حبيبة مهندس الكمبيوتر .... بترد عليه بقصيدة زراعية

أبو عبد الرحمن · 04-22-2009, 01:12 AM

أم معاذ

أشكر مرورك الجميل

تقبلى تحياتى الممزوجة بالكبد والكلاوى
ولحمة الراس

ههههههههههههههههههههه

إن شاء الله فى الحلقة الجاية
يروح عند بنت الساطور
أقصد بنت الجزار

هههههههههههه

أبو عبد الرحمن · 04-22-2009, 02:11 AM

كالعادة

صاحبنا فركش الخطوبة

وبعد ما أخد رأى أم معاذ

نصحته ببنت الجزار

لكنه كان جوعان وأكل عندها بشراهة

فقالت له :

ساطورنا مش خسارة

كادوه عربون محبة

بس أفهم العبارة

فهمنى حبة حبة

قربك خلا الزرايب

تطفش منها العجول

وكمان فارضين ضرايب

ع الجلد والديول

من أول يوم عرفتك

تطلب كفتة وكباب ؟!

وفضلت قاعدة جنبك

يمكن تسيب مناب

فوجئت إن بطنك

بتنفد ع الشراب

الكبده والكلاوى

واقفين لك انتظار

والفتة والكوارع

بتاكلهم فى الفطار

حرام عليك يا راجل

دى العيشة معاك دمار

لو كنت ف يوم مراتك

طلقنى وخد دينار

وسيبنى حل عنى

مش هرجع فى القرار

أحسن لك تملا كرشك
بشوربة الخضار

ارحمنى حل عنى
أفضل الانتظار

(المرسل)

(عاشق بكرش)

هدهد2009 · 04-22-2009, 05:58 AM

ههههههههههههههههه
تسلم ايديك يا ابو عبد الرحمن
بس الخوف احسن ترشنا احنا بالمبيدات
علشان المعلومات تطلع متهرمنه
والكلام يكبر مننا
يلا مستنين باقى المهن ياريت مش تنسى المدرسين
الشقيانين واللى فى الدروس الخصوصيه قايمين نايمين
ربنا يوفقك امييين

أبو عبد الرحمن · 04-22-2009, 08:21 AM

طبعا عارفين إيه اللى حصل بعد ما راح لبنت الجزار

ولما خد رأى هدهدة

نصحته بالمدرسات

تعالوا نشوف إيه اللى حصل
لما خطب مدرسة
بعد اسبوع من الخطوبة

قالت له

حبيبى كتبت حبك

فى دفتر التحضير

من أول يوم شرحتك

خلصتلى الطباشير

والناظرة كمان بسببك

زادت فى الإحتياطى

و قلبى لما حبك

اتوقفت ترقياتى

من حبك المسائل

هربت منها الحلول

من يوم ما جيت يا وائل

وجبت أم الخلول

ما عادش دروس خصوصى

والحالة فى النزول

طيفك مر فخيالى ...

وانا واقفة ع السبورة

نسيت كل المقرر

كلمتهم فى الكورة

توجيه المادة جالى

وانا كنت مزوغة

كتب تقرير مثالى

دخلنى ف معمعة

بالله عليك كفاية

نقلونى مكان بعيد

انا خايفة من النهاية

لتكون ورا الحديد

حتي العلاوة ضاعت

ياخسارة على اللى فات

وحياتي معاك مصيرها

هننفخ بالونات

ياللى حبك جرحنى

فى العربى وال انجليزى

ارحمنى حل عنى
بالصينى وبالماليزى

(المرسل)

(عاشق دروس خصوصى)

ام معاذ · 04-22-2009, 08:34 AM

السلام عليكم ورحمة الله وبركاته

هههههههههههههههههه

اخى

اسعد الله ايامك

والله صاحبك ده قطع قلبى

واظن الاحسن له يشوف بنت شحات يمكن ترضى بيه

واكرر مواهبك المدفونة دى لازم المصرى يعمل لها منتدى خاص

هههههههههههههههه

دمت بالف خير

أبو عبد الرحمن · 04-22-2009, 09:48 AM

أم معاذ تسلمى

على روعة مرورك

ههههههههههههههه

حاسس ان بنت الشحات

هتضربه قلمين

هههههههههههههههه

إن شاء الله يدور على واحدة بالمواصفات دى

ويروح لها قريب

وبعدين
مش للدرجة دى
احنا على قدنا يا أم معاذ

تقبلى تحياتى

أبو عبد الرحمن · 04-23-2009, 12:48 AM

أهلا بكم من جديد

مع صاحبنا المهندس اللى بيدور على عروسة
طبعا شفنا إيه جراله لما طلب إيد مدرسة
فقرر يعمل بنصيحة أم معاذ
ويخطب واحدة شحاته

يا ترى وافقت بيه

ولا حصل إيه ؟؟؟؟؟؟؟؟

تعالوا نشوف الحوار اللى دار بينهم

الشحاتة :

حبيتك ع القرافة
هرتاح من النضافة
والنصب والعرافة
وشكلى من نصيبك

من يوم ما شفت جيبك
عَمران .. يوم مات قريبك
والشقة من نصيبك
دا مستحيل أسيبك

موقفتش فى الإشارة
وخلاص سيبت السيجارة
وهتسكن فى العمارة
بس انت هز جيبك

المهندس

يا بنتى انتى اتخدعتى
الشقة مش بتاعتى
وساكن عند خالتى
وشكلى مش نصيبك

أنا راتبى مش كبير
وبشتغل غفير
وبلاش كلام كتير
الله يحنن عليكى

هتمشى من سكات
ولا اشرب لك مغات
وارسم لك أهرامات
على خد اللى جابوكى

الشحاتة :

فكرتك ابن ناس
وهياخدك الحماس
تحمينى تخاف علية

أنا عندى برج عالى
بنياه من حر مالى
فى حتة مِية مِية

دا غير بنوك سويسرا
روح اسأل عنى يسرا
تقولك مين ( بهية )

ما لكش حظ فيهم
أصلى اتبرعت بيهم
للى هيحس بيه

خلاص جرحت قلبى
وبان المستخبى
روح دور ع الغنية

(المرسل)

(عاشق ملوش نصيب)

نور · 04-23-2009, 01:09 AM

ههههههههههههههه
مش معقول صحيح كنز مواهب
الله عليك شاعرنا الكبير قوى
هههههههههه
ابوعبد الرحمن
دوم احلى كلام من اصحاب المهن
اللى شايفين الغلب
ده كله ومستحملين
بجد يقطعوا القلب لازم نشوف لهم
نجار يعمل لهم قلب حديد
لاجل لايهزهم ريح ولاينكسر لهم قلب ولاشباك
هههههههههههههههههه
ننتظرك مع مهن اصحابها اعلنوا الافلاس
دمت ضاحك شاعرنا الجميل صاحب البسمة الراقية
دعواتى لك بكل الخير

أبو عبد الرحمن · 04-23-2009, 01:31 AM

تسلمى نور

انتى صاحبة الفكرة

وحركتى المشاعر بكلماتك الجميلة

تسلمى على مرورك الطيب

وكلماتك الرقراقة

تقبلى تحياتى

أحمد اسماعيل · 04-23-2009, 10:36 AM

ابو عبد الرحمن يا خطير

هههههههههههههههههه

مشاء الله عليك

رووووعة طرحك

الله ييسر امرك

ننتظر دوم منك الاحلى والاجمل

يلااا نشوف المهن الباقية

تسلم لنا شاعرنا الهمام