بكرة احلى

[ابوعثمان]

يا بت بتعاند في أحزانه
وعايشه مرارة
الزمن القاسي
سايقه مراكب الغربه
تقدف
رغم قساوة
الموج العاتي
مرة بتتعبي
مره تقاسي
ومره تعاني
من ما عرفتك
شايلة عينك
دمعة حزينه
وسر دفين
في كلماتك
وبين بسماتك
كنتي بتخفي
عذاب وأنين
بس لمتين
حا تعيشي الغربه
وتمشي تفتشي
في الأحلام
عن نجمات
السعد المافي
كونك تغرقي
في الأحزان
أو تتجرعي كاس الفرقه
وتنسي غناوي
الريد الحلوه
ما تتندمي
بكره أكيد
الحال بتبدل
وفي دنياك
حا تصادفك فرحه

[ملكة بإحساسي]

ابو عثمان .. كليمات مواثرة الان الغربة صعبة
قلم رائع تسلم الايادي لطرحك
سلمت يمنآك و لآ عدمنآك جديدك المميز
دمت بحفظ الحافظ

[طارق سرور]

حلو الكلمات اخى أبو عثمان

كل الشكر والتقدير اخى

[ابوعثمان]

إتعودت عينيك تفوت قبل الميعاد
و تضارى من عينى الملام
وتشيل خطاك خاطرى و تمش
عز الهجير تحت الشمس
بتفتش الضل و الغمام
الفات رحل من غير كلام
خلانى مصلوب فى الظلام
أسأل عليك
كل الخلايق و البشر
القابلك.....
و الاصلو ما كان بعرفك
و صيت عليك سرب الحمام
قال فى السفر ما قابلك
و بقيت براى ابحث عليك
كل ما اسوق خطواتى ليك
بلقى السراب
امتد شال ضلك بعيد
ضيع ملامحك فى الزحام
شوش رؤ اك الانعتام
غيب عينيك
طالت مسافتك يا هيام
و و راك أعيانى المسير
يا ماشية وين
ألقاك متين
أنا عندى لسه فيك غرام

[ضوء خافت]

أبو عثمان
عفوية البوح
وكأنه بطعم ماء النيل بأسوان
بكر الكلمة وصدق التعبير وبساطته
تميز لا محالة
تحياتي لقلمك الجميل

[ابو عمر المصرى]