أنت يا ظالم
أنت يا ظالم ليه تتهني
لما الغير يهرب م الجنة
ليه ما تحبش لينا المنة
ترمى الخير
ليه يا ضمير الظالم تفرح
لما لغيرك كنت بتجرح
لما الخير عن إيدك تمسح
دانت حقير
أنت يا ظالم ليه تظلمني
وعيونك دايماً تخاصمني
من نور الدنيا بتحرمني
ليه بتغير
ليه نفسك دايماً تخدعني
ليه عايز للنار تدفعني
لما افرح نفسك تفقعني
دانت خطير
دا اللي ما بيحبش أوطانه
عمر ما واحد يجري عشانه
وهيفضل واقف في مكانه
بالتكشير
ليه ما تحبش دينك ليه
كنت بهمة بتجري عليه
وبقلبك بتحن إليه
ليه ياضمير
قلبك قاسي وعقلك فاضي
مش عن راحة غيرك راضي
ليه في طريق شيطانك ماضي
وانت خبير
عتاب الأصحاب
صحابي ليه يا أصحابي تسيبو دنيتي وبابي
فتحت لكم صفا روحي وقدامكم يكون بابي
بحب الخير لكم لكن لقيت منكم فؤاد ساكن
وعمري ومهجتي ليكم وهافضل بالوداد فاكر
عشان أهلي وأحبابي
صحابي دنيتي ليكم ومن قلبي بحييكم
بحب بخيري أهديكم وأقول المولى يرضيكم
ودمعي كان علي كتابي
واشوف منكم ظنون قاسية ألاقي النفس يوم ناسية
واداري ببسمتي الجفوة وتروى دمعتي الدنيا
وأقول يا مين هيدرابي
صحابي انتم قدومكم عيد واكون فرحان وقلبي سعيد
مفيش أجمل لنا منكم يفرح مهجتي ويزيد
وأقول يا فرح أعتابي
أحضان الأم
أحضانك يا أمي
تعطيني الأمان
وعيونك سماحة
وف إيدك حنان
باقرا كلمة حلوة
من نظرة عنيك
وأودع همومي
مع لمسة إديك
فاكرك لو بسافر
يا ام القلب طاهر
لعيونك وعطفك
وجمال المشاعر
بالقي الناس حبايب
كل الناس قرايب
حبك في دايب
فوق كل الخواطر
أحضانك يا أمي
تكفيني الهموم
وتكسر جراحي
وتهد الغيوم
وف لمسة حنانك
بحر الخير يدوم
بتحس بأنيني
لو بين النجوم
أيامي القديمة
بلقاها في كتابك
والحاضر وبكرة
بيقبل ترابك
وبشوف السعادة
من رحمة عتابك
دا انا أصلي واعبد
وأتمسك ببابك
يا بلسم حياتي
يا بحر الأمان
أغلي الأشياء
في الدنيا شيء صغير حاكم ملهوش تمن
يحفظ للناس قلوبهم
عابد طول الزمن
الحب سلاح صغير
ينسف كل المحن
إصنع للناس طريقهم
جاهد علشان راحتهم
إمنع أحزان هتوصل
بالخير وتكون حبيبهم
ويقولوا بدون مجاملة علشان حب الوطن
إنسان مليان بنور
أبيض زي الزهور
الكل يحبه دايماً
ويقابلو بالسرور
دا الحب ملوش ثمن
الحب اكبر هدية يهديها لي الزمن
يا بخته مين ينوله حب الأكوان يطوله
دا الحب سلاح حياتنا من أول ما سكن
بحبك يا مصر
أحبك يا مصر يا روحي يا قلبي
يا مدنة بتهدي وتسعد وتبني
تنور طريقي وفوق رأسي شمعة تنور لابني
بحبك يا بلدي يا روحي يا عقلي يا نبراس حياتي
عشانك أهون وأتعب واكون عشانك أعمر
وأدوق الجنون .. عشانك لوحدك عشانك أصون
ومن غيرك إنتي هيملي حياتي
ومن غير بلدنا ينول ذكرياتي
يا مصر يا بلدي يا نوري يا عقلي يا أغلي ما عندي
وف القلب بسمة عشانك لوحدك
وفي عنيه جنة هتزرع لسعدك وغيرك مليش
وفي إديه مدفع يدمر عدوك عشانك أعيش عشانك يا مصر
وكل اللي خانك يعيش جوا قبر
عشانك لوحدك ... بحبك يا مصر
10-19-2008, 05:19 PM
شعر اطفال بالعامية المصرية
رد: شعر اطفال بالعامية المصرية
