سفرة دايمة

[ملكة بإحساسي]

نجي الى الاسئلة
من هو غدوتك في المطبخ في عائلتك طبعا
ومتي اول مرة دخلتي المطبخ وكيف كانت التجربة
هل مرة حصل معك وفشلت بطبخ وكنت عازمه حدي
فيه مرة اجي عندك ضيوف والطبخ مكان ناجح ميه ميه كيف تصرفتي

ننتظرك حبوبة
تحياتي وخالص حبي لكم جميعا

[جنة]

ومع أجمل الوردآت الصدفآويه
توآصل رآئع مع فرح ودعآء

وأروع الشخصيآت
وبإذن الله تكملي الموضوع بعد رمضآن
لجماله ويجمع الاعضآء


ومع شيفتنا اليوم
ندى الورد

بانتظآر ردودك ومشآركتك

سؤالي :


ايه هو الشيء اللي يشجعك على الطبخ .؟


بتتقبلي النقد على وصفآتك ازاي .. لو كان النقد لآذع .!؟



ولي عودة تآنيه ^-^

[نور]

فرح الغالية
ننتظرك وكل الاوقات مع جمال مواضعيك
وروعة ضيوفك المميزات
اكيد مع ندى
يختلف الامر ويكون الذ واطعم
مش مرمرية الشقية باكلاتها المفترية
ههههههه
مع ندى تحلى الاسئلة والاجابات والاكلات
من ايديها احلى البنات
ولى سؤال صغنون خاااالص
ايه الاكلة التى تحبها قووى
وتحب تعملها لنا ناكلها من ايديها
وننتظر الاجابات الجميلة والطرق الذيذة خالص
لكم كل الشكر والاحترام

[marmer]

اية كل الاسئلة دى

ارحموا البنية شوية

وحشييييييييييييييين هههههههههههه


عشان بس تعرفى يا ندى انى طيوبة

هسيبك تجوبى على اسئلتهم الكتير دى


وهرجعلك تانى ان شاء الله

بديناميت

[ندى الورد]

السلام عليكم ورحمة الله وبركاته

مرحبا بيكو اخواتى دائما متجمعين على الخير ان شاء الله

شمعة المنتدى نوووور

الحبوبه أمل

والعسوله مرمر

الورده الجميله صاحبة الموضوع فرح

وحبيبة قلبى جنه

نورتو

أسأل الله أن يبارك لكم في رمضان ,

و أن يجعلنا فيه جميعا من السابقين في الخيرات

و ان يكتب لنا فيه حسن عمل يرضيه عنا ,

و يغفر لنا فيه ذنوبنا , و يقيل فيه عثراتنا ,

و يلبسنا فيه ثوب طاعة و بر و رضا ,

اللهم و اكتب لنا فيه هديا كهدي حبيبك

صلى الله عليه و سلم و صحابته الكرام ,

و اكتب لنا سدادا في القول و العمل و تقبل منا ,

صيامه و قيامه على الوجه الذي يرضيك عنا يا رحمن يا رحيم .

اللهم آمين , اللهم آمين , اللهم آمين .

[ندى الورد]

