نسيت 75 ألف جنيه فى فرن البوتاجاز فاحترقت مع صينية البطاطس

[أحمد اسماعيل]

نسيت 75 ألف جنيه فى فرن البوتاجاز فاحترقت مع صينية البطاطس




القاهرة: واقعة طريفة شهدها حى مقبل بمدينة بنى سويف بمحافظة بنى سويف المصرية، حيث قامت ربة منزل بإخفاء 75 ألف جنيه خاصة بزوجها فى فرن البوتاجاز خوفا عليها من السرقة، وأعدت صينية بطاطس بالفراخ وأشعلت فرن البوتاجاز ونسيت تماما أنها قامت بإخفاء المبلغ فى فرن البوتاجاز .
وبعد فترة قصيرة اشتمت ربة المنزل رائحة غريبة تنبعث من الفرن وتذكرت فجأة أنها أخفت النقود فى الفرن فهرولت نحو البوتاجاز فى محاولة لإنقاذ المبلغ إلا أن النار كانت قد أتت على معظم النقود.
وأثناء وجوده بالعمل فوجئ زوجها باتصال تليفونى من زوجته أبلغته خلاله أن المبلغ المالى الخاص به إحترق فى فرن البوتاجاز أثناءقيامها بتسوية صينية بطاطس أعدتها لوجبة الغداء .بحسب ماذكرت صحيفة "الوفد" الحزبية اليومية .

[ساجده]

ايه ده القصة وقفت على كده

طيب حد يقول جوزها عمل ايه

انا لو مكانه هاخليها تحصل صنية البطاطس والفلوس


حد يخبى الفلوس فى الفرن ضاقت بيها الشقة كلها يعنى

لا يااحمد بالله لازم تقول ردة فعل زوجها

[أبو عبد الرحمن]

بطاطس بالهنا والشفا

هههههههههههههههه

تسلم يا مصرى
ابقى شيك على البوتجاز كل يوم

[همس الحب]

غبية
ده نتيجة سوء تصرفها

أكيدنفس جوزها أتسدت

تسلم أحمد

[جنة]

ههههههههههههههه
بجد يا احمـــد
انا الفضــول بيقتلنــي
عاوزة اعرف ردة فعــل جوزها ^-*
ده كده الخبر مفيهوش حمـاس يعني

[ضوء خافت]

حبيبتى ساجدة
اولا حمدلله على السلامة نورتى من جديد
وبعدين عايزة تعرفى جوزها عمل ايه ليه يعنى
مش نصيبهم ويمكن حرق الفوس فداهم من شئ وحش كان حيحصل
ربنا يعوض عليهم
تسلم احمد على النقل الطريف
بس المهم نطمن على صينية البطاطس
ههههههههههههههههههه

[ساجده]

الله يسلمك ياضوء

عاوزة اعرف ردة فعله لانها مخبياهم منه يعنى لو هو عارف ماشى

انما دى ست اصيلة من اللى بيخبوا الفلوس


وبطاطس ايه اللى انتى بقى عاوزة تطمنى عليها

طيب تحرقهم مع رقاق باللحمة او مكرونة بالباشميل او حتى صينية تورلىاو صينية فيها كوسة محشية بلحمة مفرومة

اى حاجة تستاهل الالوفات يااختى انما بطاطس؟

[ضوء خافت]

ههههههههههههههههههههههه
ساجده
اضحك الله سنك
يختى دى هى كانت مخبياهم من الحرامية مش من زوجها
بس نصيبهم من الاول انهم رايحين
هههههههههههههههههههههه
المهم يعنى عايزة اعرف الصينية اتحرقت هى كمان
يعنى معرفوش يتغدوا ؟ ثم دى صينية بطاطس بالفراخ مش اى حاجة
اصل كمان مش حيبقى فيه غدى يعنى جوع وخراب ديار
ههههههههههههههههههههههههه

[نوبى]

خبر عاجل:

الزوجة خلاص فششششششششش

صباح اليوم هربت الزوجة من البيت عند امها لان الحرامى عرف ورجع يهددها انها قطعت رزقه

والزوج والحرامى

معزومين الان بمطعم سمكمك على اكلة سمك مجانية

لظروف الاتنين

ارزاق

حسين النوبى .. الغاهرة

[hader]

ههههههههه والله كويس صنيه بطاطس وقفه ب75 الف جنيه لا بلاش ههههههههه
تسلم احمد المصرى
تحياتى للجميع