كرسي الاعتراف مع (شذى القلوب)

[الاسير]

المشاركة الأصلية كتبت بواسطة زهـ دمعه الم ـرة

عدنا والعود احمد

اسفه يا جماعه علي التاخير

بسم الله
سلام الله عليكم و رحمته و بركاته
اخيتي شذى مرحب
انتي فين يا بنتي
يلا شدي حيلك عاوزين اجابات و اسئله
عاوزين الموضوع يولع

[منارm]

شذى

اختى الحبيبة الـــــــــــــــــــف مليون مبـــــــرووووووووووك على الخطوبة

ربنا يتتم عليك بالخير ان شااء الله


ننتظر رجوعك المنير للاجابة على الاسئلة وربنا يوفقك وتاخدى حقك من اللى سألك ..

يلا حبيبتى وحشتيناااااااااااا

[نور]

يازهرة
يازهرة فى خيالى عطرها اغرانى
انتظرك طوال زمانى
حبيتى يارب تكونى بخير وصحة
ننتظرك بكل شوق
مازلنا فى الانتظار صبح ومسا
يارب يسعد ايامك ولحظاتك
هييييييييييييي
شذى حتكون معانا بكرة باءذن الله
ده وعد منها والا
خلاص غاليتى وعد حبيبتى صح ولا ايه
سلاام

[جنة]

يااااااااااااااااااا مليوووووووووون مرحب
شذووووووووووووووو
ويلكمووووووو يا قمر
منووووورة والله الكرسي
بانتظارك غالية

[الاسير]

بسم الله
سلام الله عليكم و رحمته و بركاته
مرحب زهره
نورتي الموضوع
يلا بسرعه
جهزوا اسئلتكم و انقضوا عليها
نحن في الانتظار
خالص تحياتي للجميع
جابر المجبري

[زهـ دمعه الم ـرة]

السلام عليكم ورحمة الله وبركاته

بعد صباح الخير

وامنياتي القلبية

بالسعادة الروحية والوجدانية

لجميع الاعضاء المتهنية

بشوارع صدفة

وازقتها

انا اسفه جدا يا جماعه

والله اسفة بس اعمل ايه

كنت مشغولة من كل ناحية

وحاسة كده انكم عاوزين تطخوني بالنار

واكون صادقة في الاعتذار

ياريت تسامحوني علي التاخير

والتقصير

واظن ده الكرسي الوحيد اللي غلبكم

وطلع النار من ودانكم

انا عارفة اني طفشتكم

بس دي فايدة الاخوة

اننا نستحمل بعض

ونحس ببعض

ونخاف علي بعض

ومش هقول للاخ جابر

>>>( هما قالوللي )

علشان مش يتعصب
وبعدين يكسر الكرسي علي دماغي او
يقول مش مشارك في كرسيكي

ههههههههههههههههههههه

ويسيب الكرسي ويطلع

بس باذن الرحمن نويت استانف الاجابة عليكم

وسمحا وعذرا مرة اخري علي التاخير

اختكم

[زهـ دمعه الم ـرة]

نور العسولة

صديقة الصبا

والكهولة

انتي اكتر واحده عالمه بحالي وبظروفي

اطلع من نقرة لدحديرة من فخ لفخ

وفي الاخر بطلع اقوي

ع العموم يا قمراية

معلش مفيناش من تكسير الراس

بس هجاوب وامري لله

ولو عاوزةاجابات حلوة

هاتيلي شيكولاتة

[زهـ دمعه الم ـرة]

اهلا حبايبى اعضاء احلى منتدى منورييين

اهلا يا حبيبتى شذى منورة على الكرسى

ماشاء الله شكلك جميل وانتى جالسة عليه

وكأنك ملكة ما شاء الله .. ربنا يحميكى من عيونا


والله يا حبيبتى طول الليل سهرانة بأكتب الاسئلة فى الدفتر على شان خاطر عيونك

ياجميل ....

اهلا اهلا

بالامورة منار

منورة يا قمراية

ربنا يحفظك يا جميله

انتي الاجمل بكلامك وجمالك


يلا نبدا


نبدأ ان شاء الله... بالقسم السهل ..

