يوم فى حياتك .. أدخل وشارك معانا

[أحمد اسماعيل]

السلام عليكم ورحمة الله وبركاته


اليوم راح أحكى لكم عن يومى وباذن الله يعجبكم


امس كنت زعلان قوى .. نمت بدرى وكتير أوى .. دى عادة فيا .. أزعل قوى أنااام

وسبحان الله .. العادة دى وكانها صفة وراثية .. فيه ناس فى البيت عندنا نفس الشىء

وكما نمت بدرى . صحيت بدرى .. بصيت فى ساعة التليفون .. امممم لسه بدرى ,, كمل نوم

غمضت عيونى وحاولت انام .. لكن الفكر أشتغل .. وافكر لحد ما المنبه ضرب

قمت أخذت شاور تمام ... وصليت .. ولبست ملابسى علشان الدوام ( الشغل )

ما عجبنى القميص .. غيرته ولبست غيره .. وقلنا بسم الله .. وقلنا يا كريم

فى الدوام .. جات السكرتيرة الطيبة أم محمد الله يسعدها ويشفى والدتها

وهات يا سلام ويا كلام ووصل زمايلى بالدوام ولحد الساعة 9 ونص ما فطرت

تركتها شوية ودخلت أشارك .. علشان خايف من يعرب تغلبنا هههههههههههه

الساعة 10 .... يا أنور ... ( فراش المكتب ) أعمل شاى حليب .. والمج بتاعى عنده

عمل شاى حليب .. شربنا وحمدنا الله ... والساعة 11 ... خرجت شوية أتمشى بالمكان

وأفكر بامور كتير .. صادفنى صاحب ليا .. قعدنا نحكى شوية ونضحك ونتكلم عن امور الدنيا

رجعت قعدت بالدوام ... ومسكت الجريدة أقراء فيها ... حلاوتها فيه صفحة متخصصة عن اخبار مصر

وقبل الصلاة ... كان فيه شوية شغل خلصوا .. ... ليا صاحب عنده مشكلة قعد يحكى ليا عليها

المهم .. صلينا .. وكملت قراءة بالجريدة واليوم الخميس .. اخر الاسبوع وملل

قعدت أنا وصاحب ليا نضحك شوية ... طبعاً أحاول أنسى ألم اسنانى اللى بيزيد .. مفيش فايدة

ومن الساعة 12 حتى الساعة 1 ونصف ... اتحرك ما بين التلفزيون وبين خارج الدوام

أسنانى لما توجعنى ويزيد الالم .. ربنا وحده يكون عالم بحالى ..

انتهى الدوام .. وأنتهى الاسبوع وكل واحد راح الى سكنه وبيته

ذهبت الى غرفتى .. وبدلت ملابسى .. طبعا لانى نمت أمس ما عرفت انام

لما بدلت ملابسى .. طلعت سمك عندى بالتلاجة وتركته يفك

طبعا كان نفسى أجهز غدا .. ما ليا نفس خالص

دخلت اشارك معاكم .... اصلى وارجع اشارك ..واتحرك شوية وارجع

من حوالى ساعة .. قلت أعمل هجوم على المطبخ وأغسل السمك وأجهزه لبكرة

طبعاً أخذت أحتياطات قوية .. علشان رأئحة السمك رهيبة .. المهم توكلنا على الله

فرشت كيس كبير على حوض المطبخ ونظفت السمك تمام وغسلته كويس اوى

وحطيته بالتلاجة تانى .. على أساس باذن الله ارجع بكرة من الصلاة أتغدى بيه

ويلااا اللى عاوز يشرفنا يا مليون مرحباا

بعد تجهيز السمك .. اخذت شاور تمام .. وصليت ورجعت أشارك معكم

وتوتة .. توتة .. خلص اليوم يا حلوين ...

