اعترافات عضو مع ( منى رشدى)

تسنيم جمال · 04-18-2013, 02:03 PM

انا كييييييييييييييييييت

مين بيجيب فى سرتى

كدة دى خيانة كلكم هنا

والله بحبكم اوى

خضار بتحبيه اكتر شئ وخضار عكسه؟

بتميزى ريحة الاكل عن بعد؟

ايه اكتر رائحه بتجذبك وتجوعك؟

اكله بتحبهيا اختارها واحنا نعملها في المطبخ

ايه اكتر نوع محشي بتفضله فلفل باذنجان كرنب ورق عنب...الخ؟

المشروبات الغازيه مضره جدا هل أنت من مدمنيها؟

انا نصحتك لانها مضره حاول تتجنبها

الحلووووووووووووو

اكتر شئ بتحبيها في المحلويات؟

إيه اكتر فاكهه بتحبهيا؟

شعورك ايه وانت بتاكلى من عمل ايدك يعني بتحبى تأكلى من طبخك ولا انت مجبورة؟

قبل ما امشى

بتحبى الشندوتشات

والبيتزات
ولا

يلا سلامممم

منى رشدى · 04-19-2013, 03:50 PM

[QUOTE=ابو عمر المصرى;890864]

اقتباس:

ااممممم

صبااااح مساااء السعادة والجمااال وروعه تواجدك ياغالي

جميل الروح والقلب عصام غزال
اشكرك على مجهودك وترحيبك وكلماتك
الحلوة قوووى قووووى قوووى

وجمعه اتمناها لك ولجميع آل غزال
بالسعادة والرضى ان شاء الرحمن

والآن بقى إلي المطبخ معتدل مرش

منى رشدى · 04-19-2013, 04:36 PM

اقتباس:

قلب المنى والمطبخ

- قلب المنى وزنها مثالى ولا هى اكولة؟ ههههه

ههههههههههههههههههههههههه ه

انا ياسيدى مش أكوله ي بمعني بأكل علشان اعيش
ومش بعيش علشان اكل
فهمت والنبي حاجه من كلامي
ماعلينا
انا طولي 167
وورني 78

كتير طبعاا مش كدة اعمل ايه بقى

اقتباس:

_ ما الوجبه المفظله لدي منى ؟؟ ( الفطور _ الغداء _ العشاء )

بالنسبه للأفطار مثل ما انت شايف
هو فنجان النسكافيه وبدون اى شيئ وحدة
لا استطيع أكل اى شيئ صباحاًً

بالنسبه للغداء الشوربه ضروري جدااا جدااا
بمعني اى شوربه
عدس
شوربه خضار
شوربه الحمص الشامي
شوربه المحار والأسماك
شوربه البروكلي بالكريمه

وبعدها بقى ممكن حسب الشوربه
لو شوربه اسماك يبقى الغدا سمك
لو غيرة ممكن خضار سوتيه بطاطس بوريه
مع قطعه فراخ مشويه
او قطعه فيليه لحم مشويه

او ممكن صينيه قرنبيط بالبيشاميل

واللحمه المفرومه وهنا اكتفي باللحوم

ممكن مكرونه اسباجتي
ولازم طبق السلطه كل يوم نوع

مش بحب الأكل الكتير اللى فيه صلصاااات

العشاء بقى فنجان نسكافيه ... انا تقريبا حياتي كلها نسكافيه اعشقه جداا عايشه فيه
ممكن اشرب نسكافيه وخلاص وبس
ومعه بقى بليل قطعه كيك اي نوع
بس أنا بحب اللى بالشيكولاته أكتر

وضرورى ضروري زبادي

ساعات لما باباة كان عايش كنت اعمل
بيتزا وانا تخصص بيتزات شيف درجه أولي
الآن وحدي مش بعمل بكسل بقى ...

