نبيلة غنيم فى رحلة مع المدونين

[أحمد اسماعيل]

السلام عليكم


وانا اطمئن على ظهور مواضيعنا فى جوجل ومحركات البحث لفت نظرى هذا الموضوع

وليه لفت نظرى .. لان فيه حد يخصنا وغالى علينا .. الرائعة نبيلة غنيم

الاديبة المميزة والشخصية الطيبة وصاحبة القلم المميز

اولاً أشكر الاخت صاحبة المدونة لنشرها هذا الموضوع

أستخلصت منه شىء مهم جدا ًبالنسة لى

ان الاصدفاء عملة نادرة يجب المحافظة عليها

ان تعاملنا هنا يجب ان يكون على طبيعتنا وبكل تلقائية

ربما جمعتنا الايام مثلهم يومأً ما ... نتقارب ولا نتنافر

واود ان أقول .. النت كما فيه السىء .. فيها شخصيات رائعة نراها هنا

قلوب نقية تجمعت وتحابت فى الله وتآلفت .. وتقابلت

وارد جداً أن نتقابل .. لذلك أجعلوا المحبة عنوانكم دائماً

ونبداء مع المضووع المنقول عن الاخت المعتزة بدينها





وحشتونى وياريت تسامحونى

غبت عنكم وعدت بيكم
بجد أنا كنت غلطانة لما عزلت نفسى عن كل الدنيا
أهملت كل شىء جميل فى حياتى فجآة لأنى إعتقدت إنى عايشة لوحدى
لكن الحقيقة أنا لى أصدقاء كتير وناس بحبهم وبيحبونى قوى
ده اللى حسيته لما إلتقيت بيهم فى إسكندرية
وحكيت لهم عن تجربة مؤلمة مظلمة بسبب الحالة النفسية القاسية جدآ اللى مريت بيها بسلام بفضل الله وحمده
نرجع للقائنا الجميل
الموضوع مش موضوع لقاء للمدونين وبس ، الموضوع أكبر من كدة بكتير
هما كانوا محضرين لهذا اللقاء وعملوا كل حاجة علشان يتقابلوا كالعادة زى أى لقاء قبل كدة وحضروا جدول أعمال واللى إنتوا عارفينه
لكن أنا بصراحة مكنتش ناوية أحضر اللقاء دة رغم إنه فى مدينتى الإسكندرية الجميلة
ومكان اللقاء قريب جدآ من بيتى يعنى 5 دقائق بالسيارة
وبالفعل كلمت عادل نجم ونبيلة غنيم و محمد حسن و النعمانىوقلتلهم يا جماعة مش ناوية أحضر لأن عندى إكتئاب شديد ومش عاوزة يكون دمى تقيل
على فكرة النعمانىمقاليش إنه مش موجود معاهم لآخر لحظة لما قررت أقابلهم
وفعلآ نزلت من بيتى بعد تهديد ووعيد من نجم النجوم أبو النجوم
قالى هاجيب الناس ونقفلك على باب البيت وإبقى ورينى مش هاتنزلى إزاى
الحقيقة أنا كنت فعلآ مكتئبة وعازلة نفسى عن الناس حتى نجم سألنى ( هو إنتى لسه مش بتشوفى ) ومش عاوزة تقولي ، إحنا عاوزين نطمن عليك يا إيمان بجد
كلنا جنبك وبنحبك وبلاش تعزلى نفسك عننا
كلامةوكلام بلبلةوكلام العمدةمعايا كان له آثر كبير فى نفسى
حسيت بحب الناس دى فعلآ وإن الموضوع مش مدونات بنتقابل فيها وخلاص
أنا كمان لقيت إتصال إشتياق من فلسطين بتطمن علي أحوالى ورسالة منى أسعد من الأردن وإتصال حامل المسك من سوريا اللى بجد وحشنى كلامة كتير وإتصال توفيقمن الجزائر وإتصال إبراهيم من المغرب وإتصال حسن نعيم من قطر دة غير إتصالات الناس اللى فى مصر
كريم الشيخ اللى أسعدنى جدآ كلامة ومشاعره الجميلة والعمدةاللى كان بيكلمنى تقريبآ كل يوم و علاء الغندور وجيناوفطوموالعبقــرى مادز وهيروونبيلة غنيم و محمد حسنو صديقتى الجديدة شيرين عماد وأيمن أدماللى أسعدتنى جدآ زيارته وكمان زيارة جميلة من كاتب جميل إسمه عصام الدين عبد الحميد بجد رائع وهايعجبكم جدآ وكمان إتصالات ورسائل أخى الغالى جدآ اللى تعبته وقلقته على أخبارى ( عبد الرحمن فارس ) باشكره جدآ لسؤاله الدائم عنى وأشكره على أخبارةالحلوة إن الدكتور إبراهيم الزعفرانىخرج بالسلامة
أنا مش كتبت كل أسماء الناس اللى كلمتنى لأنها كتير قوى قوى ومحتاجة مقال كامل علشان أشكرهم وأذكر اسمائهم وكل دة غير التعليقات اللى قرأتها كلمة كلمة وحسيت بكل حرف فيها ، بحبكم وباشكركم يا كل حاجة حلوة فى حياتى
وبناء على رغبتم عدت إليكم بهذا المقال وإليكم صور اللقاء بعد ما فتحت عيونى ومارست هوايتى من تانى وصورت صور طبيعية جدآ جدآ بدون مونتاج