ايه يا بنتي دي

ثانوية عامه وفي اجباري واختياري ولا ايه


1- لكل منا بداية فى مرحلة عمرية معينة يعلم انها اول طريق الحياة :

-- ما هى البداية التى تمثل لك أول نقطة فى بحر الحياة وفى أى مرحلة عمرية كانت ؟؟

هي نقطة انطلاقي في بحر الحياه وتفاعلي مع المجتمع وجها لوجه انا وهو والناس
اللي انا حاليا بدا ت في نصفها الاو هي مرحله الاعتماد علي النفس وبدا اثبات الذات ولي الفخر اني بكبر كل يوم وبتعلم كل لحظة حاجه جديدة من الدنيا والناس حتي الاطفال بتعلم منهم الكتير بتعلم من الشمس ساعات بتخاصم الارض وترجع تصالحها ما تبصش للقمر بس بتقابله ساعات بتكون قاسية وحامية وساعات تكون لطيفة وهادية ساعات تنسي وتطلع وقت المطر بس بترجع تمشي تاني عشان عارفه انه مش وقتها
زهئتكم انا عارفة



2- أى المراحل التعليمية احببتها وما السبب؟؟

احببت المرحلة الابتدائية لان كل المدرسين كانوا اصحاب بابا والمدرسات صحبات ماما ويا بخت من كان المدير خاله
كانت المدرسة بتاعتي بروح بمزاجي واحضر بمزاجي بس في الامتحانات بحل براسي
بس مكنتش بحب الرياضيات بيني وبينها ثار بس اجمل اللحظات اني بقابل المدرسين بتوعي وانا صغيرة حاليا وبيقولوا لي يا استاذة وبعمل لهم شغل لا وبعدل عليهم كتير بفرح من جوة نفسي ان ربنا وفقني وقل ربي زدني علما بفتكرهم وبفتكر زمان

3- أى المراحل التعليمية اتعقدى منها وما السبب؟؟

المرحلة الاعدادية عشان كانت المديرة غليظة اوي كانت بتمشي تدور حتي علي الشرابات وانا اصلا واحده محافظة اوي فوق ما تتصوروا يعني كنت بمشي حسب التعليمات بس كانت مديرة غلسة اوي كانت مدرستي المدرسة الوحيده اللي بتروح متاخر وكل المدارس تروح بدري وكانوا مدرسات غلسات بس كانت احلي واحده مس بشري دي كانت مدرسة الانجلش بتاعتي كانت واحده فرفوشة كده مكنتش متعالية كانت محببانا في الانجلش وانا كنت طالعه الاولي فيه بس طبعا لما اتغيرت طلعت الاولي بس من وري

4- رسالة شكر وأخرى عتاب لمن ترسليها ؟؟

رساله عتاب
لأشخاص أخذتهم الدنيا وانستهم زهرة احبتهم
لكل من عاملته كمااعامل اخوتي وطعنوني من الخلف
لكل من لا يقدر زهرة

رساله شكر
لربي لنعمه التي تعد ولا تحصي عليا
ساجده شاكرة لك يارب العالمين يااله المرسلين
لامي سهرت علي رعايتي حتي اصبحت عروسة حلوة ( غلبتها كتير ) ومهما قلت مش هوفيها حقها بس حقها عليا اني ادعيلها دايما سرا وعلانية وادعو ربي يتقبل دعواتي لها بالشفاء العاجل وربنا يحقق لها امانيها

ولابي ذاق المر حتي ربانا وجعلنا نواجهه المجتمع قادرين علي التفاعل معه
لابي وامي معا تكاتفهم معا جعلهم قادرين علي تربيتنا لنخرج الي المجتمع ابا صالحا واما صالحة




5- ما أحلى وجبة تحبيها من يد ست الحبايب ؟؟

الغاليه علي قلبي وعنيا وروحي امي الغالية
بصراحة ماما متميزة في المطبخ الشرقي والغربي سوا يعني اي حاجه من ايديها بحبها كفايه انها لمست ايدين امي
وبعدين يا جامعه اانا عمري ما قلت لامي انا بحب دي ومش بحب دي بشكرها علي اي حاجه تعملها عارفين ليه كفايه تعبها فيها تستحق بوسة علي الخدين وقبله علي الجبين بوس الايدين
وشكرا يا اجمل ام يا ست الحلوين يا امي

[زهـ دمعه الم ـرة]

ما الوجبة التى تقومى بعملها بمهارة فائقة وتقولى على نفسك استازة فى صنعها ؟؟

البيض المقلي

ههههههههههههههههههههه

ضحكت عليكم

انا بحب اعمل لسان القطة ( نوع من انواع الحلويات يا بنات ) مش عارفة ايه السر في كده بس بحب اعمله وبحب اعمل التورتات كنت عامله انا واختي واحده لماما عشان حفلة عيد الام وزيناها سوا مع بعض وطلعت تحفة