ممكن كمان اعمل بيض اوموليت بالجبنه ممكن
مع قطعه توست

منى رشدى · 04-19-2013, 05:10 PM

_

اقتباس:

يعد المطبخ من اركان المنزل الأساسية فهل لك أن توضحى لنا رؤيتك للمطبخ ؟

بص بقى ياعصام انا بموت في المطبخ وعندي ركن على هيئه كنبه زاويه بالتربيزة
ومطبخي امريكاني مفتوح على انتريه صغير
لزوم الراحه اثناء الطعام وبعده

احب اشرب فيه النسكافيه بتاعي

اعشق اى ادوات للمطبخ وكل جديد اقتنيه

اهوى المطبخ جداا والحمد الله عمتى بقى لها كتير معايا
علشان بتحب جداا اكلي
هههههههههههههههههههه
واحب ارتب السفرة جداا الحركات بقى ديه ورد وشموع وحاجات كدة تفتح النفس

اقتباس:

_ هل تتدخلى بشؤون المطبخ و الطبخ أم أنت من النوع كل ماتطبخه راعية البيت يمشي ؟

هههههههههه
انا اللى بدخل المطبخ واعمل كل شيئ ومامتى كانت تقول لي الله يامنيه نفسي اكلك حلو قوووى

امممم امااال
مش اى اى ولا زي زي احنا برضه اسكندرانيه جدعان قوووى

وتخصص سمك
هههههههههههههه

بس احب جداا حد يساعدني ويكون معايا علشان نتكلم ونرغي
ويتحرق الطعام
ههههههههههههه

اقتباس:

- هل أكل البيت ألذ و أشهى أم المطاعم ؟

سبحااان الله
مش عارفه ليه اكل المطاعم بيكون شهي

اةة طبع بحب وكنت كتير انا وباباة نتعشى برة او نتغدى برة

اقتباس:

- ماهو طبقك المفضل و الذي تحرص علية منى أن يكون موجود باستمرار ؟

قلت لك ياعصام

الشوربه

والسلطه

ضروووري

منى رشدى · 04-19-2013, 05:50 PM

اقتباس:

- هل المثل الشعبي الشائع أن اقرب طريق للوصول لقلب الرجل هو معدته ؟

لاء طبعا

الوصول لقلب الرجل عقله وفكرة ومدى التفاهم
اللى بين الأتنين

ان تفهم مايحب وتعمل على راحته
والله لو بيحب الأكل تدلع له الأكل وتنفذ كل مايريد
غير كدة انا أرى الوصول لقلب الرجل التفاهم والمودة

وان تخاف الله في معاملتها معه بوجودة وبغير وجودة بأن تحافظ على عرضه وماله

اقتباس:

- لماذا الرجال يعمل مشكلة اذا الاكل ما على كيفه ؟

ههههههههههههههههههههه
بيتلكك لها..، علشان يقوم ويقفل الباب
وراة ويخرج يسهر برة

كول عيش حبيبك تسرة وعيش عدوك تضرة

والله لو بيحبها وعملت له ايه
سوف يتقبل كل شيئ بالحب

اقتباس:

- اذا لاسمح الله جاءى منى من الشغل تعبانة وجوعانة ولقيت الغداء محترق او فيه مشكله ماذا تفعل 00؟

حصلت مرة وانا في سويسرا
كان عندي فرن يضبط بالتايمر الساعه الوقتيه ويقفل وحدة
وانا حطيت فيه فرخه وضبط الوقت على ساعتين شواء الفرخه بحيث عند عودتي بيكون الأكل جاهز

والآرز في حله الأرز بتقفل وحدها برضه تايمر
المهم جيت من الشغل لقيت الفرخه عبارة عن فحم متفحمه وكانت أول مرة
التايمر باظ والفرخه اتحرقت
عادى
طلعت مكرون اسباجتي وبسرعه عملتها وجنبها
طبق سلطه وقطعه سوسيس
محمرة والحمد الله وباباة مش قال اى شيئ

قال فداكي حبيبتي

ههههههههههه

اقتباس:

- اذا كان في منزل منى وليمة غداء ....و الاشخاص كثرو ولاحظت ان الطعام قليل ماذا تفعل ؟

