(مســـــاء الخيــــــــــر)
مساء الخيــر والاحســاس والطيبـة *** مســــــاءٍ مـا يـليـــــــــق إلا بأحبـابـــي
مســاءٍ غيــر غصن لطير يحكي بـه *** عـــن اللـــي مـسكنه جفني وأهـدابـــي
هــــلا باللي أحـبه كثـــر تعذيـبـــــه *** وكثــر ما هـو يغيب وكثـــر ترحابـــــي
حبيبــي هـو ولو مـا قصّـر الغيبــــه *** ولـــــو عن بسمتي قـــد طـوّل غيابــي
أعـرفه زيــــــن وأعيتني أسـاليبــه *** عدوي يوم ويوم أقــرب من أصحابــي
مـلكنــي بين تـرغيبــه وتـرهيبـــــه *** يفـارقني وهـو واقـــــف على بـابـــي
بــه الصادق بــه الغـارق بأكاذيبــــه *** يبي بعـدي ودمعــــه بـلّل ثـيابـــــــي
بـه القسـوة بــــه الرقـة به الهيبــــه *** به الضعف القوي به نشوة إغضابي
هــلا باللي يصيب العطــر بالريبــــه *** يقــول العطـــر أنـا زايــــل ويبقى بي
هـلا باللي يقــول الورد وش لي بــه؟*** من المهـدى؟ أنــا أو هــــو لأطيابـي
هـلا باللي علي يقسى وأمـاريبــــــه *** هــــلا باللــي أبـــد مـا لان لعتـابــــي
هـــلا باللي عجـــزت ألقى عذاريبـه *** هــــــلا بـاللي تـحبـــه كـــل أسـبابـي
مسـاءٍ فاق كـــــل الشعـــــر ترحيبه*** بجيّة مـــن سـكــــن قلبــي وأهـدابـــي
مســــاءٍ فــاض بالاحسـاس والطيبــه*** مسـاءٍ مــــــــا يليـــق إلا بأحبـابـــي