7- ما الوجبة التى حاولتى صنعها كثيرا ولم تتوفقى فى اتمامها بقدر ما يجب ؟؟

مفيش .. معنديش وقت اصلا اعد البخ

كنت بلبخ زمان قبل ما اشتغل في اجازة المدرسة

كنت ادخل المطبخ واطلع اي مكوونات موجودة واعد افنن

مرة عملت المعمول بس علي الطريقة الشامية كنت اخدهالطريقة من الشيف اسامة من التلفزيون المهم البرنامج خلص من هنا وانا دخلت اجرب من هنا ماما مكانتش في البيت كانت عند تيتة وانا دخلت البخ المهم يا جماعه الخير عملت ايه اعدت البخ وطلعت المكونات وعملت زي ما الشيف اسامه قال بالظبط المهم كل شوية انور نور الفرن وابص حصل ايه للمعمول ومن شطارتي عملت ضعف الكمية اربع صواني 3 كبار وواحده صغيرة المهم اولما شفت الصغيرة نضجت من هنا وطلعتها من الفرن من هنا واستنيتها تبرد وقلت اشوفها عامله ازاي ماما كانت وصلت وما اقولكوش علي الريحة وجماله بس الطعم مش هقول طلعت من بري مستوية ومن جوة عجينة واحده حجر والتانية نية ماما اللي عملته عبتهم في شنطة واديتهم لبتاع ....... كان جاي ياخدها عطتهم له لانهم طلعوا يدخلوا المستشفي عدل
وسلامتكم وتعيشوا شفتوا بقي تجاربي دي واحده منها

8- ما أحب الاعمال المنزلية التى تحبى القيام بها ؟؟

بحب انظم وارتب البيت واغير الاماكن واغير الديكورات بحيث ان كل شوية تلاقي المكان مختلف وكنت بحب اوكل السمك اوي واغير له المية بتاعته ومبحبش اشوف مكان مش مرتب بيجيلي ارتكارية

-- وما هى التى تتهربى من القيام بها ؟؟؟

النشير يا بنات مبحبش انشر الغسيل نهائي اغسل واسيب الغسيل ماما حبيبتي انشريلي الغسيل بكرهه انشر الغسيل اوي


9- شخص ما تريدى الصراخ فى وجهه وتقولى له او لها انا اتخنقت منك ؟؟

لكل من له وجهين ويعاملني بوجه محب ومن خلفي وجه مختلف
لاي انسان او انسانة اصبحت الصداقة بوجهة نظرة مصلحة بس عاوزة مصلحة مني تيجي تسلم وتعد وتضحك في وشك مصلحتها تنتهي ادي وش الضيف
10- شعور جديد ظهر فجأه وتتمنى الا يفارقك ؟؟

خليه للاخر ده

[زهـ دمعه الم ـرة]

ما الموقف الذى جعلك تفكريين جيدا قبل اعطاء ثقتك فى اى شخص ؟؟

انا طبيعتي مش بثق في انسان بسهولة الثقة دي شيء كبير جدا انك تعطيها وتسلمها لاي انسان لازم اللي تسلم له ثقتك لازم يستحقها ويكون ادها انا مش بعطي ثقتي الا اللي يستحقها ومش بعطيها الا لاصدقاء العمر والطفولة وامي اول واحده اخدت ثقتي من ايام ما كانت في اوائل المرحلة العمرية دايما بقولها علي كل حاجه تحصل لي سواء كنت الملامة او الصح بحكيلها جوانبي السلبية والايجابية دايما تنصحني عمرها ما حسستني الا انها اختي وصديقتي وامي وحبيبتي وربنا يخليها ليا يارب بحبها اوي فوق ما تتصوروا ومش متخيله اليوم اللي هتجوز فيه واسيبها بس هشرط علي جوزي باذن الله لازم اكون عندها دايما ولا اغيب عليها ابدا
لان في بعض من صحباتي اجوازهم شريريين مش بيخلوهم يروحوا لاهلهم ديكتاتورية


12- منحت الدولة الحق لكل مواطن ان يرسل رسالة مختصرة الى الرئيس فماذا تكتبى اليه ؟؟

