السلام عليكم ورحمة الله وبركاته
مصر عالي شئنها مصر هذا هو علمها
ملحمة شعب في حكاية شعب
شعب لم ولن يرض الا بالعز والبطولات الجسام
شعب مسلم متدين قلبهم من حرير يبتسم رغم الجراح
رغم من حاولو يطمسو هويته العربية وينعتوه بما هو فيهم من خزي
وعار وجشع واحقاد رد الله كيدهم في نحورهم
وهاهو شعب مصر العظيم يسعي للرقي المعهود فيه
وانا ابحث في مكتبة عمتي بهرتني هاك الملحمة التي نري اثرها
ولم تندثر اثارها فكل فرد من شعب مصر العروبة هو وهي ذالك
الانسان الشامخ بعزة دينة واخلاقه وحبه بل عشقه لوطنه
اخذت اردد الكلمات فتخيلت اني في تلك الحقبة الناصرية
وكل شعب مصر يرددها واليوم ردد تسلم الاياد لبطل لا يقل
عن عبد الناصر المصري المحب لوطنه بل اكثر فهو من هو
جمع كل الصفات الحمدة فحب وطنه فقال كلمته الحق لن ارضي بهوان شعب
مصر العظيم
فاليه اهدي هالملحمة الرائعة ولكل عشاق مصر وانا واحدة منهم وغيري كثر
حكاية شعب
كورس :قلنا حانبنى و آدى احنا بنينا السد العالى
يا استعمار بنيناه بايدينا السد العالى
من أموالنا بايد عمالنا هى الكلمة و آدى احنا بانينا
عبد الحليم : أخوانى تسمحولى بكلمة
كورس : هيه
عبد الحليم : الحكاية مش حكاية السد
حكاية الكفاح اللى ورا السد .. حكايتنا احنا
حكاية شعب .. شعب للزحف المقدس قام وثار
شعب زاحف خطوته تولع شرار
شعب كافح و انكتب له الإنتصار .. تسمعوا الحكاية
كورس : بس قولها من البداية
عبد الحليم : هى حكاية حرب و تار بينا و بين الإستعمارفاكرين
لما الشعب اتغرب جوه فى بلده
كورس : آه فاكرين
عبد الحليم : و المحتل الغادر ينعم فيها لوحده
كورس : مش ناسيين
عبد الحليم: و المشانق للى رايح و اللى جاى
ودم أحرارنا اللى راحوا فى دنشواى
كورس : آه فاكرين
عبد الحليم : من هنا كانت البداية و ابتدا الشعب الحكاية كان كفاحنا
بنار جراحنا يكتبه دم الضحايا
كورس : و انتصرنا انتصرنا
عبد الحليم : انتصرنا يوم ما هب الجيش و ثار
يوم ما أشعلناها ثورة نور و نار
يوم ما أخرجنا الفساد يوم ما حررنا البلاد
يوم ما حققنا الجلاء و انتصرنا
كورس : انتصرنا انتصرنا
عبد الحليم : رجعت الأرض الحبيبة الطيبة لايدين صحابها
التقينا العز فيها و الكنوز تايهه فى ترابها
قلنا نلحق نبنى مستقبلها و نرجع شبابها
كورس : نعمل إيه
عبد الحليم : كان طبيعى نبص للنيل اللى أرواحنا فى إيديه
ميه فى البحر ضايعة و الصحارى فى شوق إليه
قلنا نبنى سد عالى سد عالى
بص الإستعمار صعب حالنا عليه .. ليه نرجع مجدنا و نعيده ليه
كورس : يعمل إيه
عبد الحليم : راح على البنك اللى يساعد و يدى
قاله حاسب قالنا مالكمش عندى
كورس : قلنا إيه
عبد الحليم : كانت الصرخة القوية فى الميدان فى اسكندرية
صرخة أطلقها جمال و احنا أمنا القنال
عبد الحليم: ضربة كانت من معلم
كورس : خلى الإستعمار يسلم
عبد الحليم : و الحصار الإقتصادى
كورس : برضة ماذلش بلادى
عبد الحليم : جاب سلاحه طياراته غواصاته دباباته واعتدى عشان نسلم
كورس: هو مين لا ده بعده هو اللى اتلقى وعده
عبد الحليم : كنا نار أكلت جيوشهم .... نار تقول هل من مزيد
انتصرنا و لسه عارهم .... ذكرى فى تراب بورسعيد
والعروبة فى كل دار وقفت معانا
والشعوب الحرة جت على اللى عادانا
كورس : و انتصرنا و انتصرنا و انتصرنا
عبد الحليم : آدى حكاية الشعب .. شعب للزحف المقدس قام وثار
شعب زاحف خطوته تولع شرار .. شعب حقق له جمال الإنتصار
وانتصرنا و انتصرنا
***************
-غناها عبد الحليم أول مرة يوم 9 يناير 1960 فى حفل أضواء المدينة الذى أقيم فى مدينة أسوان إحتفالاً بوضع حجر الأساس للسد العالى وقد حضر الحفل رجال الثورة و على رأسهم جمال عبد الناصر.
تأليف : أحمد شفيق كامل
************
في امان الله
09-27-2013, 10:51 AM
ملحمة حكاية شعب
رد: ملحمة حكاية شعب
