يوم فى حياتك .. أدخل وشارك معانا

[أبو عبد الرحمن]

ياظلمنى انا صحيت صليت الفجر حاضر وبعدين نمت كسلانة زيك
ارجع شوف كلامى
تنتقى الكلام اللى على مزاجك
ههههههههههههههههههه


لا والله ... فهمتينى غلط


أنا بفكرك بالمشاركة بتاعة ( عاوز ترخم على زوجتك )
تصحى الصبح ترمى حاجه تعمل صوت عالى تصحيها هيه كمان

ههههههههههههههههههههههههه ههههههههههههههه


ربنا يحفظك ويحميكى

هنروح فين جنبك يا أستاذة


تقبلى تحياتى

[أبو عبد الرحمن]

معكم أيها الأحبة
نكمل هذا اليوم الجميل


فبعد انتهاء الدوام فى تمام الساعة الثالثة والنصف ومع أذان العصر


خرجت من الدوام متوجها إلى المسجد

وبعد الصلاة رجعت إلى المنزل


لأجد أم عبد الرحمن تنشر الملابس بعد أن قامت بغسلها

طبعا ساعدتها فى تحضير الغدا يا بو حميد

إنت عارف ظروف الحادث ربنا يعينها

وأكلنا وحمدنا الله تعالى

ثم جلست بعض الوقت مع عبد الرحمن أداعبه وألاعبه



وتابعت بعض الوقت من مباراة الأهلى



وقام الأخ الحبيب أحمد المصرى بالإتصال على

يطمئن علينا جزاه الله خيرا ( سباق إلى الخير دائما )

فتناولت معه الحديث عن بعض المشاركات فى المنتدى وأثنى على ردى فى هذا الموضوع
( يوم فى حياة عضو ) لكنه أخبرنى بفتوى بخصوص موضوع ( تريد أن تنصر نبيك تفضل بالدخول )

بخصوص الصلاة والسلام على الحبيب فى المنتديات

وقال أن هناك فتاوى تقول إنها من المحدثات والبدع فى الدين

فقلت له إن كنت قرأت فتوى صريحة فى الموضوع من أحد علمائنا الربانيين

فاحذف الموضوع فورا دون الرجوع إلى

فقال أريدك أن تقرأ أنت الفتاوى بنفسك


فقرأت الفتاوى التى أرسلها لى ... لكنى وجدتها تتحدث عن الذكر الجماعى فى دبر الصلوات وهذا معلوم بدعيته

لذلك أخبرته بأن الموضوع مختلف ... لكنه أصر على أن هناك فتاوى تخص موضوعنا

فطلبت منه إحضارها والتحرى منها والتثبت من مصدرها فتواعدنا على البحث فى الموضوع

والتثبت من هذا الكلام

وأنتهز هذه الفرصة وأريد منكم أحبتى أن تشاركونا البحث فى هذا الموضوع


وأثناء الحديث مع المصرى أذن لصلاة المغرب

فقمنا للصلاة




لكنى نسيت أن أقول أذكار المساء وما أنسانيه إلا الشيطان أن أذكره
لأن الغدا كان تقيل بصراحة بط مصرى ( أقصد سودانى ) هههههههههه



وأكملنا الحديث بعد المغرب .... وعندها طلب منى طلب

هتعرفوه إن شاء الله فى آخر السهرة لأنه سر

أقول يا مصرى ؟؟

ههههههههههههههههههه

لا بلاش .... بعدين تعرفوا المؤامرة


المهم شاركت كام مشاركة فى المنتدى

ثم استقبلت اتصالا من أحد الزملاء فى العمل يستفسر عن بعض الأمور الخاصة بالعمل

ثم حفظت الجزء الذى سوف أقوم بتسميعه للشيخ فى الغد بمشيئة الله فى دار القرآن


حتى صلاة العشاء .... فصليت العشاء


وبعدها اتصلت بأختى للإطمئنان عليها

وبعدها ساعدت أم عبد الرحمن فى تشطيف عبد الرحمن

ونام والحمد لله


فشرعت فى كتابة هذه المشاركة التى هى بين أيديكم الآن



أرجوا أن تكونوا سعدتم بلقائى فى هذا اليوم

فلقد سعدت بلقائكم


تقبلوا خالص التحايا


أبو عبد الرحمن

بعد إذن الأخت سلوى
وحسب ما قرأت فى بداية الموضوع
اسمحوا لى أن أرشح الأخت الفاضلة سلسبيلا

[ساجده]

انا دخلت الموضوع متأخر جدا وزعلت والله لانه حلو جدا

تسلمى سلوى على اختياراتك اللى كالعادة جمييلة جدا


ايامكم جميلة ربى يسعد كل ايامكم

ارد بس على جزئية الفتوى انا بحثت كتيير جدا وسألت كتيير

لقيت انه فى اختلاف ولكن اغلب العلماء رجحوا انه الذكر الجماعى بدعة

وشخصيا احب اتبع حديث رسول الله دع مايريبك اللى مالا يريبك

وناخد بوصية دكتور هانى حلمى بدل مانعمل موضوع ممكن نذكر بعض

يعنى نسأل من منكم استغفر اليوم وهكذا

وممكن اجيبلك الروابط اللى بقول الكلام ده والله ورسوله اعلم

[لمسة دفء]

