السلام عليكم ورحمة الله وبركاته
بدايةيومي عند اذان الفجر صحيت لقيته بياذن صليت ونمت تاني وانا متعوده لما اصحي لازم اقول يا حي يا قيوم برحمتك استغيث اصلح لي شاني كلة ولا تكلني الي نفسي طرفة عين ودي كانت وصية سيدنا محمد عليه افضل الصلاة والسلام لفاطمة اذا اصبحت او امسيت وانا اتعودت اقولها طول يومي المهم
صحيت الساعه 8 وطبعا وانا شايلة الهم مش عشان صاحية بدري لا انا اصلا طبيعي بصحي بدري وعن كده كمان ونشيطة فوق ما تتخيلو
الحكايه هنا يا جماعه ان كان عندي النهاردة كام مشوار وكلهم للمستشفي وملحقاتها عشان كان مفروض عندي فحوصات
المهم صحيت ودخلت غسلت سناني مش هقول اسم المعجون عشان ميكونش دعايه >>>>>>> لئيمة
المهم بعديها دخلت جهزت نفسي وطلعت افكر البس ايه
؟؟؟؟؟؟؟؟؟؟؟؟؟؟؟؟؟؟؟
وفضلت يا جماعه محتارة البس ايه ولون ايه امبارح كنت لبسة اللون ده يبقي النهاردة ايه
المهم طلعت 3 حاجات لبست وقلعت وبعدين استقريت في الاخر علي طقم يصلح للاعمال الشاقة اللي هعملها النهاردة
ولبست وظبطت نفسي واللذي منه بقي بصيت في الساعه لقيتها 10.30 قلت احسن يارب اروح الاقي الدكاترة روحوا
ونزلت بابا وصلني المستشفي ودخلت بقي وبدات اسئل علي الحاجات المطلوبة مني ودخلت في الفخ المنصوب لي
من الجزاريين البشريين ( الدكاترة ) اديتها الورقة المكتوب فيها الفحصوات المطلوبة النيرس فضلت معايا من اوضة لاوضة
وطبعا انا بقي ما احكيلكوش علي اللي بيحصلي لو دخلت مستشفي بحس كده ان نزل علي سهم الله وبلمت وتحسوا اني في عالم
تاني لو حد قالي انتي فين مش هرد مش خوف لا معرفش بس صوتي مش بيطلع
المهم خلونا في المهم
دخلت علي مركز الاشاعات وحجزت دوري تقولوش يا جماعه ان البلد كلها جاية تعمل اشاعات طيب ده مستشفي خاص وبالمنظر ده امال المستشفيات التانية والحكومية منظرها عامل ازاي بجد ربنا يشفي كل مريض
المهم حجزت في الاشاعات المطلوبة وقالولي الدكتور مش بيجي الا 11.30 قلت اشكرك يارب وفضلت ادعي في سري ان الدكتور ميجيش او الكاوتش بتاع عربيتة يفضي منه في الطريق او التوالت حنفياته تتكسر اي حاجه المهم ميجيش
وطبعا بسلامته جه في معاده بعدين ونزلت علي الملحق التاني عشان اشوف بافي الفحوصات اللي طلعتلي علي اخر الزمن دي
الا وانا نازلة يجيلي تليفون علي ما فتحت الشنطة كان قفل المهم لسه جاية البس الشنطة بتاعتي الاقية بيرن تاني تررررررررررررررررن تررررررررررررررررررررررن التليفون بيرررررررررررررن يا زهررررررررة ردي يا بنتي
المهم رديت وسلام وكلام وطبعا نص الكلام مش سمعاه لغاية ما الطرف التاني من المكالمة حس اني طرشة المهم كان شخص عزيز بيسلم وبيطمن مع اني ما سمعتش نص كلامة بس ربنا يجزية الخير
ودخلت علي الملحق التاني
دخلت معايا نفس النيرس
دخلتني اوضة كان مكتوب عليها المعمل قلت مش مشكلة خلينا وراها مع اني قايلة لها لو فيها حئن بلاش ماشي