بسم الله الرحمن الرحيم

جمهورية مصر العربية
محافظة بورسعيد

والدي الحبيب...والاب الحنون ( محمد حسني مبارك )
رئيس جمهورية مصر العربية
السلام عليكم ورحمة الله وبركاته
أكتب إليك هذه الرسالة وكلي شوق لرؤيتك، متمنية أن تكون وبقية أفراد الأسرة بخير وعافية. أما أنا فبأحسن حال، وعلى ما يرام – ولله الحمد والمنّة - فمنذ أن وصلت إلى الدنيا أحسست بسعادة تغمرني، وزادت سعادتي حينما أخذت اكبر واشتد طولا ، وانا اري الدنيا حولي ، كما هي ، فالاسعار والحمد لله مستقرة ، وفي متناول المواطن المحدود ، والشعب والحمد لله مرفهة بطريقة رائعه ، وقد اثبتت الدراسات الحديثة ، ان المواطن المصري قادر علي التكيف مع جميع الظروف الحياتية ، فهو من الممكن ان يعيش بثلاثة جنيهات يوميا ، نفقاته ، وقد اصبح مثل فئران التجارب واحلي فهو اصبح يكتيف مع كل شيء حوله ، وهذا طبعا بفضلك ايها الاب الحنون ، الذي علمتنا الاعتماد علي النفس بدرجة رهيبة ، حتي اصبح المواطن المصري ، حقل التجارب الدولي ، في جميع امور حياته
الاب الحنون .. سياده الرئيس
انني انا ابنتك .. المطيعه زهرة .. اقر واعترف انك مثال للقدوة الحسنة فانا منذ ان ولدت وانا اراك امامي رئيسا للجمهورية .. لم تتغير قط ولم اري غيرك وها انا اصبحت شابة وانت مازلت علي كرسيك .. وهذا كله بفضل تفانيك في منصبك ،، فانت وبلا فخر ،، مثال للرئيس المرفهة لشعبة ،، والمواطن المصري في عهدك ،،ينعم بالصحة والشباب الدائم بفضل الوجبة الهنية الفول المصري ،، والكشري ابو تقلية والذي اصبح الطبق منه بخمسة جنيهات مصريا ،، واصبح للجنية في عهدك ،، قيمة لا توصف ،، فقد اصبح عمله تذكارية ،، وخاصة العملات الفضية ،، اصبحت الخمسة قروش والجنيه اصبح لا يشتري كيس الشيبس ،، هذا كلي تعلم اننا مرفهين جدا ،، ومرتبات موظفين اصبحت عاليه جدا ،، حتي اصبح الموظف لا يجد ما يصرف فيه راتبة ،، كل ده يا سعاده الرئيس ،، من النعم اللي سيادتك مغرقنا بيها ..
مهما قلنا ومهما عدنا مش هنقدر نعمل حصر لمدي الرفاهية التي وصل اليها الشعب المصري الذي اصبح من اكتر الشعوب رفاهيه .
اما بالنسبة للمستشفيات فالحال بيسر العدو ولا يسر الحبيب فقد اصبحت علي قدر من الكفاءة والنظافة لا تتخيلها فهي مرتع للذباب وحشرات الفراش والصراصير وما شابة ذلك من حشرات فهي فعلا اللي داخلها مفقود واللي خارج منها مولود ..
اما المواصلات وبكل فرحة فهي كل مدي في غلو وطبعا ده لان الراتب الخاص بالموظفين ما اكبروا فطبعا الدولة مش عارفة تخلينا نصرفه فين فقالت نعمل ايه نغلي المواصلات علشان نساعد المواطن الفرفوش في صرف الفلوس
سيادة الرئيس والاب الحنون اخير وليس اخرا
لقيت منك كل لطف وعطف وبشاشة، وغمرتني بعطفك واهتمامك، وإنني أبذل جهدي لاتباع نصائحك لأكون خير قدوة لأقراني في الاجتهاد، وحسن السيرة.
أما الوزراء فهم مخلصون ويعملون بجد واجتهاد،
فكن يا أبي مطمئن البال، مرتاح الضمير على ابنتك، وأرجو اللّه أن يطيل في عمرك لتجني ثمرة أتعابك. مع شعب مصر
وختاماً أسأل اللّه أن يحفظكم، وتحياتي لأفراد أسرتك الكريمة وسلامي الخاص لوالدتي الحنونة ماما سوزان .
ودمتم في حفظ اللّه ورعايته...
ابنتكم المطيعة
زهـ دمعه الم ـرة