بسم الله الرحمن الرحيم

اول سؤال انت دخلت مطبخ صدفة وبسفرة دايمة اول شيء تحضريه ليك شو راح يكون؟


اكيد اعمل ليا عصير




2-- لو طلبت منك تعملي عزومة لكل اهل صدفة على سفرة دايمة شو تحضريلهم ع الافطار؟


والله كل الى يطلبووووووووه انا جاهزه من عنيه الاتنين



3-- رايك وبدون مجاملة بسفرة دايمة وهل يستحق العناء؟

والله موضوع شيق وجميل ممتاز

4
-- اول اكلة طبختيها شو كانت وما هو تعقيب الاسرة لما تذوقوها؟

المسقعه هههههههه اتخانقت مع بابا علشان ادخل المطبخ واعملها


كانت ماما فى الشغل قولت لبابا انا هعمل الاكل علشان ماما تيجى تلاقيه جاهز

هو قال لى لا لما ماما تيجى هى الى هتعمل الاكل قولت لا وصممت

روحت لبست جلابيه بكم علشان الزيت انتو عارفين ههههههههه ودخلت بقى

وعملت ست بيت قليت البذنجان والحمد الله جينا بقى للفلفل هههههههه

الفلفل ده حكاية حكايه نسيت اقطعو بالسكينه حطيت الفلفل فى القلايه وعينكو

ماتشوف الاالنور بقى يفرقع والى يتنفخ بابا جه يجرى يقولى ايه انتى عامله

حرب ولا ايه شاف المنظر اعد يضحك وقالى تستاهلى كملى بقى انتى الى

صممتى خلينا نشوف الشملوله وطبيخها ههههههههه اتحملت وكملت

لحد ماخلصت ماما جت وقالت الله ايه النشاط ده كلو بابا قال لها يلا

علشان ندوق اكل ندى حطينا الاكل ولسه باكل اول لقمه قفلت فمى عليها

تعرفو ليه البذنجان كان مولع ههههههههه اصل انا حطيت الفلفل مع البذنجان

فى الطماطم كان المفروض اسيبو فى طبق لوحدو بس مامتى الله يرحمها

كانت طيوبه جدا قالت لى حلو ياندى بس بعد كده تاخدى بالك من الفلفل اذا

كان حامى مش تحطيه فى الاكل



5-- معروف عند البعض يحبون الاكل مملح اكثر شوية هل انت منهم وما هي النصيحة لمن يحب زيادة الملح بالاكل؟

مش احب الاكل مملح

الملح الكتير فى الاكل مش كويس يغيرطعمه

لازم يكون ملح مظبوط علشان بعطى نتيجه كويسه

[ندى الورد]

نجي الى الاسئلة
من هو غدوتك في المطبخ في عائلتك طبعا
ومتي اول مرة دخلتي المطبخ وكيف كانت التجربة
هل مرة حصل معك وفشلت بطبخ وكنت عازمه حدي
فيه مرة اجي عندك ضيوف والطبخ مكان ناجح ميه ميه كيف


من هو قدوتك في المطبخ في عائلتك طبعا

مامتى الله يرحمها

ومتي اول مرة دخلتي المطبخ وكيف كانت التجربة

تقريباً وأنا في الابتدائي

وكانت التجربه دمووووع من البصل ههههههههههه



هل مرة حصل معك وفشلت بطبخ وكنت عازمه حدي

لا الحمد الله باخد بالى واكون على حظر

فيه مرة اجي عندك ضيوف والطبخ مكان ناجح ميه ميه كيف تصرفتي


الحمد الله بفضل الله بيكون الطبخ ممتاز

[marmer]

الله عليكى وعلى المسقعة

اول ما تشتحى تنطحى هههههههههههه


مسقعة


يا واد يا جامد انت


هههههههههههه


الله يكون فى عون باباكى هههههههههه


متابعة معاكى يا قمر


وسؤالى

لو عندك عزومة اية اكتر اكلة تحبى تطبخيها لمعازيمك

[ندى الورد]

ايه هو الشيء اللي يشجعك على الطبخ .؟

ان يكون المطبخ مرتب ونظيف

وموجود فيه كافة شىء


بتتقبلي النقد على وصفآتك ازاي .. لو كان النقد لآذع .!؟

والله اتقبله بصدر رحب لازم الواحد يخلى روحه رياضيه

وكل شيخ وله طريقه زى مابيقولو فى الامثال

وبعدين فى مثل بيقول كل الى يعجبك والبس الى يعجب الناس هههههههههه

[ندى الورد]

منوره حبيبة قلبى مرمر

هههههههههههههههههه

صح الله يكون فى عونه بابا نصيبو بقى الله يخليه ليا يارب