عمرها ماحصلت لآن انا بعمل بالكفايه
ومتعودة على العزائم وادعوا دائما الأهل وخاصاً اول رمضان ممكن البيت يكون فيه 24 فرد
الحمد الله والفضل لله

اقتباس:

- هل تقبل منى الدعوات على الوجبات في منازل الاصدقاء أو تفضل المطاعم ؟

لا لما بيكون في غدا عمل بكون في المطعم طبعااا
غير كدة انا مش عندى اصدقاء نهائي

اقتباس:

- يقال بعد الغداء يمكنك أن تتمدد قليلاً ويقال بعد العشاء يجب أن تمشي قليلاً مارايك هل هذا الكلام صحيح وما تأثيره على الصحة العامة ؟

ايوة طبعا اتغدى واتمدا واتعشى واتمشى

لان بعد الغداء بيكون في فترة طويله لليل
اما العشاء بيكون الوقت قصير ولو نام الشخص بعد العشا الطعام لا يهضم جيدا لان حامض المعدة لا يفرز إلا بالحركه وبعدها يتحول لدخون يختزنها الجسم

اتمشى انا بعدد العشاء احب اطلع على البحر

اقتباس:

بعض الاشخاص يهمل وجبة الفطور هل منى منهم ؟ ام هل تحافظى عليها ؟

للأسف انا لاافطر إلا النسكافيه وفقط وبدون أى شيئ بجانبه

مش بقدر نهائي واتعودت على كدة
برغم أن الغدا بيكون الساعه 3 ظهراا

اقتباس:

- في احدى الليالي استيقظ منى من نومها بعد شعورها بالجوع و قصدت المطبخ و فتحت باب الثلاجة ماهو الطبق الذي تتناوله دون تفكير ...؟

بتحصل

لكن اتناول كوب عصير برتقال دائما عندى متوفر
وادخل انام تاني
هههههههههههههه

اقتباس:

_الطبخات السريعة سمة هذه الايام و يكاد كل منزل لا يخلو من تلك الوجبات فهل تتمرد منى في البيت على الطبخة السريعة أو تقبل بها على اعتبار أنه في اليوم التالي يمكنها التعويض؟

حقول لك عصام

شوف ممكن مش اكون عامله اى أكل نهائي

لكن لا اطلب في البيت دليفري
افتح التلاجه اخرج نوع من الجبن واعمل سندوتش وبجانبه كوب عصير البرتقال وبعدة اى نوع فاكهه
والحمد الله رب العالمين
وباباة كان كدة كمان معايا

اقتباس:

- المطبخ العربي مشهور بأطايبه وهناك مطابخ مميزة مثل اللبناني

و السوري وغيرهما ماهو المطبخ العربي الذي تتمنى منى تناول وجبه فيه ....؟

انا اجيد المطبخ السويسرى والأيطالي بكل انواعه

ولكن اعشق المطبخ اللبناني واتمنى اجيد كل انواعه

اتمنى اتذوق المطبخ المغربي

اقتباس:

- ما رأيك بفتيات هذه الأيام و مقولتها ما أعرف أطبخ إلا بيض مسلوق ؟

بكرة تتعلم
ولو ان كله الآن بيعتمد على الدليفري شيئ مخجل حقاًًً
وهذا يرجع للأم أنا أرى هذا

اقتباس:

- هل نفسك بطبخة فتة كوارع وممبار وكرشة ولحمة رأس
بخان الخليلى ؟

انا بحب الكوارع وفته الكوارع وكل ما اروح القاهرة بروح اكلها في خان الخليلي فعلا
لكن الكرشه ولحمه الرأس مش بحبها ويوم ما كانت ماماة تعملها كنت بخرج من البيت مش بحب ريحتها

لكن انا أجيد عمل الممبار والكوارع احسن من المطاعم

ودائما اعملها بس يكون في ناس عزماهم

مش احب اكلها بمفردي

اقتباس:

- هل منى من اللي يحبون الاكلات الشعبيه كالفول والطعمية والكشرى المصرى؟

احب الكشري المصري واجيد عمايله وكمان اموت في البيصارة
واجيد طبخهاا

والطعميه انا اعملها في البيت واحتفط بالعجينه في الفريزر
والفول احب ادمسه في البيت من وقت لآخر

طبعا احب الأكلات ديه مدهشه

اقتباس:

- هل انت من اللي يستخدم السكينه والشوكه والملعقه ام تأكل في الخمس ؟

ايوة ياعصام مشكله انا
انا عندي قرايب لي في دسوق بلد جميله جداا دائما في
مولد سيدى ابراهيم بيعزموني

وكمان في شم النسيم بيعزموني علشان الفسيخ
بيحضروا لي الفسيخ من ابو طحون مشهور هناك
او من سيدى سالم احلى فسيخ

بحبه
لكن مشكلتي بقى ان انا طلبت شوكه وسكينه الكل فضل يبص لي وانا باكل الفسيخ بالشوكه والسكينه مش انزحه والله بس مش اعرف إلا كدة
والجميع يضحك ويحاولو يعملو كدة وكان يوم جميل..،

اكلي بالشوكه والسكينه وقليل استخدام لملعقه
فقط في الشوربه

الأكله الوحيدة اللى اكلها بأيدى
الكوارع والسمان او الحمام المشوى

اقتباس:

- هل تتناول منى الشطه والفلفل الحاار مع الطعام ام انت من اللي مايحبونها ؟

كل اكلي شطه اموت في الشطه والتباسكوو الحراق وما اعرف اكل الملوخيه إلا بالشطه والفلفل الأخضر الحااار

منى رشدى · 04-19-2013, 06:55 PM

اقتباس:

-منى تحبي الطبخ ولا لا ؟

اعشق المطبه واتفنن في تحضير انواع مختلفه

اقتباس:

-منى طبق تحبي تعمليه كثير؟

ورق العنب اموت فيه
واصابع الجلاش باللحمه المفرومه
والكبيبه السوري الشاميه

دائما اعملهم

اقتباس:

- منى أذكري الطبخات الي تعمليهم ؟

كل مايخطر على بالك انا بعمله

اتعلمت المطبخ الإيطالي وانا في سويسرا
والمطبخ الفرنسي

بجانب المطبخ السويسري
لكن الفرنسي متنوع أكتر وشهي اما السويسري كله مسلوق و ومشوي

اقتباس:

6 - منى أول مرة دخلت المطبخ كم كان عمرك لو تذكرين ؟ وما هى الطبخة ؟

كان عمري 11 سنه وكنت عاوزة اعمل كيكه لماماة
في عيد الأم
وعملتها والحمد الله كانت كويسه

اقتباس:

- منى طبخه طبختيها وفشلتِ في عملها (أسم الطبخة) ؟ وايه كان شعوركِ وقتها ؟

بص ياعصام الحمد الله عمري مافشلت في اى طبخه ولكن مشهورة جداا ان الأكل ممكن يتحرق
ليه بقى اكون عندى شيئ أعمله وأنسي الأكل على النار يتحرق
طبعا عالجت الموضوع دة اشتريت تايمر بحطه بجانبي "" التيمر ساعه بحدد بيها وقت سواء الشيئ وبيرن الجرس يقول الشيئ انتهى ""

اقتباس:

وايه كانت ردة فعل الأهل لما شافوا الطبخة ؟

طبعا لما بتتحرق أكله باخد بستفه بقى
وانت عقلك مش معاكي ووووووالخ

اقتباس:

-منى طبخه طبختيها نجحت والكل مدحكِ ؟

مرة من سنين ايام ماكنت في سويسرا وبحضر اجازات
كنت عازمه اخويا و خطيبته على الغدا والغدا
كان جاهز سمك
لكن بعد الظهر حبيت اعمل لهم كيكه مع شاي بعد الظهر
دخلت المطبخ وخطيبه اخي معي
طلعت الدقيق
والعسل البيض
" بيجي لي من دسوق عسل نقى جداا"