أخى الكريم أبوعبد الرحمن

تسلم على المشاركة المميزة

يوم رائع حقا

أسعد الله أيامك ووفقك الى كل خير

وننتظر يوم من حياة أختنا الغالية سلسبيلا

[ام معاذ]

السلام عليكم ورحمة الله

اخوانى و أخواتى

قرأت ايامكم العطره بذكر الرحمن

فوجدت بها السلوا والانس

المحبه فى الله فبارك الله لكم جميعا

احمدالمصرى بارك الله فيك وفى سمكتك


نور نور على نور اسعدتنى بأطروحاتك واليوم

الخاص بك بارك الله فيك

ابوعبدالرحمن بارك الله لك فى ابنك وزوجتك

شفاها الله وبارك لكم فى مارزقكم


دمتم جميعا بخير

وفى انتظار يوم سلسبيلا

[ساجده]

السلاام عليكم

يبدأ اليوم بالصلاة وبعدين اقعد اقرا الاذكار وكالعادة مااعرفش ارجع انام تانى افضل اتحايل على النوم يجى

تيجى الساعة 7 ونص قومت صليت تانى ولبست علشان انزل شغلى

وعطيت ماما علاجها ربى يشفيها يارب قولوا امين وصحيت بابا هو كمان ياخد علاجه ربى يشفيه

ونزلت شغلى وقابلت هناك دينا ماشوفتهاش من 4 سنين وقعدت ترغى ساعة معايا

وبعدين قعدت اشتغل حبة واضطريت ارجع البيت تانى واسيب حد مكانى علشان معاد علاج ماما

وجيت رتبت البيت وطبخت بسلة ههههههههههه وأكل مخصوص للناس التعبانة

وعمتى جات اتغدت معاهم واللى يضحك بقى انها جات تعبت هنا هى كمان

واتقلب بيتنا مستشفى وانا الف على كل واحد بالعلاج والعصير واتصالات بقى بالدكتور كتييرة كده

المهم رجعت تانى الشغل اشوف ايه الاحوال وجيت البيت تانى وجم اخواتى وولادهم

وكالعادة شقاوة ودوشة ولعب وتكسير وعصير وانا ازعق

وبعدين مشوا وقعدت اشيل الانقاض اللى سابوها القرود

وبعد كده اتصلت بمرمر اطمن عليها وبعدها المكالمة اليومية لهمس الليل هانم

وبعدين دخلت صدفة اشارك

وحاليا هاموت من التعب وعاوزة اقوم انام بس فاضل شوية وقت على علاج ماما

وبس

تسلمى سلوى على موضوعك

اسعدك ربى

[لمسة دفء]

سلسبيلا

يوم حافل بالأعمال

أعانك الله وحفظ لك والديك
الله يشفيهم ويبارك لك فيهم
اللهم آمين

تسلمى على روعة مشاركتك

أسعدك ربى دوماً

وننتظر يوم بحياة الأخ الكريم
جابر المجبرى

[نور]

ابو عبد الرحمن
بارك الله لكم وفى اسرتكم الكريمة
ونوم هنئ لعبد الرحمن
يوم كريم وطيب قضينه معاك اخى
سلسبيلا
بارك الله فى والديك وشفاءهم وعفاءهم من كل سوء
اللهم امين هم وكل امهات واباء المسلمين
جعل ايامك خير وطاعة لهم وبرا بهم
ننتظر يوم جديد للاعضاء الحلوين
سلمت سلوى
اسعدك رب العالمين

[أحمد اسماعيل]

سلسبيلااا .. مشرفتنا المميزة

يومك صعب .. الله يعينك

الله يشفى الوالد والوالدة وكل مريض يااااااااارب

يحفظهم ويخليهم ليكى ياااااااااارب

يوم كله كفاح ومثابرة وصبر على صراعات الحياة

أسعدك الله بكل وقت

دعواتى لكى بالصحة والعافية

[أبو عبد الرحمن]

سلسبيلا

بارك الله لك فى وقتك وأسعد أيامك

وأسأل الله العظيم رب العرش العظيم أن يشفى والدك ووالدتك

اللهم أذهب عنهم البأس رب الناس واشفهم أنت الشافى لا شفاء إلا شفاؤك

شفاء لا يغادر سقما


أعانك المولى أخيتى .... قلوبنا معك

وفقك الله لما يحبه ويرضاه


كل الشكر للأخوة الأعضاء المشاركين فى هذا الموضوع الجميل


دمتم بخير


فى انتظار المتألقة
marmer