انانية ادم وطلب التضحية من حواء
السلام عليكم و رحمة الله و بركاته
نبتدي على بركة الله الحوار
الحلقة الأولى
احمد: الشاب الطموح صاحب دبلوم تجارة و محاسب بشركة من أكبرالشركات الناجحة بالبلد من عائلة متواضعة متكونة من أخت و أم .....
خالد : صاحب الشركة في العقد الرابع مطلق و له ولدين في كفالة أمهما ....
سارة : أخت أحمد لسه متخرجة من الجامعة بنت جميلة هادئة رزينة ذات شخصية قوية و قنوعة ......
الساعة تشير إلى الرابعة مساء..... هدوء بالبيت .....
على طرف الكنبة جلست سارة تقلب صفحات كتابها و ترتشف ببطء كأس شاي أعدته بعد أن أتمت ما عليها من شغل البيت و أشغلت التلفاز علها تجد شيئا تشاهده ثم أقفلته
إنتشلها صوت المفتاح يدور بالباب من هدوءها ......
أخوها أحمد إيه إلي جابه بدري ......
سارة إنتي وين ؟
ايوة انا بالبيت انت جيت من الشغل
لا لسه شوية أمال مين إلي واقف قدامك إيه السؤال الغبي ده ؟
طيب متعصبش احظرلك الغدا اصل ماما راحت السوق تشتري شويه حجات...
أه بسرعة أنا ميت من الجوع و تعالي عاوزك بموضوع.....
خليني احظرلك الغدا الاول ...موضوع ايه خير ان شاء الله
جابت سارة غذاء أخوها و قعدت قدامه تقشرله برتقاله
بتسأله موضوع يا خويا
إستني لما أخلص الله خلي اللقمة تنزل عدل
ماشي هو أنا قلت حاجة بالهنا يا خويا
قامت سارة و جلست بمكانها على الكنبة و بتسأل موضوع إيه ده إلي عاوزني فيه يا رب يكون لقالي شغل بشركتهم ......
بتقري إيه أكيد قصة رومنسية
المهم سارة حبيبتي عارفة إنك صرتي عروسة و ما شاء الله إتخرجتي و مش ناقصك غير حاجة وحده تتجوزي و نفرح بيكي
جواز ايه يا احمد انا لسة متخرجة الشهر الي فات و نفسي أشتغل لسه بدري يا خويا ...
علشان إتخرجتي بقه فاضلك إيه بعد كده غير تتجوزي كل بنت أخرتها بيت جوزها
ومين يا سيدي عريس الهنا الي امه دعيا عليه وعاوز يتجوزني؟
دعيا عليه ؟؟ بلاش هزار أنا بكلمك جد و متعصبنيش
ده بقه يا أختي العزيزة عريس بتحلم بيه كل بنت ميترفضش
عارفة يا بت نفسي أفرح بيكي و تكوني في العلالي فيلا و سيارة و حساب بالبنك و زوجة رجل أعمال حاجات أبهة
شايفة ظروفنا منفسكيش تتغير ؟
الحمد لله على كل شيئ
كل حاجة تتعدل
بس لما تجينا النعمة نرفضهاش
و مين العريس اللقطة ده إلي عاوز حتت بنت زي ؟
العريس بقه خالد....
خالد مين???
