وحده بوحده
وحده بوحده وماحد خير من حد
وحده بوحده واللي تديره بكره عليك ايرد
كلمه زمان انقالت الناس عارفه معناها
ليام مهما طالت اللي اتديرها تلقاها
كيف ما غلبت اغلبت
تعبتني واتعبت
سلف يوم السبت رد السلف الاحد
وماحد خير من حد
يقولو العين بلعين واللي بدأ هو الجاني
لفالك زمان الدين و يشهد عليك حناني
تذكر اخداعك لي يوم كنت غافل عنك
و زيفك زمان علي و قولتك مش منك
ما في ما عانيتك خذيتا القرار انسيتك
كيف ما حروف كتبتك بيدي اليوم محيتك
كيف ما علي اغليت وغيري عليك اغلي
هانك اليوم القيت غيرك امعاي ازهي
مش قتلك من لول ممهما الزمان ايطول
سيورا الزها يتحول بدموع فوق الخد
وحده بوحده وما حد خير من حد
ما تقولي ظالمني و لا عمري نهار ظلمت
ما انت اللي امعلمني وجاك رد ماعلمت
ما دام في بالك خطر تهجر بعد طاوعتك
وانا كنت لك ليل وسهر لاسهيت لا وجعتك
يبقى القرار انقوله و قبل القرار انريدك
خوذ المكان بدالي و احكم و انا نسمعلك
اليوم خانك غالي غير وايش ردة فعلك
ردك اكيد ايكون كل الغرام ايهون
و انا جيت للمظمون كيفك انسيت الود
وحده بوحده و ما حد خير من حد
سلفت يوم السبت رد السلف الاحد
12-16-2008, 03:45 PM
وحده بوحده
