يوم ما جيت للدنيا يا أمه
ضمتيني في صدرك ضمه
شبعت ساعتها وحسيت بأمان
وعرفت يا أمه معني الحنان
وسمعت لهفة قلبك عليا في كل دقة
وكبرت يا أمه وشبيت حبه
شفت في عنيكي خوفك عليا
لما بخطي بقدمي حبه
تجري تضمي وتمسكي إيديا
وعرفت أنادي عليكي يا أمه
وأنتي بسرعة بتلبي ندايا
وكبرت أكتر وقدرت أفهم
خوفك عليا لما بغيب
قلقكـ ليالي بتخافي لأتعب
وسهرك معايا في الإمتحان
فرحة عنيكي يوم ما بنجح
ودعاكي ليا بإبن الحلال
وكبرت أكتر وكبرتي عندي
وصلت غلاوتكـ مداها يا أمه
أنتي حياتي ويفديكي عمري
وفي يوم زفافي شفت الفرح بعنيكي
ودموعي نزلت لما بكيتي
جه إبني يا أمه ما بين إيديكي
من تاني يا أمه بتديني حياه
نجا إبني يا أمه من فضل دعاكي
إشتد تعبكـ وزادت آلامكــ
وبرده يا أمه كنـّا في بالكـ
تعبت جدااا من بعدكـ يا غالية
كان نفسي بنتي تشوف عنيكي
وتحس زيي بعطفك وحنانك
وتكبر يا أمي ما بين إيديكي
بكيت بحرقة ولسة راح أبكي
من يوم فراقكـ فارقتني شمسي
الفرح في بعدك غابت ملامحه
الحزن بعدكـ صعيب لو حتي هيّن
يوم ما جيت للدنيا يا أمه
ضمتيني في صدركـ ضمه
تقبلوا فائق تحياتي ونبض آهااااتي
نبض القلم