مدير شركتنا
ايه ايه ايه
فاكرة يوم جيتي لعندي للشركة يومها شافك
قول تاني مسمعتش انت بتقول ايه يا احمد
ده فضل يسألني عنك نص ساعة
دا اكبر من والدي
يا بنتي أنا بقلك الأستاذ خالد مش الحج محمد
ده عنده 40 سنة بس
لا يمكن اقبل بيه
ليه ياختي مالوا الأستاذ أحمد الراجل ميتعيبش يا بت
بس انا لسى عمري 20 سنه اتجوز واحد اكبر من ابوية
بقلك عنده 40 سنه بس مش 80
دا متجوز قبل كده و عنده أولاد قدي
لأ طلقها مراته و كمان ما إنتي تعرفيه في عز شبابه و لا شاب في 25 سنة
راجل واعي و رزين و أهم شئ عنده فلوس
الراجل ميعيبوش إلا جيبه و ده جيبه مليان
لا يا احمد مش عاوزاه
مش عاوزة اتجوز خالص
عاوزة اكمل الجامعه واتوضف
اللهم طولك ياروح إيه إلي مش حتزوج خالص دي و جامعة و شغل دي
مش خلصنا من الحكاية دي مش قلتلك مش عاوزك تشتغلي ؟
هو الجواز بالعافية
يا بنتي إفهمي بعد الجواز لا في لا شغل و لا أي قلق من ده
حتعيشي هانم فوق فووق
انا مش عازة اكون فوق
انا كده راضية بالنعمة
كله من نعم ربنا بس لما تجينا زيادة منرفضهاش
بصي حواليكي و شوفي الناس عايشة إزاي بتركب إه و بتلبس إيه
هي عيشتنا دي تسميها عيشة إحنى مدفونين في الحارة دي
مقدرش اتخيل اني اكون زوجة للشخص ده تغور كل فلوسه
مش فاهم بتفكري إزاي يا بت البنات بتحلم تتجوز الأستاذ خالد و أختي رافضة
دا بليد خالص
إيه ياختي ماله ؟؟
بطلي هبل أحسنلك الراجل ميتعيبش و الأستاذ خالد بالذات
قول انك عاوز تجوزني للراجل ده عشان تترقى في منصبك بالشغل
و ماله ده مش عيب
عاوز ترميني رميه الكلاب
واحد بيحب الخير لأخته و عاوز يجوزها مديره راجل بأتم معنى الكلمة مال و جاه يبقى بيرميها رمية الكلاب
إسمعوا الغباء ده يا ناس أنا عارف راسك مليانه بإيه
بشوية كلام مسلسلات و القصص الرومنسية إلي مليت دماغك
إسمعي أنا مش عاوز غبائك ده يضيع من إيديكي الهنا إلي و لا تستحقيه و لا شئ إنتي آخرك قوضة فوق السطوح مع الزفت إلي بمسي و يصبح عليكي و تأكلوا حب و تتعشوا زفت و تعمليلي أنا صداع
إسمعي أنا اليوم مطول بالي عليكي أديني قلتلك قبل محد يعرف
و حديكي يومين تفكري و تقوليلي علشان أرد على الراجل و لما تيجي ماما حقلها ممكن تعدل دماغك المركبه شمال دي
......................................
الحلقة الثانية
بعد ما خرج أخوها قعدتت سارة مش مصدقة إلي حصل
إتملت عينيها دموع و هي بتقول منين طلعلي خالد ده
و الواد الغلبان إلي بتحبه ......
كل حيلها إستنفدتها مع إلي قبل و حجت الدراسة و خلست
ده بقه صعب تطفشه و خاصة إنه أخوها مصمم المرة دي
دي لو رفضت أخوها حيترفد من شغله .....
إه المصيبة دي .......
رجعت مامتها و لقتها قعدة على الكنبة عينيها حمرة و مسهمة
حكت سارة لأمها إلي حصل ......
كأنه أمها عجبها العريس و العرض المغري ....
طبعا محدش يرفض عريس زي ده ....
قامت سارة و دخلت غرفتها و قفلتها عليها بكيت .لغاية ما تعبت و نامت ...
صوت طرق على الباب ....الدنيا ظلمت.. هي نامت قد إيه
ده أخوها بينادي .... ربنا يستر شكله اليوم مش حيعدي على خير ..
فتحت سارة باب غرفتها .....
نايمة ؟؟؟ نوم الهنا ...إغسلي وشك تعالي نحكي. ...
فكرتي بالموضوع
أخوها بيقول يحكي معها بهدوء و يحاول يقنعها ....
