إضاءات...صدفه

[جنة]

الاسئلة العامة

ماذا يعني لك المنتدى ؟
بيعني لي كل شي .. وبيتي التاني
بيه التقي بأخوة أحببتهم وأحبوني في الله
أستفيد منهم وأفيدهم بدوري

عضو تفتقده؟
واللهِ اعضاء كتير ..
منهم منى القلب وأم علاء وموناليزا

هل فكرت يوماً للأنسحاب من المنتدى ؟ لماذا؟
لا أبداً .. ده انا لازم كل يوم ادخل المنتدى
ويمكن مش بشارك .. بس المهم اني موجوده

لو رجع بك الزمن إلى الوراء من تتمنى أن يرجع لك ؟
لا مش عاوزاه يرجع لورا

لو اهديت سفرة عبر الزمن إلى أي زمن ستسافر الماضي أو المستقبل ؟ لماذا؟
كنت هختار الماضي
لانه احلى واهدى وابسط من ايامنا ديه واكيد من المستقبل

باقة ورد لمن تهديها ؟

لكل أعضاء صدفة
المتواجدين والغايبين

ألاسئلة الخاصة .

لماذا أخترت أسمك المستعار ؟

عجبني الاسم وبس

هل فكرت يوماً أن تغير أسمك ؟ لماذا ؟
هو انا عدلته .. مش غيرته
ومش بفكر اني اغيره

أمنيه تتمنى تحقيقها؟
اتمنى ربنا يكرمني بوظيفة تانية
النهارده كلمتهم وبإذن الله المقابلة هتكون الشهر الجاي
دعواتكم معايا

ماهي رؤيتك للحياة ؟
طب نسي السؤال ده
لاجتماعنا الستيني وهبقى اجاوب عليه

ماهي التجربه التي تتمنى تكرارها ؟

حالياً حالياً
عاوزة انااااااااااااااااام

شخص تحتاج لقربه الآن منك ؟
أميرةوهي عارفه ليه كويس

وتسلمي يا قمر على الاستضافة والتوريطة ..
وتسلمي على احلى كبااااااااية نسكافيه ،، بس الكيكة انا بهديها ليكي
بقلب صافي وصادق
وخلاص انا حلفت ما اكل منها ولا فتفوووته .. كلها حلااااااااااااااااااااااا ااااال على قلبك
وتقلبي مني الباقة الحلوة ديه يا قمر

[اميرة صدفة]

جنه يا قمر
يا رب يكرمك بالو ظيفه الجديده
ومن اول راتب تاخذيني شوبينج واشتري كل شي على حسابك
وما بدنا ناخذ مرمريه
بعدين يا جنه لازم تاكلي الكيكه لان الهديه لاتهدى هههههههههههههههههه
جنه
اجابات رااااااااائعه ومميزه
ربي يسعدك ويوفقك يا رب
لروحك النقيه ياسمين لا يذبل
محبتي

[اميرة صدفة]

ومع حلقه جديده

وضيف جديد

شخصية أعتبرها ضمن

لائحة الأقلام المميزة بمعنى

مميـــــــــز فعلا

شخصيته تتصف باالتواضع وحضور قوي ومميز

شخصيه تتصف بالعطاء

اسلوبه مميز في العطاء

أثبت جدارته

يتجه الى الجميع يشاركنا أرائنا وافكارنا

عرفناه وعرفنا من خلال مشاركاته المتميزة

نرحب بالاخ

اكرم شكري

[نور]

جنة الغالية قوى علينا
منورة بااحلى حضور
وكلمات بسيطة تدخل القلب
لصاحبة ارق واطيب قلب
ديما احسك قريبة من الكل
لاحرمنا الله منك
وديما يوفقك يارب بعملك
واحنا ندعو كتير بعمل جديد واحسن وترتاحى فيه
لاجل تقدرى تشاكرى معنا بقوة
وكمان تكونى مبسوطة وده اللى يسعدنا سعادتك
منورة حبيبتى واجمل باقات ورد بنقاء روحك

وتسملى اميرة ايوه كده خدى بالك منى
وتسلمى على باقة اللورد لعاشقة يخليك يارب
دى منى لك لروووووووووعة طرحك وجماله


ننتظر اخى اكرم
بكل ترحيب لنرى ردوده الرائعة والمتميزة
كل الشكر لكم والاحترام

[اكرم شكرى]

أميرة

موضوعك رائع

واشكرك جزيل الشكر لاستضافتى فى برنامجك

متورطون ولكن

يا مزيعة صدفة

اشكر كلامك وثنائك على شخصى واتمنى ان استحق

ودعوتك مقبولة ويارب اكون ضيف خفيف

اشكرك مرة اخرى واشكر من جاوب قبلى

متميزون بصدفة ومتميزون بصدق القلب واللسان

تحيتى لهم جميعاً

ولى عودة اذا اذن الله ذالك

[marmer]

اقتليها يا عاشقة

اقيمى على امورة الحد


دى عاوزة 10 سكاكين وسطورين من اللى قال عليهم المصرى هههههههه


جنة

ربنا ينعم عليكى بشغل جديد

يكون كلة العاب ونت على الكمبيوتر

وتفضلى قاعدة فى المنتدى 25ساعة


اميرة

انا كل ما ادخل الائيكى محضرة الاكل ليا

ياربى

طبعا بتدربى على الطبيخ فيا

بس مش مشكلة انا فداءا للجميع


عمو اكرم منتظرينك يا فندم

[اكرم شكرى]