طبعا بدون سكر عسل فقط
وزيت ذرة
وبيكنج باودر
وخمس بيضات بلدي
وقليل من اللبن للعجن
وضربت والله كله على بعضه وبدون مقادير وهي قالت لي طيب مقاديرها قلت لها بالبركه
هههههههههه
المهم طلعت كيكه خرافه

والكل يقول طريقتها ايه
هي تقول لهم ديه كانت بتحط كدة بالبركه

انا الحمد الله حياتي كلها بفضل الله بركه

اقتباس:

-منى موقف طريف حدث معاكى في المطبخ ؟

دةمش طريف ياعصام دة خيبه بمبي
شوف خبتي انا
كنت في سويسرا وكان عندي ضيوف كان يوم احد وكنا في الحديقه نشرب شاى وندردش كان مع الضيوف اطفال
طلبوا منى اعمل لهم فشار
دخلت المطبخ وحطيت الفشار على النار في طاسه غويطه ولها غطاء غويط مخصوصه للفشار
وهدأت النار عليها ,,,, نادوني سبت الفشار وخرجت وجلست وبعد ساعه وجدت نار خارجه من شباك المطبخ المطل على الحديقه
الفشار فيه زيت ذره اشتعل واتحرق والنار كانت هاتحرق البيت لكن ربنا ستر
هههههههههههههههههههه
انا مشكله
هههههههههههه

اقتباس:

- منى في نظرك أنتي ,, هل يعتمد عليكِى في الطبخ او لا ؟

ايوة بجد بعمل سفرة احسن من شيراتون وهلتون
بالديكور وكله
الحمد الله

اقتباس:

-منى قولي لنا وصفه لطبخه حلوه بتعمليها كويس عشان نجربها ؟

شوف ياسيدى
انا بحب السمك موت وكتير جدا وخاصه السمك المرجان التى تزن 2 كيلو او اكتر بيكون طعمه خرافه

بروح حلقه السمك في الأنفوشي الصبح بدري قووى
نحضر بقى

سمكه مرجانه تزن 2 كيلو أو 2 ونصف

ونظفها كويس من الزعانف ونظف البطن كويس قووى وتغسل بالملح والدقيق
وتشطف بالخل والماء الجاري جسدا وتضع في مصفاة لتصفيه الماء

نجهز حشوة عبارة عن

بصل
طماطم
فلفل رومي
رأس ثوم
فلفل حار
زيت زيتون
عصير6 ليمونات
بابريكا
كمون
زعنتر
بقدونس
كرفس
ونفرم كل هذا لقطع صغيرة

4 بطاطس قطع كبيرة
4 جزرات ترنشاط رفيعه
تسلق البطاطس والجزر عشر دقائق

احشي السمكه بكل الحشو المعد واضع عليها من الخارج ببريكا وزعتر وبقدونس وكمون ورشه زيت زيتون وعصير 5 ليمونات كبااار وملح وفلفل اسود

ضع البطاطس المسلوقه نصف سلق
والجزر المسلوق نصف سلق
وقطع من الطماطم
ومعه قليل من الكرفس والزعتر وفصين ثوم
وملح وفلفل طبعا وكمون

ونضعه تحت السمكه على فويل المنيوم

تلف جيدا الفويل الأمنيوم وتقفل جيدااا وتضع في فرن درجه حرارة عاليه في الرف الأوسط من الفرن لمدة ساعه إلا ربع

وبعد الساعه إلا ربع نفتح الورقه الألمنيوم لكي تتحمر السمكه

وكلها بالف هناء وشفا
ودة شكلها بعد ما اتحمرت يارب تعجبك يااارب

اقتباس:

- منى نصحية توجهيها للبنات في الطبخ ؟

عند دخولك المطبخ ركزي فيه جيداا ولا تنشغلى بأى شيئ إلا المطبخ ولا تخرجي منه إلا وانت منتهيه من طبختك

