[جنة]

لا اتجوزت و لا خلى البال و لا تنتنى قاعدة على حال

لا اسرق و لا جوزى يدينى منين يجينى

لا ايد تسقف لوحدها و لا وحدانى يكيد رجال

لا لأمى و لا أختى دا قلة بختى

لا بتاكل بالدين و لا بتنام تحت الرجلين

لا بيت أروحه و لا بيت أجيه و لا بيت أشكى اللى نانبنى فيه

لا بتى و لا مسيتى يا داهية الشوم جيتى

لا تزور العازية و لا اللى جوزها غايب

لا التعبان ينسى قطع ديله و لا الحاوى ينسى موت ابنه

لا تعيبوا يا قوم إلا على الصلا و الصوم

لا تقرصينى يا نحلة و لا آكل من عسلك

لا كل من ركب الخيل خيال و لا كل من سبح فى البحر عوام

لا أنا باكل واهرهر و لا بلبس و أجرجر

لبس الخنفسا تبقى ست النسا

لجل الضرورة انخدع طوره

اللسان عدو القفا

لقمة هنية تكفى مية

لولاك يا كرشى لوفرت قرشى

لولاكى يا جارتى لانفقعت مرارتى

لو كان القاضى ينصف الشاكى ما كان الشاكى رجع باكى

لو كان فيه خير ما كان رماه الطير

لو صبر القاتل على المقتول لطلعت روحه

لا عاقلة و لا أمها بتربيها منين الأدب يجيها

لا فايدة و لا عايدة

لا كلت و هريت و لا لبست و جريت

لبن رايب لا أهل له و لا قرايب

لولاك يا لسانى ما انسكيت يا قفاى

لولا الخيط و الابرة لأصبحت الناس فى عبرة

لو كانت السلفة تحب السلفة كان الجمل طلع الغرفة

لو كانت أم قويق فيها خير ما كانت سابتها الصيادين

لو جريت يا بن ادم جرى الوحوش غير نصيبك لم تحوش