوع عيـون ترحالـك
تعبت أهرب من الاشياء البسيطـه مـن تفاصيلـك
تعبت اسأل زوايا البيت عن أول وآخر أحوالـك
وحتى الشوق من صبح الدرايش قام يهـدي لـك
عصافير الرضى ترفـرف علـى بيبـان مدخالـك
هنا ترمي صباح الخير قبل لا تروح وأدعي لـك
وهنا تضوي مساء الخير في عيني مـن هلالـك
أنا من الليل يقطفني شعوري لـك وأغنـي لـك
أنا من الصبح يليّلني الحزن مـن لـون موالـك
حرام الليل ماهو ليل إذا مـا كنـت فـي ليلـك
وحرام الصبح ماهو صبح إذا ما كنـت فظلالـك
تروح وقلت: أحط عمري علـى كفـي وأناديلـك
نزعت العمر مـن شفـت الغـلآ بالـروح نادالـك
بربك قول: وش سوى الفـراق بوجـه منديلـك؟؟
تسيل ألوان طيفي فيـه إلـى مـن البكـا سالـك
حبيبـي لا يبكيـك الفـراق ولا يـهـد حيـلـك
أخاف الدمع من عينك يجفف صورتـي ببالـك
تعال أحتاج أسولف لك عـن الايـام وأشكـي لـك
وأفض غيم الحزن وأنثر حنيـن الشـوق بقبالـك
تعال وحـط فـي قلبـي همـوم الفرقـا وأشيلـك
لأن القلب ماهو قلب إذا فـي نبضـه مـا شالـك
قضى دمعي من عيوني أبي من عينك أبكي لـك
أخاف أبكي على طيفك وأبعثر جيت وصالـك
ممآآ رآقـ لـِـي
11-10-2009, 02:27 AM
تعال وحـط فـي قلبـي همـوم الفرقـا وأشيلـك
