مرمريه القمر
الحمد لله ان ربنا خلصك من اكرم على خير
واحمدى ربنا انها جت على اد كده
ده اكرم حط نص الاسئله
يعنى لو كان حط الاسئله كلها كان زمانك قدمتى استقالتك من المنتدى
الله يكون فى عونك يا ام منون
انا نفسى اشوف ابو منون وهو قاعد بيحل اسئلة الثانوية العامة
عشان اشمت فية
بس بجد اجابات روعه من انسانه زى العسل كلنا بنحبها
ربنا يسعدك يا قمر يارب ونفرح بيكى قريب
ويكون عريس ابن حلال
ماهى المشكلة فى حكاية ابن حلال دى هههههههه
وبمناسبه العريس بقى خدى الاسئله دى وطبعا من حقك انك مش تجاوبى على اى سؤال
مش يعجبك
الاول اتسلى فى علبه الشيكولاته دى
اموت انا فيكى وفى الشيكولاتة
يا ام منون
جبت لك النوع اللى انا بحبه
انا كمان بموت فية
عاوزة واحدة يا ام منون
لا كلهم ليكى يا مرمورة
تسلميلى يا ام منون يا جميلة
بصى يا ستى
بصيت يا عمرى
السؤال الاول
ايه رايك فى الزواج التقليدى او ما يسمى بزواج الصالونات بمعنى ان يتقدم لك
شخص كويس ممكن يكون من العائله او المعارف
هل توافقى عليه ؟؟
بصى يا سيتى
اولا انا مش بحب جواز القرايب وفعلا ابن عمى كان متقدملى
وفلستعة ههههههههه
يعنى بمشى على المثل اللى بيقول
جواز القرايب مصايب
بس بالنسبة لجواز الصالونات فى حد ذاتة انا مش ممنعاة ولا ضدة
وخصوصا انى مش بامن لحد
يعنى عندى واحد يتقدملى ويكون انسان كويس ونحب بعض فى الخطوبة حتى لو سبنا بعض بعد كدة مش هحس انى كرامتى انداست لان كان كل شئ قدام اهلى والناس وربنا
ودة بالنسبة ليا احسن من انى احب واحد سنة واتنين بدون علم اهلى وفى الاخر يقولى سلام ساعتها هكون خسرت كرامتى ونقسى
وبصراحة اكتر ما فيش واحد يستاهل انى اهين نفسى عشانة
2/لو اتقدم لك عريس وقال لك مش هجيب لك شبكه وهوشاب كويس اخلاقيا
هل توافقى عليه ؟؟
لا مش عندى عريس لكى ولا حاجه هههههههههههههه
لا عندك بيدو ولا نسيتى يا حماتى ههههههههه
والله يا ام منون
انا مش هقولك انى مضحية بقى والكلام الافلاطونى دة
انا انسانة واقعية
بمعنى انى عمرى ولا انا ولا اهلى
هنطمع فى اكتر من امكانيات الانسان اللى قدمنا
وحصوصا لو كان انسان كويس وشخصية خلت اهلى يحترموها وخلتنى انا كمان احترمها
بالنسبة لموضوع الشبكة لازم يكون فية شبكة حتى لو باقل الموجود
لان فية ناس بتفتكر ان البنت واهلها لما بيتنزلوا عن الشبكة خالص
دة لانهم مدلوقين ودة ممكن يقلل من كرامة البنت
فالشبكة لازم منها بس مش لازم نشنق العريس يعنى
كلة بالاصول
3/بماذا تشعرى عند الظلم 00لو ظلمتى او اتظلمتى ؟؟؟
بحاول كتير انى ما ظلمش حد
اما لو اتظلمت بحس بالقهر
بحس انى مدبوحة
بكرهة نفسى جدا
بس دة بيكون لفترة لحد ما انسى
وكفاية حسبنا الله ونعم الوكيل
4/مواصفات شريك العمر ؟؟؟
انة يكون انسان
يعرف يعنى معنى انسانية
يكون راجل فى كلمتة اللى يقولة ينفذة
يكون صادق وامين عليا
يحترمنى واكون اهم ما عندة
يكون شخصيتة قوية وفى نفس الوقت طيب وحنين
ما يكنش متسلط يعرف يتفاهم
طبعا يكون مناسب ليا وانا مناسبة لة
و انة يعرف حقوقى علية وحقوق اهلة علية
وطبعا الصلاة والامور الدينية دة امر مفهوش كلام
واكيد بردة الانسان اللى عاوزاة مش موجود ههههههههه
5/لو اتجوزتى وجوزك طلب منك انك تشتغلى 00توافقى ولا ؟؟
هههههههه انتى انهاردة كل كلامك حكم يا ام منون ههههههه
حصلت بس دة كان قبل الجواز والكارثة انة مش هو اللى كان عاوزنى اشتغل
دة اهلة وكانى هتجوز اهلة
المهم
دلوقتى على فكرة المعظم بيدور على البنت اللى بتشتغل
جايز يكون بسبب ظروف المعيشة او لمجرد انها بتشتغل وخلاص
ولان الامور دى حصلتلى كتير وشوفتها
انا مش بحب الشغل
بس لو جوزى حالتة المادية بسيطة وعاوزنى اساعدة ما فيش مشكلة
بس يكون هو اللى عاوزنى اشتغل مش اهلة ولا حد تانى
انما بقى لو حالتة المادية كويسة يبقى هرفض انى اشتغل
كفايه ال5 دول وارجع لك تانى بباقى الاسئله
واكيد هجيب لك معايا احلى عشاء
هما دول خمسة بس دول
100 ههههههههههه
يا الله بقى مستنية العشا بتاع ابو منون
02-10-2010, 07:19 PM
رد: مرمرية تفتح قلبها
