السلام عليكم
هاااااى يا جماعة
طبعا هتقولو عليا غلسة لانى اتاخرت فى الرد
لكن زى ما قولت لكم النت دوخنى فى البيت والنهارد كمان فى الشغل
وما تتخيلوش عملت ايه وروحت فين علشان احكى لكم عن يومى امبارح
دلوقتى انا عند اختى وجنبى بنت اختى الشقية جدا اهى عمالة تشد السلك بتاعة الجهاز وهقع من على رجلى
المهم ما علينا اهم حاجة انى لقيت نت علشان اكون معاكم
هحكى لكم بئى عن يومى امبارح واللى حصل فيه
الاول المنبه رن الساعة 8 ونص كل يوم اظبطه على 8 ونص واقوم بعدها بعشر دقايق
ومن ساعة ما اشتغلت وانا كل يوم وانا بصحى اقول انا بس كان ايه بيشغلنى ما كنت قعدة فى البيت واقوم من النوم براحتى
طبعا بقوم اقعد ع السرير شوية لانه غلط نقوم مرة واحدة علشان الدوخة وكده
واقول الحمد لله الذى احيانا بعد ما اماتنا واليه النشور واستعيذ بالله من الشيطان واقوووم
قمت اتوضيت وصليت وكويت هدومى ولبست
اتمشيت لحد الشغل لان الشركة اللى بشتغل فيها مش بعيد عن البيت يعنى تقريبا خمس دقايق مشى
واخيرااااا وصلت لقيت عم بدر البواب
سلامو عليكو يا عم بدر عامل ايه
وعليكو السلام يا بنتى الحمد لله تمام
دخلت على مكتبى واول حاجة بعملها بفتح الموبيل على برنامج اسلامى فيه الاذكار
وبعد الاذكار قريت الورد بتاعى من القران
وبعد كده فتحت الكمبيوتر وشغلت قران على سورة الواقعة
وبعد شوية نزل اتنين زمايلنا جابوا لنا فطار
فطرنا وبدات شغل
كتبت شوية ورق وبدأت الناس تيجى والمقاولين والعمال بحكم انا بشتغل فى شركة مقاولات
المهم جات الساعة تلاتة مشيت