شكر خاص جدآ للدكتور أحمد محسن لإهتمامه وإتصالة للسؤال عن حالتى
وبانتهز الفرصة وأقولة حمدآ لله على سلامتك يا دكتور



ودكتور أحمد محسن هو صاحب السبق في الكشف عن ما يعرف بقضية "ضحية الفيوم"، وهو المواطن محمد الدهشوري











الكل فى إنتظار أبو النجوم وهو بياكل علشان نصورة وهو ملحوس على رأى العمدة





بسم الله





إبعدى يا بنت حسان عنى وسيبينى أعرف أكل





ولحقنا الشوكة على آخر لحظة





( منك لله يا إيمان يا بنت أم إيمان ) أدينى لحوست نفسى







أيمن خايف أصوره وهو بياكل

الأستاذ الفاضل سعيد سرور وحصلنا السعادة بلقائة الطيب

دكتور محمد محمود أبو شوشة ونظرة وإبتسامة وحاجات كتيره ياما
آه يا إيمى لو تعرفى ناويلك على إية
ولوليتا الرقيقة تنصت لحوار الكبار








دودو ( عبير ) للأسف أنا جيت متآخرة ومشبعتش من حوارها الهادىء وكلماتها الجميلة والأنسة شيرين العقاد التى أسعدتنى بإتصالاتها الهاتفية ولكن لم يسعنى الحظ أن ألتقى بها





أرق وأطيب وأجمل قلب النبيلة نبيلة غنيم فى حديث هادى للأستاذ سعيد سرور ونجم بدأ يهنج





بيشتغل إزاى البتاع ده ؟







قولولى يا شباب البتاع دة بيصور منين علشان أعرف أخذ بتارى من بنت حسان





أول ما تلاقى إيمان قاعدة صور على طول دى فرصتنا الوحيدة يا أيمن






ولا بيهمنى









فينك يا عمدة





النجم وطبيب الأطفال محمد محمود أبوشوشة





نبيلة غنيم وعلياء شكر
من اليمين محمد حسن والطبيب محمد أبوشوشة وأيمن أدم








إشربى وقولى رأيك يا لوليتا فى الشاى بتاعى





ها ؟





السكر بره





شاى كشرى




النعناع مغسول كويس




أيمن فى إنتظار الشاى




إيمان حسان وشاى إسكندرانى بالنعناع





الطبيب الشاعر وموجه حب





بيتفرجوا على حادث بسيط (عادى)

[أحمد اسماعيل]

إستنوا الموجه لما تيجى علشان أصورها





علياء زهقت
















إبليس فى الكيس ؟ مش باعتلك الصور يا دكتور





بالهنا والشفا كافيتيريا أبو شوشة ترحب بكم
أى مشروب ب 5 جنيه
هههه



""""""""""



وايضاً شاهدتوا جمال الاسكندرية وبحرها


كل التقيدر والاحترام والشكر لكل من ترك بصمة فى هذا الموضوع


دعواتى لهم ولكم بالصحة والعافية

[نور]

رووووووووووووعة
سعادتى بالغة
لاحلى قلب واجمل صور
للغالية علينا
اديبتنا الرائعة
نبيلة غنيم
وصور اسكندرية الجميييييييييييلة
سلمت يداااااااااك
احمد المصرى
قمة المتعة والتجول ومشاعر الالفة والحب
شاهدتها وقرءت الوفاء والود المتبادل
ومشاعر صادقة
هذة الاجمل روحا ومعنى
حين نستشعر الاحبة لمن خفق لهم القلب
وتعلق بهم الوجدان
ولااجمل ولااحلى

[أحمد اسماعيل]

نوووور




رائع مرورك



وفقك الله ويسر امورك

دعواتى لك بالصحة والعافية

[marmer]

فكرتنى

بايام رحلتنا الجميلة

بجد كانت ايام كلها تجنن

الضحك من القلب واحلى مواقف كوميدية

تسلم احمد

وتسلمى نبيلة على رحلتك الممتعة

مع اصدقائك الجمال

فى بلد جميلة

[نوبى]

كنت فى المحروسة يامصرى

طب قوللى 5 دقائق من ميامى اكون عندك

ومعايا الشاى البيتى مش ابو خمسة جنية

والله عليك حاجات كده

[اميرة صدفة]

ما اجمل الاسكندريه

وما اجمل نبيله غنيم واصدقائها الرائعين

اخي احمد المصري

تسلم على روعه الطرح المميز

دمت بخير

[أحمد اسماعيل]

مرمرية

عم نوووبى

اميرة صدفة

يسلمووا على احلى مرور

دعواتى لكم بالصحة والعافية

[ملكة بإحساسي]

موضوع جميل وفي قمة الرووعه
وطرح رائع جدااااا
احمد المصري
سلمت انااااااااااااملكـعلى رووعة الطرح
جزاك الله كل الخير
كل الشكر والتقدير ودعواتى
لك باالسعاده والتوفيق
ماحرمنى الله منكم ابدا وجمعنا
دائما على الخير والود والاحترام

[نور]

ومازال
الانبهار بهذه الالفة
والشلة الحلوة
التى جعلتنا نرى الادبية الرائعة
فى احلى صحبة ادبية
على شط الاسكندرية
فكل الشكر لمديرنا
احمد المصرى
الذى بادر بطرح هذه الصور