حبيبة مهندس الكمبيوتر .... بترد عليه بقصيدة زراعية

[أبو عبد الرحمن]

نور طرحت قصيدة لمهندس الكمبيوتر
اللى معموله سكان

ألفت هذه الكلمات ردا عليه
على لسان حبيبته مهندسة زراعية



بتقوله :




يا زارع حبك في قلبي



خالع منه الآهات




قربك خلا التقاوى



تكبر وتصير نبات




وشكارة الكيماوى


اللوريا والنترات


من كتر حبك ليّه


اتحولوا لفوسفات






من حبك الحشايش


طلعت فى المشايات




والقلب لسه عايش


فى ظل التكعيبات





ياكل عنب بناتى


ويحكى فى حكايات




طيفك مر فخيالى ... طلعت نخل عالى



السوسة وقفتنى ... قال إيه المال دا مالى






من بعدك مين يا غالى


هيزرع القيراط





وعشان أشوفك تاني
همنع رش النبات




واتغدى لحمة ضانى
وافطر بالرشاشات




من شدة الفراق
سقطت كل الصوبات


والفاس وقعت فى راسى
جابتلى توربينات





قلمت فرع قلبي
خليته طق مات




حتي التكعيبة ضاعت


ياخسارة على اللى فات




وحياتي معاك مصيرها

مربى ومحفوظات



ياللى حبك جرحنى
بمقص التقليمات


ارحمنى حل عنى
وكفاية هرمونات



(المرسل)



(عاشق متهرمن
شبعان مبيدات)

[ام معاذ]

هههههههههههه

يسلمو اخى


بس اخاف باكر


اخاف بكره اولادهم يملو المنتدى شعر

خصوصا لوعندهم 10 ولاد

ياااااااااااااااه

ونغير من منتدى صدفه لمنتدى

شعراء المهن

يسلمو

بارك الله فيك

[أبو عبد الرحمن]

تسلمى أم معاذ

متقلقيش

صدفة واسع

كل واحد منهم ياخد حتة أرض

يفعل فيها ما يريد

هههههههههههههههههه

والأرض برضه هتفيض

بركة الحاجة نور وأم معاذ

[نور]

ابوعبد الرحمن
شعر اشهر واحلى من شعر مهندس الكمبيوتر
ماتعرفش شعر للمحاسبين
ههههههههههههههه
البركة فيكم اخى والله
انتم نور صدفة اللى يشع خير وبركة فيها
اضحك الله سنك
دمت بكل الخير

[أحمد اسماعيل]

هههههههههههههههههههههه

ابو عبد الرحمن


تسلم على الطرح الجميل


الله يسعد ايامك يارب

عاوزين مهن اخرى هههههههههههه


دعواتى لك بالصحة والعافية

[أبو عبد الرحمن]

نور .... تسلمى على المرور الجميل
والتعليق الأجمل .... إن شاء الله نقول كلمتين عن المحاسبين
بس خلينى أراجع دفتر الأستاذ وأعملها ميزانية عمومية
وأجيب سند قبض عشان يصرفولنا شيك بالتكلفة الإجمالية
ههههههههههههههههههههههههه هههه

أحمد المصرى
أسعدنى مرورك
حاضرين يا مدير

انتظر المحاسبين
ومهن أخرى قريبا وحصريا
على شاشة صدفة


أشكر مروركم الطيب
دمتم بخير

[أبو عبد الرحمن]

طبعا بعد اللى حصل فركش الخطوبة

وراح خطب واحدة محاسبة

ولما زارهم فى البيت

وكان على قد حاله

قالت له :




جمعت قلبك و قلبي

فى دفتر اليومية




طلع الناتج يساوى

قلبين وكسور غبية


والآلة الحاسبة باظت

من قلة حبنا


وفرحت لما فازت


بالبعد عننا



من حبك الشيكات

بتعاكس البنات


والبنك من سكات

بيتاجر فى المغات


وكمان بيبيع سجاير

ولب وسيارات


ودفتر الأستاذ

منه ... له .. تعبنى

إيرادات ومصروفات

قوم حل عنى سيبنى

قابلنى ع الميزانية
وهات معاك فاتورة


وسيبنا من الدفاتر

هنلعب متش كورة


واتغدى موزانية
وافطر بسين وصاد

أرباحك تبقى ميه

وتكسب البلاد

حسبت جرح قلبي
وضربت فيه 2

جردت جرد سنوى
لقيتنا معجزين

أرباحنا الحلوة طارت
أصبحنا مفلسين


وحياتي معاك مصيرها

لله يا محسنين


ارحمنى حل عنى
وكفاية انك مدين



(المرسل)



(عاشق مدين
لله يا محسنين)

[نور]

ههههههههههههههههههه
ياربى انا اعمل كده
ده احنا محاسبين غلابة
ههههههههههه
همنا القرشنات الحلوة بس
وتبقى الجيوب عامرنة
ياكده يايروح العريس سكة الندامة
هههههههههههههههههه
بحاول اهو اشعر
بس لخبطت الدنيا
رب يخليك لنا باشعارك الحلوة دى
بجد روووووووووعة
تسلم لنا ابوعبد الرحمن
يارب لانجيلك فى ميزانية
ودوم الجيوب عمرانة
هههههههههههه

[أبو عبد الرحمن]

ههههههههههههههههههههههههه هههههه

تسلمى نور

على روعة المرور

طبعا ... أهم حاجه عندكم الفلوس
ههههههههههههههه

إنما الدين والأخلاق فى السبنسة

واحتمال يكونوا واخدين القطر اللى بعده

هههههههههههههههههههههههه


تسلمى أخيتى

حفظك الله من كل سوء
ورزقك زوجا اسمه ( ..... )

اختارى انت

ههههههههههههههه

[ام معاذ]

السلام عليكم ورحمة الله وبركاته


اخى رووووووووووووووووووووعه

بارك الله فيك

المفروض الادارة تعمل لك منتدى مخصوص بس لك

وتسميه خواطر ابو عبدالرحمن فى المهن


ههههههههههههههههه


على فكرة انا خريجة تجارة جامعة اسكندرية بس كنت انتساب

ويا ترى صاحبنا بعد كده خطب مين انشالله تكون بنت جزار علشان ربنا

يوفقه ونخلص

ههههه

دمت بخير