السلام عليكم

رجعت ارد وربنا يستر

نبدأ

بسم الله



الاسئلة العامة



يلا




ماذا يعني لك المنتدى ؟


صدفة مكان رائع واعتقد انها من ارقى المنتديات
واكثرها احتراما
ولذالك فأنا اامن على زوجتى وبنتى فى صدفة
وبالتالى صدفة تعنى لى جزء من اسرتى






عضو تفتقده؟


من يوم مشاركتى لم اشاهد عضو غائب
لدرجة الافتقاد ولكنى سمعت من ام بسملة
ان هناك عضوة
يفتقدها الكل اسمها هدهد
ولذالك افتقدها على السمع
اماالافتقاد المعنوى
دائما افتقد العضو المناقش الذى
يدلى بدلوة فى اى موضوع
(الا القليل من الاعضاء)


هل فكرت يوماً للأنسحاب من المنتدى ؟ لماذا؟

كتيــــــــــــــــــــــ ــر
بسبب بعض السلبيات وحجات كتير تزعل ناس كتير
ولا داعى لذكرها الا لما اتسأل عنها
ولكن مقدرتش انسحب ولن انسحب
ويا انا يا السلبيات



لو رجع بك الزمن إلى الوراء من تتمنى أن يرجع لك ؟

امى
رحمة الله عليها فهى كانت وما زالت اغلى
انسان فى حياتى
ولكن لا رجوع من الموت
ما باليد حيلة







لو اهديت سفرة عبر الزمن إلى أي زمن ستسافر الماضي أو المستقبل ؟ لماذا؟


الى المستقبل
قرأت عن الماضى
واعيش فى الحاضر
وشغوف بالمستقبل الذى لا اعلمة
وعلى المستوى النفسى فالماضى ايام الصحابة
كان نفسى اشوفهم واشوف الرسول(ص)






باقة ورد لمن تهديها ؟


مين اعز من امى اهديها واقول لها شكرا
ربتينى وانا فاقدالاب
فكنتى اب وام
تعبتى وانحرمتى من كل متعة
عشان اعيش مرفوع الرأس
فى وقت كان ممكن ان اكون بدون رأس








ألاسئلة الخاصة .

اهلا







لماذا أخترت أسمك المستعار ؟

اسمى هو اسمى
اكرم احمد شكرى
ولا احب الاسماء المستعارة
الواحد يتعامل مع البرنس سنوات
وفى الاخر يطلع برعى؟؟؟





هل فكرت يوماً أن تغير أسمك ؟ لماذا ؟


هو ينفع؟؟؟





أمنيه تتمنى تحقيقها؟


على المستوى الشخصى

الستر اولاً
وبعد مماتى عيالى تعيش ايضا فى الستر

وعلى المستوى العام
ان يتوقف الظلم والتهاون بعقول الاخرين






ماهي رؤيتك للحياة ؟

الحياة لونها بمبى
وبتقلب على غامق كتير







ماهي التجربه التي تتمنى تكرارها ؟


رحلة الاقصر واسوان
ومشروعى ال فقدتة فى حرب الخليج الاولى
وكان السبب فى غربتى





شخص تحتاج لقربه الآن منك ؟


ياااااااااااااااااااااااة
لو ارجع لحضنك
يا امى



اشكرك على موضوعك يا اميرة واستضافتى
واسف لكل شخص قرأ ووجدنى تجاوزت
المعزرة دايما لسانى جايبلى المشاكل
احترم الكل كثيرا
ولكنى احترم عقلى دائما
وبحق صدفة بقلبى

[اميرة صدفة]

المشاركة الأصلية كتبت بواسطة marmer

اقتليها يا عاشقة

اقيمى على امورة الحد


دى عاوزة 10 سكاكين وسطورين من اللى قال عليهم المصرى هههههههه


جنة

ربنا ينعم عليكى بشغل جديد

يكون كلة العاب ونت على الكمبيوتر

وتفضلى قاعدة فى المنتدى 25ساعة


اميرة

انا كل ما ادخل الائيكى محضرة الاكل ليا

ياربى

طبعا بتدربى على الطبيخ فيا

بس مش مشكلة انا فداءا للجميع


عمو اكرم منتظرينك يا فندم

كمان بتحرضي الناس عليي يا مفتريه
20 سكينه تيجي بنص راسك هههههههههههه
سيبي الاكل يا بتي دى مش اكلك
انتي بتعرفي شو اكلك ما تخليني احكي هههههههههههههه
محبتي يا قمر

[اميرة صدفة]

اخي اكرم شكري
اجابات راااااااااائعه ومميزه
كل الشكر لك والاحترام
ربي يوفقك في حياتك
انتظرونا مع المتورط الجديد

[marmer]

ربنا يرحم والدتك ابو منون

ويخليلك ام منون ومنون وبسملة واحمد ويشفيهم

يارب

لما حد يتعب ابقوا ابعدوة عن التانين

يا الله خير ان شاء الله

وربنا يحقق ليك املك بالستر

وربنا يسترنا جميعا دنيا واخرة