عيد ميلاد جميلة الجميلات
إنهاردة جاي أقول كلمتين كلهم ليكي
كلمتين من جوة قلبي طالعين يوصفوا فيكي
ياللي الهوي أخد إسمه من أساميكي
و القمر إتكسف ما يطلع ليلة في لياليكي
ياللي البشر من خيرك قربوا يبوسوا أياديكي
و دوروا لما داخوا ما لقيوا مين يضاهيكي
و من حبهم حلف الأذي بربه إنه ما يأذيكي
و لمستك حنان طاغي مين يفكر حتي يعاديكي
يا للي الجمال و الحلي إترسم أية من فيكي
و بسمتك وهج نور لسمانا و ظل لأراضيكي
ياللي كل الناس شهدوا لحلو كلامك و معانيكي
وقالوا ليكي أحلي قصايد و إنتي مين ما يماريكي
ياللي الحسن كل ما يدور علي شطره يلاقيكي
وكبريائك و طهرك سمة بين النسا مين تساويكي
ياللي الورد فتح وجوده في أرضك و بواديكي
وردة في أرضها أنتي و عودها أتعرف بيكي
عيد ميلادك عيد الدنيا و هيا ما تعرف تباريكي
من قبل الكل جاي أبارك أهني و أهاديكي
كل سنة و أنت طيبة و ألتمس العذر معاليكي
كان نفسي أكون قريب زي صحبتك و أهاليكي
بس خايف يبان عليا حبك و ما أعرف أداريكي
و نفسي أتكلم قدامهم و أعتلي منصة روابيكي
و أصحي في قلبك الحب المنسي و أصحيكي
و تعتبريني جزء منك أو ناصية من نواصيكي
أو مجرد حتة صغيرة جواكي وناحية من نواحيكي
و لو بعدتي عني أسبق الكل يا حبيبتي أناديكي
كل سنة و إنتي طيبة يا ضي قلبي أناجيكي
ولو سمحتم قولوا زيي ميلاد سعيد يا بنتي ربي يخليكي
11-11-2010, 01:59 AM
عيد ميلاد جميلة الجميلات