أي موضوع
يا سلام نسيتي مواضيعك كثيرة و لا إيه ..موضوع العريس
مفكرتش و مش حفكر أنا قلتلك مش حتزوجه
ربنا قال تزوجوا فقراء يغنيكم الله و أنا مش عاوزة الفلوس
امال عايزة تعيشى مع واحد شحات
ربنا يرزقنا من عنده
محدش بيموت من الجوع و بعدين فارق السن كبير
فرق السن مش مشكله
بالنسبالي مشكلة إنت ترضى تتجوز وحدة أكبر منك
لرسول صلى الله علية وسلم اتجوز السيدة عائشه وكانت اكبر منه فى السن
واتجوز السيدة خديجه وكان أصغر منها
أنا عارفه ده بس كان في تفاهم
ده إنسان أنا معرفوش
هتعرفيه لما تتجوزيه
وبلاش حجج فارغه
أنا مش بطيقوا هو حطني في دماغه إمتى ما البلد مليانة بنات
وانا كمان عايز اتجوز مش هفضل طول عمرى مستنى لحد ما حضرتك تتجوزى وبصراحه انا عايز ابداء حياتى
وعايز أفوق لنفسى شويه
ومش هفضل طول عمرى اصرف عليكى الحمل تقيل عليا
متبتدي أنا مسكاك
و بعدين إنت عارف مين عاوزة أتجوز
و أنا بكرة ألاقي شغل و أساعدك
بلاش يا خويا تجبرني على شئ أنا مش عاوزاه
لا ياستى مش عايز شغلك اللى هيفتح علينا باب مش هنعرف نسدة
ولا عايز حاجه انا عايز اطمن عليكى وعلى مستقبلك مع راجل متريش ومحترم
عندة شركه ومستقبل مضممون
مش لسه عايز تبدائى مع واحد مش قادر ياكل نفسه
دة اهله لسه بيصرفوا عليه
ياكلك منين ولا يشربك منين دة
بكرة يشتغل هو لسه متخرج زي
اه موت يا حمار
امتى دة بعد خمسين سنه
لما يفتحها ربنا إن شاء الله بعد30 سنة
بصى انا جبت اخرى معاكى
وهتجوزيه غصب عنك
باردتك او غصب
وانتى حرة دة اللى عندى وياريت تحطى فى بالك انه على رقبتى جوزتك من البتاع دة اللى انتى فرحانه بيه تتم
مفيش جواز بالغصب و بعدين ماما رافضة
و بكرة يجي خالي و أشكيله
محدش له دعوة انا صاحب البيت وصاحب الكلمه الاولى والاخيرة فى البيت
فاهمه ولالا
لا مش فاهمة
طرااااااااااااااااخ و يديها أخوها ألم
بتضربني يا أحمد
كل ده علشان الفلوس علشان واحد ميستهلش
اه اضربك واكسر رقبتك طالما مش عارفه مصحلتك فين
ده واحد مطلق و سكير و إنت عارفة كل مرة تيجي تشتكي من عمايله
كل الرجاله كدة قبل الجواز وبعد الجواز بيعقلوا بس الظاهر انتى اللى مش عايزة تعقلى
عدين انا صدعت من كتر كلامك
واخر كلام عندى تنسى ابن الجيران اللى انتى فرحانه بيه دة
وهتجوزى اللى هقولك عليه
والا هتشوفى ايام مكنتيش تتوقعى انك تشوفيها
فى اسوء كوابيسك
قبل ما اخرج من الاوضه دى
حطى فى دماغك
انك هتجوزيه
هتجوزيه
ودة الطريق الوحيد اللى قدامك غيرك كدة لا
فاهمه ولالا
انا معنديش بنات تقول بحب ومش بحب
هنه سارة فضلت تبكي .....
كل ده علشان مصلحتك
إنت مش عاوز مصلحتي إنت عاوز المنصب
عمرك ما فكرت فية و لا في مشاعري
هشششششش إخرصي ومش عايز كتر كلام لا يودى ولا يجيب
لو جبتو البيت أنا حهج منه
إحنى لسه فى التخاريف دي و زواج الغصب و الطمع ده
يا خسارة ثقافتك و دراستك
الناس بتتقدم و إحنى لسه ورى
آخر شئ توقعته منك إنك تغصبني على حاجة و خاصة الزواج
كلام كتير مش عايز وعشان تبقى عارفه هتجوزى وده اخر كلام عندى انا خارج دلوقتى وهرجع بليل وعايز اسمع منك موافقه غير كدة هيبقى لى تصرف تانى مكنتيش تحلمى بيه فى يوم من الايام فاهمه
الباب اتقفل ..................................
وهكذا كانت نهاية الحكاية ..
رفضت ساره الزواج من خالد مدير الشركة الي بيشتغل فيها اخوها ..
ورفض اخوها زواجها من ابن الجيران الذي تربت معه منذ نعومة اظافرها وتربطها به علاقة الحب
م0ن
01-20-2009, 09:04 AM
انانية ادم وطلب التضحية من حواء