دوم غاليين . .. وبكل مكان منورين



.. ويوم مر من عمرنا

[جنة]

ماااااااااااشاااااااااء الله عليك ياعم احمد
ربي يحفظك ويحميييك
وبانتظار سلوى عشان تختار الشخصية القادمة

[لمسة دفء]

تسلم أحمد على المشاركة


قضينا معك يوم حلو كتير

الله يقويك ويعينك يارب



ننتظر يوم بحياة

نووووووووور

من الصبح حتى المسا

[نور]

اسعد الله مساءكم بالخير
احمد المصرى
احسسنا اننا نعيش معك هذا اليوم
لرووعة حروفك وتألق سردك الجميل
البسيط اللى يدخل القلب
اسعد الله ايامكم جميعا اهل صدفة
عيونى حاضر لكم

اكيييييييييد عارفين اليوم جمعة ويارب على جمال اليوم
صيحت من بدرى صليت الفجر ونمت شوى احلى شوية نوم
الصبح بدرى ابقى كسلانة قوى حتى ايام الدراسة يحلى النوم بالوقت ده
اكيييييييد ده هروب كبير قوى من مسئوليات الدراسة
ههههههههههه كل الشباب والصبايا كده
وبعدين هجوم على صدفة اطمن عليها واشارك
وبعدين فطرت وقرءت قرآن.. وصبحت بالتليفون على اختى الكبيرة
رب يخلي لكم احبابكم يارب ...
مؤكد فتحت البلكونة والشمس جميلة احب اشوف منظر السماء الجميل
وامتع عيونى
وبعدين رتبت غرفتى وارجع اشارك تانى
حتى اذان الجمعة سمعت الخطبة لان بجوارى مسجد
يعنى بنهاية الشارع
وصليت الظهر بالبيت وجريت اطمن على صدفة واشارك
لوقت طويل انزل مواضيع اتمنى تعجبكم وتفيدكم
وبعد كده اكييييييد اتجمعنا كلنا واتغدينا
ونسيت اقولكم رتبت دولابى يعنى خرجت ملابسى الصيفى
اجهزها الجو بدء يكون كويس استبعدت ملابسى الثقيلة
واتشعلقت فوق السلم لاجل الدولاب بلكار
اخزن فيه الشتوى كله بس كنت خايفة اقع
ههههههههههههه بس ماوقعت الحمد لله
يومى عادى اكييييييييد كله راحة من تعب الاسبوع
بس الاجمل فيه انى معاكم بكل روحى اشارك واتابع
بس مساء قبل قليل جاءت اختى واولادها وسهرنا وشربنا عصير برتقال
وهات ياكلام وحكايات وذكرياتنا واحنا صغار
ودلعى وشقاوتى اللى ماتنتهى اكييد الحين كبرت واتعلمت كتير
نحكى واسمع فرحانة قوى بهم وبلمتنا الحلوة لاجل كده احب قوى يوم الجمعة
هو كله خير وبركة وصحبة حلوة
وخرجوا بسلام الله.. وانا هنا معاكم واشارك
بس تعرفوا اجمل حاجة اعملها قبل انام
انى اسمع قرآن اختم به يومى
احسه يطمن قلبى ويهدى نفسى
لاجل كده ساعات كتير اتركه بجوارى
وانام على صوت القرآن
اكييييييد يومى هو عادى زى اى صبية
بس صدقونى اجمل مافى الدنيا
انى معاكم اللحظة دى
اسعد الله اوقاتكم
جمعنا معكم على الخير
يااجمل صحبة جمعتنا سلوى الجميلة بكم
لا حرمنا الله صحبتكم الطيبة
ومر يوم بس مش زى اى يوم
لانه معطر ببركة يوم الجمعة فيه ساعة مستجابة الدعوة
رب يتقبل دعائى وصلاتى يارب
ويجعل ايامكم فى ظل طاعة الرحمن

[أحمد اسماعيل]