قالتلي ماشي مفيهاش حاجه المهم نيرس تسلمني لنيرس لدرجة اني شكيت في نفسي لان كل نيرس تقولي انا لسة ما اصطبحتش مكنتش فاهمه يعني كنت بقول لها صباحك نور لغايه لما جالي تليفون من صديقتي ونصي التاني عبير المهم بقول لها كل شوية واحده تسلمني للتانية وتقولي انا ما اصطبحتش قالتلي يعني اديها فلوس
انا قلت لها بسلامة نية والله يا عبير دفعت كل المطلوب تقولي لاء فلوس ليها هي اكرااااااااااااااامية يعني
قلت لها ماشي بس انا هعتبرها حاجه تانية لان حسيت انهم ربنا معاهم انا اتنقلت بين 4 نيرس لغايه لما شكيت في نفسي والله قلت تلاقيهم بيقولوا ايه البت الهبلة دي دي شكلها صيدة وفي الاخر واحده بتقولي انا ما اصطبحتش قلت لها خلاص احنا بقينا الضهرررررررررررر ههههههههههههههههههههههههه هههه
ودخلت بقي لدكتورة اعدت تدردش معايا وطبعاانا زي الهبلة قالتلي هاتي ايدك قلت لها لا اطلبيها من بابا ولا هتشوفيلي الكف اعدت تضحك قلت لها انتي اسمك ايه قالتلي اسمي وسام وانتي قلت لها بصي في الورقة اللي في ايديكي هتلاقي اسمي اعدت تضحك ولقيتها بتفتح الدرج ومطلعه لي حئنة
وياساتر والله انا وشي جه الوان وراح الوان ونزل عليا سهم الله قالتلي مالك مانتي كنتي كويسة قلت لها احنا ما اتفقناش علي حئن قالتلي متخافيش وفضلت تتكلم حاجات كتير وري بعض ومش هتحسي انا بقي خدتني الجلالة وقلت انا هغامر واخدها وامري لله لان بقي شكلي وحش وانا عاملة زي العيال الصغيرة وانا واقفة وقلت لها مش عايزة انا هروح كفايه عليه كده قالتلي متخافيش وبيني وبينكم الدكتورة اموررررررررررة اوووووووووي ماشاء الله عليها
ده قبل ما اخد الحئنة بتاعتها طبعا
المهم ربطتلي ايدي وودي وشك هناك المهم انا عملت زي ما حبيبتي يعرب وصتني اعدت اقرا اية قرانية كنت لسه حفظاها امبارح جديد واعدت اركز فيها زي ما هي قالتلي طبعا وهي حطت الحئنة من هنا وانا فضلت اصرخ من هنا والله وعيطت وبقي شكلي مسخرة اووووووووي لا وبصيت لقيتها شغاله تشفط
في دمي المهم اعدت تقولي متزعليش وانا بقيت محروجة من اللي عملته قلت في عقل بالي كان ناقص تجبلي شيكولاتة
دي بقي بابا هو اللي جبهالي لما نزلت من عندها ونزلت استني الاشاعه راح جابلي مشروبات لاني صايمة ومفروض مااكلشي مية بس
لقيت بقي الناس زحمة وانا مش بحب اعد في الزحمة طلعت اعد في الجنينة شوية اصل انا بحب اعد في الاماكن الخضرة وبعدين دخلت اعدت في مكان زي الاستقبال كده
لقيت واحد اعد وماسك اشعه في ايده ورجله ورامة اوي وفيها جروح وكان شكله كده عامل لقيت بعد شوية جاي واحد شيك جدا طلع صاحب الشغل جايبة عشان وقع حديد علي رجله بيني وبينكم كنت هروح اخد منه التفاصيل بس قلت يا بت اتهدي شوية انتي في ايه ولا في ايه وسكت قام هو دخلوة جبسوة وطلع علي بري
ببص علي يميني لقيت بنوتة كده في العشرينات من عمرها اعدها ومعاها والدها وحواليها 3 دكاترة
