الحمد لله وحده والصلاة والسلام على من لا نبى بعده ثم أما بعد ....
...::: مشـــهد :::....
تخيل نفسك يوم القيامة والنبى صلى الله عليه وسلم على الحوض يسقى المؤمنين
فأنت أول ما شفته قلبك دق
وجريت عليه وأنت بتضحك وبتقول فى نفسك
أخيرا شفتك يا حبيب الله
وهوا أول ما شافك بتجرى عليه ابتسم صلى الله عليه وسلم
لكن فجأة الملائكة راحت واخدك بعيد وحالت بينك وبينه
فهوا يقولهم : إنه من أمتى .
فالملائكة تقول : إنك لا تدرى ما أحدث بعدك
فينظر لك النبى صلى الله عليه وسلم نظرة غضب بعد ما خيبت أمله فيك ويقول لك : سحقا سحقا لمن بدل بعدى وغير
كأنه بيقولك : ابعد عنى , بعدا بعدا , أفنيت عمرى علشانك وبعد كده بتخون سنتى وتفرط فى الدين اللى تعبت علشانه
تخيل لو حشرت يوم القيامة مع الذين خانوا الله وخانوا الرسول
هيبقى وشك عامل إزاى ؟
انزل معايا على أرض الواقع واسأل نفسك :
هو إحنا وفيّنا حق النبى صلى الله عليه وسلم علينا ؟
وياترى إحنا فعلا أهل إنه يفرح بينا يوم القيامة ويباهى بنا الأمم ويشفع لنا ؟
تعالوا نحكى طرفا من آلامه
ونشكو إلى قلوبنا شيئا من أحزانه
ونسطر بدماء القلب بعض أشجانه
تعالوا نذكر سيرته فتعرف عظمة مقامه فتحبه من كل قلبك وتكون سنته هى نور دربك
تعرف كيف عاش ؟
تعرف قدر المعانة التى تحملها وتكبدها من أجلك صلى الله عليه وسلم
والله لا تتحملها الجبال فكيف بالبشر ؟
ومع كل مشهد من هذه الآلام ستراه صابرا ساكنا محتسبا مذعنا لأمر الله تعالى راضيا بما يعامله به مولاه
تعال نفتح صفحات حياته وننظر كم عانى وتألم لتعرف عظم حقه عليك
كل ده علشان تطلع أنت مسلم وموحد
والنهاردة أنت بتفرط فى سنته
النهاردة ماشى ورا كل واحد وسايب طريقه
سترى حجم الآلام وحقك عليه
ساعتها هتحبه ومش هتحب حد غيره
الموضوع ده ليه ؟!!
1- هنعرف قد ايه النبى صلى الله عليه وسلم تعب علشان الدين وعلشانا فنحبه ونؤدى حقه ونزداد تمسكا بسنته .
2- وهنعرف إن حياة الأنبياء وحياة من يقتدى بهم من بعدهم لابد وأن يكون فيها ألم ومرارة , وهذه هى سنة الحياة .
3- أن تعلم أن ألمك معه عسل يخفف من مرارته لأنك تعيش لله وترجو الأجر من الله " إِن تَكُونُواْ تَأْلَمُونَ فَإِنّهُمْ يَأْلَمُونَ كَمَا تَأْلَمونَ وَتَرْجُونَ مِنَ اللّهِ مَا لاَ يَرْجُونَ "
والنبى صلى الله عليه وسلم كان أسعد الناس برغم كل هذه الآلام
تابعونا