انا عاوز من العصير


هههههههههههه



نووووووووور ... الله يسعدك ويحفظلك كل أحبابك

يوم جميل جدا .. ورائع بوجودك فيه

عشنا يومك والشمس والبلكونة ... وبرضوه عاوز من العصير

هههههههههههه


يسلمووا على روووعة الطرح

ربى لا يحرمنا منك ولا من طرحك المميز والرائع

كل ما تقدميه هنا يسعدنا ويفيدنا ويفيد كل من يمر بالمكان

دعواتى لكى بالصحة والعافية

وبلاش سلالالم
هههههههههههههههه

[جنة]

الغااااااااالية نوووور
يسعدك الخالق وينور دربك
اسعدتنا مشاركتك لنا بيومك الجميل

ربي يحفظك من كل سوء يااارب

[لمسة دفء]

نور

تسلمى على مشاركتك الرائعة

يوم جميل وعطر عشناه معك

جعل الله كل أيامك خير وبركة وسعادة


وننتظر يوم بحياة الأخ الكريم أبو عبد الرحمن

[أبو عبد الرحمن]

بسم الله ما شاء الله لا قوة إلا بالله

بداية أشكر الأخت الفاضلة
صاحبة الطرح المميز

والموضوعات الشيقة والمفيدة

أختنا الكريمة سلوى


تقبلى وافر الشكر وأعطر التحايا

ولا انسى الثناء على الصبايا جميعا
نور وسلسبيلا وهدهد وهموسه وكل الصبايا بلا استثناء
لمجهوداتهم الرائعة وموضوعاتهم الشيقة
التى لولاها لما أحسسنا بالمتعة والراحة داخل المنتدى

ولا نغفل دور داهية العرب وزعيم العصابة
طبعا كلكم عارفينه ( أحمد بك المصرى )
وعصابته المحترفة ( الغول وجابر و نوبى وكل الشباب )

تحياتى للجميع


والآن أبدأ معكم
هذا اليوم من حياتى

وهو يوم السبت الموافق التاسع من ربيع الآخر للسنة الثلاثون بعد أربعمائة وألف سنة من الهجرة النبوية
على صاحبها أفضل صلاة وسلام وأزكى تحية .... الموافق للرابع من أبريل - نيسان لعام ألفين وتسعة من ميلاد المسيح عليه الصلاة والسلام .

استيقظت كالعادة على أصوات رنات الهاتف المحمول التى تنهال يوميا عند صلاة الفجر
من أخى وحبيبى المهندس أبو حبيبة وأخى الحبيب عامل البوفيه أبو مريم ( بنجلاديشى ) ما شاء الله عليه لا يترك فجرا
وله ختمة كل شهر لا تنقطع أسأل الله تعالى أن يحفظه

الحمد لله الذى أحيانا بعد أن أماتنا وإليه النشور

قبلت عبد الرحمن فلذة كبدى وأيقظت أمه للصلاة ( مش لتحضير الفطور يا نور ههههههههههه)

ثم ذهبت إلى المسجد .... وما أجمل هذه اللحظات ... أستنشقت هواء نقيا ليس له مثيل ...
وبعد الصلاة سلمت على أبو عبد الرزاق جارى ( سورى الجنسية ) أيضا لا يترك فجرا .. حفظه الله

وقرأت أذكار الصباح ثم ذهبت لأكمل نومى ....

وعند السادسة وخمس وأربعون دقيقة ايقظتنى زوجتى الحبيبة لأذهب إلى الدوام ( العمل )
فقلت لها إن شاء الله كمان خمس دقائق هههههههههه ( مالى نفس أذهب للدوام الجميع عندهم السبت إجازة إلا إحنا .. إدعولنا ربنا يهديهم ويعطونا السبت إجازة )
بعد خمس دقائق ... إصحى يا بو عبده الدوام .... حاضر دقيقتين
بالعافيه قمت .. طبعا سهران معاكم لوقت متأخر من الليل ومحتاج أنام
أخدت حمام ( شاور كما يقول الفرنجة ) ههههههههههههه


و كالعادة أم عبد الرحمن سلقت البيض وعملت سندويتشات - جبن مثلثات مع البيض المسلوق حكاية ( جربوها ) مع الشاى

ثم استودعتهم الله تعالى وذهبت إلى عملى بعد أن قلت بسم الله توكلت على الله - اللهم إنى أعوذ بك أن أضل أو أضل أو أذل أو أذل أو أظلم أو أظلم أو أبخل أو يبخل على

ركبت السيارة وقلت دعاء الركوب ( سبحان اللذى سخر لنا هذا ....