اهتمي بنظافه المطبخ جيداا فهو عنوانك

غيري بأستمرار اسفنجه الأطباق لان الميكروبات بتكون عالقه بها

يجب ان يكون في المطبخ شفاط لشفط الدهون حتى لا تترسب على الأشياء

من وقت لآخر اغسلي فوط المطبخ بالمطهر والكلور

لوحه العيش خصصيها لتقطيع العيش

ولوحه الخضار للخضار للخضار فقط

ولوحه الأسماك للأسماك فقط

ولوحه الجبنات للجبنات فقط

ولوحه اللحوم والفراخ فقط لهم

واجعلى كل لوحه لون

وبالتوفيق ان شاء الرحمن

منى رشدى · 04-19-2013, 07:11 PM

اقتباس:

-منى ايهما تميلى الية الاسماك ام اللحوم

الأسماك

اقتباس:

- منى من النـآس آللي بيقفلوا إذا جآعوا

لاء كتير بنسى الأكل

اقتباس:

- منى أول مآ تدخل السوبر مآركت أي قسـم تشوفى بطنك توديكى له بدون شعور !

قسم الجبنات
بحب جدااا الجبنات بأنواعها المختلفه

وكمان بجري على قسم التسالي
اجيب كاجو وفسدق
احبهم جدااا

اقتباس:

- هل صحيح مقولة [ الطريق إلىآ قلب الرجل معدته ] !

مكررر

اقتباس:

- منى إذآ دخلت البيت و أنت جوعآنة مره ومآ لقيتى الأكل جآهز اية ردة فعلك ؟

عادي لان انا اللى بعمل الاكل
باكل جبنه سندوتش وخلاص

اقتباس:

-منى تحبى تآكل لـ واحدك أو تآكل مع جمآعه مع ذكر السبب

طبعا مع جماعه اللمه بركه برضه

اقتباس:

- منى إذآ كنتى من النآس آللي يحبون الطواجن أي نوع من الطواجن تحبى ؟!

بحب اعمل الباميه طاجن باللحمه الضاني اممممم
وكمان اعمل برام باللحمه البتلو بيكون رووعه بالحليب والقشدة

اقتباس:

- لو كنتى معزومة / تحبى تكون العزومة اكل معين ولا على ذوق المضيف؟

عادتأ بيسألوني تحبي تاكلي ايه
انا بقول اللى انتم عاوزينه
انا الحمد اله مش بكرة حاجه بحب كل خير ربنا

اقتباس:

- منى أنت من النآس آللي تحب تآكل بين الوجبآت ؟! إذآ كآنت إجآبتك نعم اية تحبى تآكلى

[ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ] !

ايوة بحب اكل بين الوجبات لان مش باكل كويس بقوم وانا لسه بطني مش مليانه بحب كدة

ممكن اكل فاكهه ممكن اخد كرواسان بالهوت شيكليت

اقتباس:

- منى إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك

كلكم اكيد هاتفتحوا نفسي

اقتباس:

- منى اية الطبخه آللي تضبطيهآ و تريدين تعزمينآ عليهآ

السمكه المرجان اللى عملتها فوق

اممممممممممممممممممم

اقتباس:

منى تعزمينا على اية
وصفة من ايديك
والمقادير لو سمحتى

مكرررر بقى

منى رشدى · 04-19-2013, 07:18 PM

قلب المنى والمشروبات

اقتباس:

- قلب المنى مشروبك المفضل ؟

النسكافيه

البرتقال الطبيعي الفرش

اقتباس:

- كوكتيلاتك المفضلة ؟

مش بحب الكوكتيل بس بحب المانجووو كتير والفراوله باللبن

والجوافه باللبن

اقتباس:

- هل تحبين العصائر الفرش ؟ ولا ما تفرقش ؟

هههههههههههههههههههههههه
حياتي كلها فرش

هههههههه
احب الفرش وغير ما اخدش

اقتباس:

- هل قلب المنى تحب شرب اى شئ قبل الطعام

؟

ايون ياعصام

بموت في عصير الطماطم قبل الأكل المعبأ في زجاجات أورديفر

اقتباس:

اى المشروبات الساخنة تستهويكى ؟

بعد النسكافيه

ممكن الشيكولاته الساخنه
الكركاديه الساخن
الجنزبيل بالقرفه الساخن

اقتباس:

هل تفضلين القهوة ام النسكافية ؟

قهوتك

سادة ولا زيادة ولا ع الريحة

الأتنين ياعصام بحبهم

وقهوتي زيادة
ونسكافيه زيادة بحط في النسكافيه المج 3 معالق
والقهوة اشربها من المج كمان 3 معالق

منى رشدى · 04-19-2013, 08:22 PM

اقتباس:

قلب المنى ولوزان

بدون اى اسئلة او استفسارات او الدخول فى تفاصيل

سنترك لكى زهرة الياسمين

ان تحكى لنا عن معيشتك بلوزان
وذكرياتك
وطعامك
ودراستك
دعينا نعيش معك تلك الذكريات

مثل ما قلت في الأول انا عشت اجمل سنوات عمري في لوزان

لوزان بلد جميله جداا

مناظر على البحيرة في لوزان

المترووو

Lausanne Gare CFF.

شكل المنازل

سويسرا كلها ياعصام 8 ملين نسمه

بلد تعدادها صغير جداا8 مليون نسمه
واغنى اغنياء العالم يعيش هناك

ارقى الجامعات في سويسرا

حصلت على شهادتي من لوزان واكمل حياتي هناك

بالنسبه للطعام سويسرا تشتهر بالزراعه في الوديان الكثيرة والصناعات المختلفه
وطبعا تعلم ارقي انواع الساعات السويسريه

وارقى انواع الجبن في سويسرا

كما تشتهر ايضا بصناعه الشيكولاته الذ شيكولاته في العالم

بها جبال الألب التى تمتلئ بالثلوج صيفا وشتاءا

فيكون ممارسه هوايه التزحلق على الجليد

العمل من الساعه 7 صباحا للساعه 7 مساء
يتخلله ساعه الغداء في ال12 طهرا

وساعه بعد الظهر لشاى بعد الظهر

محلات السوبرماركت والمحلات الكبيرة تفتح من السابعه 7 إلي ال 7
ماعادا يوم السبت تغلق 12 ظهرا والأحد طوال اليوم
البلد تكون في سكون تاااام

او جوله في البحيرة بالباخرة تمر على كل مدن سويسؤا

وعلى الباخرة مطعم ايضااا

وكل الحركه تكون على البحيرة للتنزة او فوق الجبال للتزحلق

مرتباتها عايه جدااا بالنسبه لاسعار الملابس والمأكولات

ممكن اى انسان يأسس بيت كامل فرش بمرتبه
تخيل بقى انت

كنت اغادر منزلي لعملي في السابعه صباحا واثناء فترة الغداء كنت اذهب لأحد المطاعم المطله على البحيرة واعودمرة أخري للعمل بكل نشاط

وممكن يكون الغداء كدة

منى رشدى · 04-19-2013, 08:25 PM

آسفه جداا عصام لآن المنتدى كان فيه عطل
وقفل وانا بكتب

وتلخبط كله واتمسح وبعيدة تاني اهه

وسائل المواصلات

TL trolleybus at Lausanne Flon

.

TL

Metro Line M2 tram 213 at EPFL. .

LEB

EPFL
هنا كانت دراستي الهندسيه

EPFL | ecole Polytechnique

Fédérale de Lausanne

وترجمتهااا

الكليه الفيدراليه العليا بلوزان
ودة اختصار الأسم

EPFL
المبني القديم

من الداخل

المبني الجديد

قاعه المحاضرات

زي حفله التخرج

صورة تذكاريه للطلبه والطالبات بعد التخرج

اتمنى اكون وفقت ومساءكم كله نقاء وروعه

منى رشدى