على عتبات الطلل البالى
للدار الواسعة
اللى احتضنت اطفال قريتنا
واللى انطرحت ع الأرض ضحية
لقانون المالك والمستأجر
سفحت عينى حفنة دمع
ولقيتنى بأدى تحية
للعلم اللى اتحول بسارية
لأكوام من ردم
(تحيا الأمة العربية -
تحيا الجمهورية العربية المتحدة)
ولقيتك لساك متعلق بخريطة
على حيطة سنة خامسة
هى الحيطة البالية الاّيلة
لسقوط الجدر الساكن جوانا
والجنى المارد الساكن جواك
بصوابعة العشرة والواحد
بيدعبس بخريطة تضاريسك
بيشتت أفكارك
بيغير ف خطوط الطول والعرض
بيدنس فيك العرض
وانت بهبلك وبخيبة أملك
راقد مسترخى بتستمتع
عامل ايه ..قال مش واخد بالك
ياقليل الحيلة يامطاطى الراس
ياوصيف الوسواس الخناس
يا تشد الحيل وتهز كيان الويل
وتورى عدوك شمسه ف عز الليل
يا تبيع اولادك وتسيبهم ع الأرض
عبيد..مرتزقة لحلف الناتو
06-15-2010, 12:08 AM
حلم آيل للسقوط
