مصرى قتل اخوة المصرى الى شهداء بور سعيد

[سيدة الشتاء]

مش غريبة انى م الزمالك او انى من الاهلى

الغريبة ان الى قتلونى دول اهــــــــــــــلى

اخاف ازاى وجنبى اخويا ابن بــــــــــــلدى

وقفت امى ازاى هتعــــــــــــــيش بعـــــــدى


ضحكت ضحكة عجب دى الكورة دى من عهدى

واستحالة هتخونى يامصرى

واستحالة اخون اخويا ودا اصلى

لاكن من فوق ع الارض رمتونى

وعذبتوا فيا وخلعتونى هدومى

دا الكورة ياغالب يامغلوب

مش قتل ونهب وشرقة جيوب

مصعبتش عليك ازاى يسيل دمى

دانا كنت رايح افوق يمكن يزول همى

استحالة تكون شربت م النيل ويايا

واستحالة تكون صلت العيد معايا

وان السما الى فوقك دى سمايا

رجعت حكاية قابيل وهابيل


اهو كدا رخص دمى وعلى ايد اخويا بدأ يسيل

اهلى ولا مصرى كلنا شربنا من مية نيل

بس الى حصل مشوفتش لية مثيل

واستحالة تكون انت مصرى

استحالة تكون من اصلى

ونفس المنهج درستة كأنك فى فصلى

بئا المشهد قدام العالم حصرى

شوفوا مصرى بيقتل اخوة المصرى

بس استحالة انت مصرى



الى كل شهداء بور سعيد

لا املك لكم سوا الكلمات والحروف تلك التى ترتجف من الخوف

احسبكم عند الله من الشهداء
marwa

[طارق سرور]

يااااااااه اختى مروة

فتحتى الجرح لينزف قلبى

الموضوع ليس موضوع كورة

الموضوع يخص الناس إللى بيكرهونا

فائق شكرى وتقديرى اختى مروة

[سيدة الشتاء]

الشكر والتقدير لك اخى الكريم نورا يعتلى محياك اخى ...

اعلم انة ليس لة علاقة بالكورة ولاكن شملت الموضوع فى كلمتين لاتفى ابدا بالغرض لاكنى حاولت

[نور]

هى محاولة حقا ابهرتنى
لاننا وقفنا بكل الدهشة نستغرب الحدث
لكنه واقع مر احدث فى القلب جرح
وجعلنا فى حيرة من الامر
لكن حقا ليس الامر كورة
هى مؤامرة على مصر وشعبها وشبابها
استغلوا الحب للكرة والتشجيع المتعصب
لكى يحدثوا مجزرة من ماجورين قتلة
راح ضحيتها زهور يانعة لاتعرف بأى ذنب قتلت
سلمت مروة
ننتظرك وكل بوحك الصادق العفوى الجميل
مع الاستدلال بحرص وتشجيع اديبا الغالى
جلال
صاحب روائع الكلم والذى يشجعك بكل قوة لتكونى مبدعة بكل حرف
له منا جزيل الشكر
ولك منى باقات من الود متصل
دمت جميلة بكل حضورك الراقى وحرفك المعبر عنا وعن مشاعرنا
كونى بخير دوما

[أحمد اسماعيل]

حالة ما يعلم بها الا الله


شىء محزن ويوجع القلب

حفظك الله على الطرح المؤثر

[سيدة الشتاء]

ياجماعة دول ناس اصطادت فى المية العكرة زاى مبيقولوا صحيح كان بور سعيد مستحلفة للاهلى او حاجة زاى كدا لاكن الناس الى قتلوا دول قالو بالمرة نقتل ويبئا هما الى عملوا كدا المصرى يستحلف يعملة مقلب يضرب حتى فى اخوة لاكن يدبحة يقتلة استحالة والله استحالة دى موأمرة مترتب لها من فترة ولحمو الباب ومحدش مهم حضر الماتش زاى كل مرة مش بقولكم مؤامرة

متشكرة جدا لكل فرد اتجاوب ورد على موضوعى ان دل على شىء يدل على انكم اصحاب ذوق ونخوة وشهامة

[ضوء خافت]

موضوع مؤلم بقدر ما اهدرت فيه من دماء
برافو مروة على انفعال حرفك
ولكن ارجو مراجعة النص ودققي الاملاء
كلنا مهموم مما حدث
المؤامرة واضحة ومعروفة
ولكن عاملين نفسنا من شايفين
من فتنة طائفية واحداث شغب متعمدة واخيرا يدفع ثمنها ارواح زهور من ارض مصر
حساكي يا بلدي بردانة
بتنادي ..
يا ولادي ...
غطوني دفوني ....
خلوا اديكم واحدة
تمسح دموع ارضي
دا انا مصر الولادة
وحبلى في اخواتكم الجايين
حافظوا على عرضي
دا الشرف في النيل بيجري
يروي سنين عمري
متخيلش عليكم اللعبة
عارفة المحنة صعبة
لكن من الم مخاض الليل
بيجي الفجر
وتطلع شمس تصحي السما
انتم ولادي
سنتي وفرضي
عذرا لبعض حروف سقطت من مرارة الدمع

[توتى العمدة]

كلمات في غاية الجمال أسجل إعجابي بتلك
المشاعر الكبيرةوقلمك الجميل وبنورشمسك
الرائعة
تقبل اصدق مشاعري أمام روعة بوحك
لك مني تحية اصفي من ألزلالي وأضفى
من سابغ الظِّلال لروحك الطاهره