هنا بقي مقدرتش امنع نفسي فضلت متباعاهم كانت برضو ماسكة اشاعه وكل شوية دكتور يشوفهها وبعدين يسيبها ويمشي
ويقولها مفيش حاجه يا بنتي المهم هما مشيو من هنا وانا كلمتها من هنا
انتي اسمك ايه قالتي سارة ومالك يا سارة قالتلي اصل انا بلعت دبوس هدوم مشبك انا اتفاجئت بلعتي دبوس قالتلي اه
قلت لها واعدها هنا بتعملي ايه قالتلي هعمل ايه كل ما اعمل اشاعه يقولوا مفيش حاجة ازاي مفيش وانا تعبانة جدا
المهم البنت طلعت بتاعني قلت لها طيب روحي لدكتور تاني يا بنتي وفضلت اديها في نصايح مع ان فاقد الشيء لا يعطية
المهم فضلت انصح فيها وباباها يقولي قلت لها نصحتها ناس دماغها ناشفه
المهم طبعا فضلت احقق معاها ونسيت انا جاية هنا ليه واني جاية زي زيها مريضة وطبعا عرفت تفاصيلها طلعت من الاسماعيلية
وبلعت الدبوس عن طريق الغلط وطبعا من يوم ما بلعته وهي بتاكل قطن ومربي وخس وقطن وعسل المهم ان القطن عامل اساسي في اكلها مكان العيش او الارز
وطلعت بري اقف شوية اصل ابيص يمين الاقي حالة ابص شمال الاقي حالات قلت اطلع بري خالص واريح دماغي طلعت لقيت اتنين شايلين واحد وعمال يصرخ فضلت متابعه ونسيت دوري في الاشعه ونسيت اسئل الدكتور هههههههههههههههههه
ودخلت اتابع واسئل هنا في ايه طلع يعيني يا حراااام عنده زائده دودية ودخلوه عمليات
ببص لقيت الساعه 12 قلت زمان الدكتور جه علي ما يجي دوري طلبت عصير شربتهودخلت اسئل قالتلي هتدخلي حالا قلت لها طيب هستني بري قالتلي لا هتدخلي اهو
ودخلتني وعملت الموجات الصوتية عملتها خرجت 12.45 طلعت بقي دخلت اوضة تانية عملت شوية فحوصات تانية ومشيت علي الساعه 2 ولغياه الوقتي ايدي بتوجعني والله
وناس بتضحك عليا وتقولي دي حئنة سهله ومش بتوجع وبطلي دلع ولعب عيال والله يا جماعه بتوجع اوي لغايه الوقتي
المهم بابا روحني البيت جبت شوية حاجات طلعت والباقي بالليل عشان بكرة اوديه للـ د . مجدي
وطبعا يدوب دخلت البيت من هنا وماما فضلت تظغط فيا محسساني اني جايه من مجاعه جابتلي لبن اشربي وكلي وفضلت تظغط فيا وبعدين قلت انزل الشغل بقي كفايه يوم ضاع
ودخلت خدت شاوروطلعت غيرت وصليت
ونزلت جيت بقي الشغل كل اللي يشوفني مالك اتاخرتي ليه وسلامات وطيبون واتباست بووووووس من البنات >>>>>>> عرفت اني مهمة اوووووووووووووي
شغلت سورة يوسف لاني بحب اسمعها جدا وبدات بقي شغل وفتحت صدفة لقيت العسولة جنة بعتالي رساله
بسسسسسسسسسسسسسسسسسسسسس
وانا حاليا ركنت الشغل وقلت احكيلكوا علي يومي قبل ما انسي او انشغل اكتر
وحاليا الساعه 5
ولسه باقي اليوم هكمله شوية كده
لان شكل يومي ممل
بس النهاردة كله مغامرات في المستشفيىىىىىىىىىىىىى
بسسسسسسسسسس يا جماعه
والمهم ان ايدي لسه بتوجعني واتضحك عليا من وسام واصحابها
04-14-2009, 12:00 PM
رد: يوم فى حياتك .. أدخل وشارك معانا
