أفكار للغرف الزائدة بالمنزل بالصور

[مرح الحلوه]

السلام عليكم
بعض الأفكار اللي حبيتها وأحسها مهمة وممتعة لكل أفراد الأسرة
ممكن تستخدموا هالافكار لما يكون البيت فيه غرف إضافية يعني زيادة عن غرف النوم والصالات، بدل ما نعمل صالة حمرة وصالة خضرة وصالة زرقة نعمل صالة وحدة والأماكن الثانية استفيدي من هالأفكار

أول فكرة: غرفة الغسييل
يكون فيها غسالة ونشافة وأوتي وأماكن تعليق وأرفف للصوابين وجذي مرتبة وشرررررحة تفتح النفس مثل هالصورة ولاحظو التلفزيوون

ثاني فكرة: غرفة لعب لأطفالي
ودي تكون كبيييييرة عشان يلعبون ويركضون براحتهم وحطي لهم كل الالعاب اللي يحبوونها حتى لو ما قدرتي تطلعينهم بالويك اند الا يقدرون يلعبون ويستانسون، ولما يكبروون حطي فيها العاب كبار يعني بيبي فوت وهوكي وتنس طاولة مثلا


ثالث فكرة: سينما منزلية
نعمل لها جو للإضاءة وقنفات مريحة وبروجكتر وسماعات حواليها واشتري مكينة بوبكورن والله ونااااسة تقدرين تسهرين فيها وتحطين فلم عائلي،،


رابع فكرة: نادي منزلي
تقدرين تقضين على مشكلة السمنة وأخيرا وتحافظين على رشاقتك انتي وانت حطي غرفة أرضيتها خشب وأجهزة رياضية وتلفزيون ولعبوا رياضة 3 مرات بالاسبوع


خامس فكرة: حديقة في السطح
هذي الفكرة مالها شغل بالغرف الزايدة بس نفس الفكرة ان تستغلين مساحة السطح وتسوينه مكان حلوو بدل ماهو فاضي
طبعاً الله يعافي الزرع والحشيش الصناعي مريح وما يبيله متابعة واحد يسقيه وحطي مظلة وطاولة وكراسي وحطي باربكيو الله ونااسة خوش عشا باربكيو في الهواء الطلق جو حلوو


الفكرة السادسة: غرفة مكتبة
يكون فيها مكتبة للكتب ومكاتب حق المذاكرة عشان تدرسون بهدوء وممكن كمبيوتر وقنفة للقراءة وحلاتها تكون شرحة ومضيئة عشان التركيييز




الفكرة السابعة: هذه لكل بنت
تكون تقريباً صالون منزلي تحطين تسريحة أم الليتات وناسة وديكور حلو وشرح وقنفة ومكياج وعدة الشعر والأظافر وكل شي تحتاجينه للعناية بجمالك وممكن جهاز البخار لعمل حمام الزيت وكل شي وتحطين تلفزيون بالطوفة وديكور مرتب ووناسة كل ما بغيتي تسوين شي تعزمين اخواتك وبنات خالتك وتقضون وقت لطيف





الفكرة الثامنة: غرفة الخزانة
اعملى غرفةللتخزين حلوة بديكور حلو وترتيب رااائع يعني كل شي معروض ما تحوسون بالكبت تدورون وهذي أمثلة






ان شاء الله تعجبكم

[اميرة صدفة]

[ملكة بإحساسي]

رووووووووووووعه
غاليتى مرح . تسلمي ع الديكورات الحلوه
يعطيك العافيه علي المجهود الرائع
الله يسعد قلبك وينور بالخير دربك
لاتحرمنا جديدك المميز
تقبلى مروري المتواضع