وصلت إلى الدوام فى تمام السابعة والنصف ( موعد الدوام ) دقيت كرت الدوام

سلمت على الشباب فى قسم الشئون الإدارية

فتحت المكتب بتاعنا ( العلاقات العامة ) وطبعا لازم نرش شوية ميه أمام المحل عشان الإستفتاح

ههههههههههههههههههههههههه ههههههههههه


أبو مريم : ( إنتى يصحى اليوم بدرى ؟ )
أى نعم ... مشكور يا بو مريم يعطيك العافية
أبو مريم : شاى ولا شاى حليب ؟
شاى .. جزاك الله خير





شربت الشاى وأخذت أطلع على الجرائد وما فيها من أخبار



ثم انتهيت من ترتيب بعض الأوراق الخاصة بالعمل والإطلاع على الفاكسات الموجودة بمكتب رئيس مجلس الإدارة
وصل السيد رئيس مجلس الإدارة

طلب بعض الأوراق والأعمال
أحضرتها ... وأنجزت العاجل منها


ثم وصل المدير ... سلم وجلس معنا دقائق ثم ذهب إلى مكتبه

انشغلت فى العمل لمدة .... وبعدها توضأت وصليت سبحة الضحى

ثم دخلت معكم لأشارك فى منتداكم الجميل ( أثناء وقت فراغى )

وبعد فترة أذن لصلاة الظهر .... ذهبنا للصلاة فى المسجد المجاور لمقر العمل

وبعد الصلاة اتصلت على البيت لأطمئن على عبد الرحمن ووالدته

ودخلت مرة أخرى إلى المنتدى

فرأيت الدعوة الرقيقة التى أرسلتها

الأخت سلوى
فلم أتردد فى الدخول إلى الموضوع الجميل
وكتبت هذه المشاركة

ولم ينته اليوم بعد

وسأوافيكم بما تم فى باقى اليوم

فى المساء بحول الله وقوته
سامحونى على الإطالة


أستأذنكم لأنجز بعض الأعمال

أترككم فى معية الله


أبو عبد الرحمن

[أحمد اسماعيل]

مشاء الله

ايه الحلاوة دى .. هههههههههههههههههه ... الله يحميك يا مديرنا

ربى يسعدك ويبارك فى كل الاسرة ومستر عبدو وجميع من لك هنا وفى مصر

نشوف مين اللى جهز الغدا . لانك روحت بدرى ههههههههههه


الله يسعدك يا غالى وننتظر بقية يومك .. ربى يوفقك الى كل خير

دعواتى لك بالصحة والعافية

[نور]

يوم جميل ولسه مانتهى ننتظر الاجمل فيه
رب يسعد اوقاتك اخى
ابوعبد الرحمن
ياظلمنى انا صحيت صليت الفجر حاضر وبعدين نمت كسلانة زيك
ارجع شوف كلامى
تنتقى الكلام اللى على مزاجك
ههههههههههههههههههه
حاسب احنا صبايا مصحصة قوى وشاطرة
رب يحميك ويبارك فى ام عبده وعبده وابوعبده
ياااااااااااااااارب
نحن فى الانتظار على احر من الجمر والنار
يارب يكون الاجمل من باقى النهار
واحنا هنا معاك فى انتظار
بس لاتغيب علينا احسن الفكر يحتار
ونرسل احمد يبحث عنك فى الدار
ههههههههههه