[ابو عمر المصرى]

مكرونة بصوص الريحان والليمون






طعم جديد للمكرونة

المقادير:

كيس مكرونة مسلوقة ومصفّى
¼ كيلو فاصوليا بيضاء مسلوقة ومصفّى
2 ملعقة كبيرة أوراق ريحان طازجة
2 ملعقة كبيرة قشر ليمون مبشور
2 ملعقة كبيرة عصير ليمون
ملح وفلفل أسود
ملعقة كبيرة زبدة
فنحان ميه


الطريقة:

1- لتحضير صوص الريحان الليمون؛ شوّحي قشر الليمون في الزبدة على النار لمدة 5 دقائق، وبعد كده ضيفي عليهم أوراق الريحان وعصير الليمون والملح والفلفل الأسود، وقلّبيهم على النار لمدة خمس دقائق.

2- بعد كده ضيفي فنجان الميه، وسيبيهم على النار لمدة 5 دقائق.

3- بعد كده ضيفي المكرونة والفاصوليا للخليط السابق، وقلّبيهم كلهم مع بعض على النار لمدة 5 دقائق، وبعد كده حطّيها في أطباق التقديم.. وبألف هنا وشفا.